CADC-AH BJP SORKAR CHUAN FIAHNA A PALTLANG

 Chakma Autonomous District Council a BJP Sorkar, Pu Molin Kumar Chakma hruai chuan House ah fiahna a paltlang.

Tun thlatir ni 4 a Chakma Autonomous District Council, Chief Executive Member atan a lakluh Pu Molin Kumar Chakma chu Governor ruahmanna angin vawiin khan CADC Session ah Member thlawptu a neihdan fiah a ni a, Member tamzawk in CEM hi an thlawp vangin, CADC a BJP Sorkar chuan fiahna a paltlang.

Mipui thlan Member 20 awmna Chakma Autonomous District Council ah hian, vawiin a Sorkar fiahna CADC Chairman Pu Mohan Chakma kaihhruai ah Sorkar thlawp zawngin Member 14 ten ban an phar a, Member pathum in a ep zawngin ban an phar thung a, Member pahnih Session ah an tel lo a ni..