Aikal la an la awm chuan hrem dawn - Chief Minister

Lunglei 4.3.25 : CM Pu Lalduhoma’n Mizoram sorkar hnathawk tun thlenga aikal la an la awm anih chuan inhriatthiamna a awm tawh dawnlo a ti a, man chhuah an nih chuan anmahni leh a thawhna officer chungah hremna lek kawh a ni dawn tih a sawi. 

He thu hi nimina Assembly thutkhawma zawhna leh chhanna hunah sawiin, CM chuan tun dinhmunah sorkar hnathawk aikal la an awm hriat ani lo a ti a, sorkar hnathawk natna khirh avanga damlo tan aikal lak chungchangah inhriatthiamna a awm lo tih sawiin, sorkar hnathawkte zingah eng vang pawha hnathawk chhunzawm thei lo an awm a nih chuan in ban tawp lova rilru nuam taka an chawlh theih nan Mizoram sorkarin a din, deptt hrang hranga Service Review Committee te chuan special voluntary scheme an buatsaih sak tih a sawi a. 

He scheme hnuaiah hian hnathawk thei lo chu an chawlh mai a tul tih sawiin sorkar chak tak nei turin sorkar hnathawk quality siamthat a tul tih a sawi. CM chuan sorkar hnathawk aikal la tana insiamremna hun, grace period an pek hnuah aikal chhawr lui an man chhuak a nih chuan action an la dawn a ti a, Insiamremna hun an pek zah lova aikal chhawr lui an hriatte chu sorkar hnenah thlen zel turin mipuite a chah.