Mi hnuaia inhlawhfa thin leh hna dang thawk thenkhat te tana Central Sorkar hnuaia hamthatna .
Heng a hnuaia hamthatna tha lutuk mai hi i lo hre tawh em? i hriatloh chuan ngun takin han chhiar la Central sorkar hnuaia scheme a ni a, a member ni thei tan chuan rilru thianghlim tak chunga chan theih a lo ni reng mai.
MIZORAM BUILDING & OTHER CONSTRUCTION WORKERS WELFARE BOARD
(Labour, Employment, Skill Development & Entrepreneurship Department)
HNATHAWKTUTE TANA HAMTHATNA
Member nihdan:
India khua leh tui diktak kum 18 - 60 inkar, kumkhat chhunga ni 90 tal inhlawhfate chu member an ni thei a, chungte chu a hnuaia tarlan ang hi a ni.
Contractor emaw midang hnuaia heng hnathawk te:-
Carpenter (Thing Mistiri, Mason (Lungrem Mistiri),
Cement Mistiri,
Painter (Rawnghnawih, Helper (Construction works),
Electrician,
Wireman,
Fitter,
Welder (Thir châr),
Plumber,
Iron & Aluminium Work,
Thirchher,
Thingzai,
Balu la,
Lung la (Quarry-a thawkte),
Rora chhû, Kawng leh Lei laia inhlawh,
JCB/Dozer Operator, Constructions Machine Operator te leh
construction Driver te, Leirawhchan siam a inhlawhfate a huam ang.
Amaherawhchu, India ram State/UT Welfare Board hnuaia in register tawhte erawh a huam lo ang.
Member nihna atana document thiltel ngai te:
1) Voter I.D. Card photocopy. (Voter I.D. a Date of Birth lang lo te tan piankum lan chianna document dang thiltel bawk tur a ni.)
2) Aadhaar Card photocopy (As per Sec 142 of Code on Social Security, 2020)
3) Family Ration Card attested photocopy.
4) Bank Pass Book attested photocopy.
5) Passport size photo 2 copies.
6) Local Council/Village Council leh Branch YMA/YLA/MTP hriatpuina.
Membership Fee ngaizat:
1) Registration Fee Rs.25/- a tira pek a ngai.
2) Thlatin membership tih nun nan Rs.10/- pek ziah a ngai a. Amaherawhchu, thlatin pe lovin kumkhat atân Rs.120/- pek lâwk theih a ni.
3) Membership Fee/Renewal Fee hi kumthum thleng pe lawk duh tan a pek lawk theih.
4) Membership card a thih atanga Kumkhat (1 Year) ral hma ngei a renew thin tur a ni.
(As per Sec 17 of BOCW (RECS) Act, 1996) XXVII [See Rule 268(4)]
Member tâna hamthatna awm thei te:-
1. Member Hmeichhia tân bik:
Member hmeichhia chu nau neih lawmpuina Rs.10,000/- (singkhat) pêk a ni ang a, member anih atanga fa pahnih a neih thleng a huam ang. Nau neih atanga thlaruk (6 month) chhungin dil theih a ni ang.
2. Pension pangngai leh ramtuileilo avanga Pension:-
1) Member chu kum 60 a tlin hunah thlatin pension Rs. 1,000/-(Sangkhat) pêk a ni ang a, Kumtin April thla apiangin Life Certificate (a la dam ngei ani tih hriatna lehkha) an thehlut thin tur a ni. Amaherawhchu, Pension tur hian kumthum (3 years) tal member nih a ngai thung. {As per Sec 107(2) of Code on Social Security, 2020}
2) Member chu kum 60 a tlin hmaa hliam avang emaw natna khirh tak emaw avanga hnathawk thei tawh lo (Medical Board-in disability 40% a pêk chin) anih chuan thlatin Pension Rs.1,000/-(Sangkhat) pêk a ni ang a, a dinhmun a zirin Rs. 1,00,000/- (Nuaihkhat) thlenga tanpuina pêk theih a ni ang.
3) Member Pension la mek a boral chuan a aiah a nupui hnenah thlatin Pension lak mêk zahve (50%) pek chhunzawm theih a ni ang.
