LDCVA TEN CHHIMLAM HMALAKNA VANGIN CHHIMLAM KAL TUR LIRTHEI BUNGRAW PHUR HRANGCHALKAWNAH AN DANG CHAT VE.

Lunglei 19.2.25: Lunglei District Commercial Vehicle Association (LDCVA) te thuchhuah chuan Mizo kan nih na ang a District hrang hrang a lirthei a eizawng ten sem sem dam dam ei bil thi thi tia tlan na kan nei ang ang te insem tawn a eizawn na kawng zawh tlang tur a kan ngaih laiin Dt.07/01/2025 a Lawngtlai District a Tipper Owners Association leh Siaha District a Pick-up Mini Truck, Tata Ace Joint meeting Dt. 06/01/2025 chuan an district chhung a bungrua load (Phurh) phal lo in mahni inhung bing na leh hmasialna tha lo tak an kalpui hi pawi kan ti hle a, Sorkar level (Deputy Commissioner) a heng Law & Order  kalh a chetna ti tawp tura an ngen na in  hmasawn na hmuh tur a awm loh avangin Lunglei Commercial Vehicle, Tipper Owners Association, Pick-up Owners Association, Truck Driver Association, Tipper Driver Association Joint meeting chuan Hrangchalkawnah chhim lam kal tur bungrua lut dan chah an tan ve nghal a,

LDCVA te chuan lirthei hmang a ei zawng ten kan District chhung a lirthei a kan eizawnna kawngah kan intam chhuah tawh a vangin Lunglei District chhung a bungrua hrang hrang/oil phurh chhuah tur reng rengah MZ-07 leh MZ-03 ten vawin Dt.18/02/2025 atang a thu leh awm hma chu Lunglei District Area chhung a load min laksak lo hram turin kan in ngen a,

            Tin, Construction Work leh Company hna thawhna a thla bi a an hman te pawh in min hrethiama tualchhunga min chamchilh lo hram turin kan in ngen tak meuh meuh a ni. He Joint Meeting in kan ngen na leh hriattir na zawm duh lova Lunglei District Area chhung a kan ngen na pawisa lo a ti lui hmuh an ni a an chung a eng harsat na pawh a lo thleng phalh anih chuan min dem thei lovang an ti a

     Heng kan ngen na bik tih loh bungrua phurh luh leh bungrua dah kawngah eng harsat na engmah a awm lo tih kan in hriattir a, inthlahrung lova unau kan nih ang a inpawh tlang tak a thawkho dial dial turin kan in ngen ani. Heng kan ngenna bungrua load a phurh chhuah tih loh a harsatna lo tawk kan awm palh anih chuan an tan tanpui kan in huam reng e tiin an pawl hnuaia Association hrang hrang President ten seal chhuin hming an sign hnan a ni.

Hetihlai hian Pu Lalnuntluanga Sailo, Pick-Up Association President Lunglei chuan Zunzam zawhna chhangin nizan atanga vawiin thleng khan Lunglei a Dawr lian nei te leh Petrol Pump-ah te kal kualin Lawngtlai leh Siaha Dist a Motor registration nei te chu an bungrua phurh chhuah tir bik lo tur a an ngen thu leh heng Dawrkai te pawhin an lo dawngsawng tha hle niin a sawi.Lawngtlai leh Siaha lama Motor neitu te hian an thu lo chhuah tawh kha an sut(cancell) leh thei anih chuan Lunglei lam pawhin boruak tha tak neih leh chu an in peih reng tih a sawi nghal.Report an dawn danin Lunglei motorin Lunglei a dah tur kawlchaw balu a phurh tawh sa vek pawh nizan khan Lawngtlai lam hian an unload tir leh thu te, Rs 2000 te an chawi tir thu leh tawngkam dengkhawng tak tak te pawh an cheh a, hriatthiam a har khawp mai a ti.