3. Thihna chungchanga hamthatna awm theite:-
1) Member hnathawhna hmuna chetsual avanga boralte chu Rs.3,00,000/- (nuaithum) thleng pek theih a ni a, an hnathawhna kaihhnawih ni lo leh chhan dang avanga boral an nih chuan Rs.1,00,000/- (nuaikhat) pek theih a ni thung ang. Thlatin a Rs.10/- alo thawh tawh tlingkhawm kha pêk lêt leh a ni ang.
2) Member boralte chu a vuina senso tanpuina atan Rs.5,000/- (sangnga) pek theih a ni. 3) Member chuan a boral hmaa a chhungte tanpuina dawng tur mumal tak a siamsa loh
chuan a hnuaia mi ang hian tanpuina chu pekchhuah mai tur a ni:
1st A Nupui/Pasal
2nd Kumtling lo a fapa/fanu
3rd An fate nupui/pasal la nei lo (upa ber)
4th Member boral ta nu leh pa In khata a chenpuite
5th An fanu pasal then tawh/sûn tawh.
6th A monu pasal sûn tawh/then tawh.
Member boral atanga thlaruk (6 month) chhungin dil tur a ni.
4. Nupui/pasal neih chungchanga hlawkna awmte:-
1) Member kum thum tal nitawh tan nupui emaw pasal a neihna hmasa berah
Rs.10,000/- (singkhat) a lawmpuina pek theih a ni ang.
2) Member kumthum tal nitawh fate pahnih tan an nupui/pasal neihna hmasa berah Rs.10,000/- (singkhat) a lawmpuina pek theih a ni ang.
Nupui/pasal inneih atanga thlaruk (6 month) chhungin dil tur a ni a, dilnaah hian inneih thlalak thiltel tur ani.
5. Dam loh leh chetsual tawh palha hamthatna awmte:-
1) Member chu chetsual avang emaw natna khirh tak tawk a, Damdawi Ina dah luh a nih chuan a luh ni atanga chhiarin nitin Rs.1,000/- (sangkhat) zel a dawng thei ang. Amaherawhchu, a dawn zawng zawng hian kumkhat chhungin Rs.50,000/- (singnga) a pel tur a ni lo.
2) Chronic Diseases (Cancer, Chronic Renal failure, Cerebrovascular Accident/Stroke, Heart Disease with Surgical intervention) vei memberte an inenkawlna senso atan Rs 1,00,000 (Nuaih khat) pek theih a ni. Hei hi one time payment tur niin, hemi bakah medical benefit, Board in a kalpui pangai pawh an la tel thei ang.
Damdawiin chhuah atanga thlaruk (6 months) chhungin dil tur a ni.
6. Member fate tana hamthatna awm theite:-
1) Member fate pahnih tan kumtin an lehkha zirna senso tanpui nan hetiang hian pek theih an ni:- ( Member Kum 1 tal ni tawh te tan )
a) KG-I - Class VIII zirlaite tan pakhat zelah Rs 4000/- (Sangli)
b) Class IX-XII zirlaite tan pakhat zelah Rs 5000/- (Sangnga)
c) Under Graduate zirlaite tan pakhat zelah Rs.6,000/- (sangruk).
d) Industrial Training Institute/Polytechnic Diploma Course zirlaite tan pakhat zelah Rs 6000/-
e) Professional & Technical Degree course (from recognized University) kum 2(two years) zirlaite tan pakhat zelah Rs 20,000/- (Singhnih)
f) Scholars/Researchers/Post Graduate Level (from a recognized university) zirlaite tan pakhat zelah Rs 20,000/- (Singhnih)
2) Member fate pahnih tan Board viz HSLC, HSSLC leh CBSE a Top 10-a tling chinte chu pakhatah Rs.50,000/- (singnga) a lawmpuina pek theih a ni anga, Distinction a pass chinte tan Rs 20,000 pek theih an ni bawk ang.
Educational Assistance dil hun chhung hi kumtin April-November a ni ang a, Beneficiaries te account ah Direct Benefit Transfer (DBT) kaltlangin thun zel tur a ni ang.
7. Skill Development:
Member leh an fate tan thiamthil (Skill Development) Welfare Board in a empanelled Training Providers-te hnuaiah Course chi hrang hrang zir theih a ni ang.(As per Section 7(6)(F) of Code on Social Security, 2020)
Website: bocw. mizoram.gov.in.
Comments
Post a Comment