THU THAR LANGSAR ZUAL LAWRKHAWM TE

LUNGLEI 8.3.25: Health Minister Pi Lalrinpuii chuan Pi Lalrinpuii chuan Lunglei Pukpuia Mizoram Engineeering College a-function theih nan Mizoram sawrkarin hma ala mek tih asawi.

Nimina Chapchar Kut Lawmna Lungleia neih ahmanpuinaah he thu hi sawiin Minister Pi Lalrinpuii chuan, kum 2019-a Prime Minister Pu Narendra Modi-a'n Lunglei Pukpuia Mizoram Engineeering College alo hawn tawh, tun thlenga la function lo chu a function theih nan Mizoram sawrkarin hma ala mek tih sawiin, a panna kawng siamna, staff quarters sakna leh tui leh eng pekna atan cheng vaibelchhe 25 leh nuai 41 lai ruahman fel a nih thu a sawi a. Staff lak a nih theih nan post 63 siam niin, hnawh khah theih thuai beisei anih thu asawi a. Hei hi Mizoram tan leh Lunglei mipuite tan hmasawnna lawmawm tak anih tur thu asawi.

Pi Rinpuii chuan Mizoram run mektu ruihhlo leh HIV/AIDS chu Mizo nihna nen a inhmeh lo tiin, thalaite chu ruihhlo laka inthiar fihlim a, HIV/AIDS darh theihna lakah leh mipat hmeichhiatna lakah invawng thianghlim tlat turin achah a. Thalaite tan huau huau lam ringawt ni lo, thil dang buaipui tur thra, tihtur hmachhawp (goal) zawn tlan a, hmachhawp hlenchhuak thei tura chhungkua atanga tran a pawimawh thu sawiin, chu chuan chhungkuaah hmasawnna athlen rualin khawtlang leh ram hmasawnna athlen ngei dawn a ni, ati bawk.

#############################

Sawrkar laipui ruahmanna, ODOP (One District One Product), "District khat, tharchhuah chi khat" tih hnuaiah balhla chu Lunglei District ODOP anih angin hmalak chhoh mek niin nimin March ni 7, 2025-a C. Thuamluaia Mual, Lungleia Chapchar Kut hmannaah pawh balhla leh balhla atanga thil siamchhuah chi hrang hrang chuan a lailum a luah a ni.

Lungleia Chapchar Kut 2025 hmannaah hian Lunglei ODOP hmanga tualchhung siamchhuah ei tur chi hrang hrang chu Kut Nu, Health & Family Welfare Minister Pi Lalrinpuii lo lawm nan thilpekah hlan a ni a. Kut Thlengtu, District Bawrhsap Pi Navneet Mann chuan Kut Nu lawmna thilpek hi a hlan a ni.

Kut hmangtu mipuite tan sawrkar department, pawl leh mimal te'n dawr (stall) chi hrang hrang hawngin, he'ng zingah hian District Horticulture Office chuan One District One Product (ODOP) stall an hawng ve bawk. He ODOP stall-ah hian Lungleia balhla atanga thil siamchhuaktu (entrepreneur)-te'n balhla atanga thilsiam chi hrang hrang - in chi (banana juice), kamram (banana chips), chhangphut (banana flour) leh adangte chu tlawm taka lei theih turin an chhawpchhuak a. He'ng ei tur tui, thianghlim leh hrisel tak tak chhawpchhuahte hi kut chhimtute pawhin an hlut hle a ni.

Hun hrang hrangah sawrkar thuneitute, mi pawimawhte leh khual thate an lokal changin anmahni lo lawm nan thilpek lo hlan thin a ni a. Heti ang nikhua hian Lunglei District-a khual thate lawmna thilpek atan District ODOP balhla leh balhla atanga thil siamte lo hlan thin ni se tia ODOP hmalakna hnuaia ruahman anih angin, hun eng emaw lai atrang khan balhla leh balhla atranga thilsiam chi hrang hrangte chu thilpek atana inhlan hi chin chhoh a ni a. District ODOP chawilar nan leh balhla hmanga eizawnna tih-hmasawn nan he thil hi chhunzawm zel tum a ni.

ODOP hnuaiah hian Lunglei District chhunga balhla tharchhuah leh balhla atanga thil siamchhuah tipung tur-te, balhla chingtu leh balhla hmanga thil siamchhuaktu tam zawk an awm theihna tur leh hmanraw mamawh leh a hralhna tha zawk a awm zel theih nan te hmalak chhoh zel tum a ni bawk.

#####################

Mizoram Legislative Assembly thutkhawma pass tak The Mizoram (Village Councils) Bill, 2025 chu hman anih hun chuan VC member zingah sorkar sum tichingpen an awm chuan VC tawp thriat lova a tisualtu member hrem a ni dawn.

Mizoram Legislative Assembly thukhawm ningania neihah The Mizoram (Village Councils) Bill, 2025 chu lungrual taka pawm a ni a. Bill puluttu LAD Minister Pu C.Lalsawivunga chuan Dan thar danglam bikna tur chu VC member zingah sorkar sum tichingpen an awm chuan VC tawp thiat lova a tisualtu, member hrem a ni dawn a ti a, he bill-ah hian dan hmanlaia athra lai leh la hman chhunzawm theihte chu sengluh a ni a, village council din, thiah te, a hun chhung-te, hmeichhe tana seat hauhsak, Village Council Executive Body, an rorel dan turte chu angai ang leh tlema tidanglam hretin dan tharah hian sengluh vek a ni tih asawi a. 

Hei bakah hian Village Council thuneihna tam zawk pek rawt a ni a, chiang leh felfai zawkin an thuneihnate pawh tarlan a ni a, Village Council inpek theih dan pawh mumal zawka siam niin India danpuia panchayat mawhphurhna zawng zawng sengluh a ni a, United Nations Sustainable goals 17-te tih-hlawhtlinna tur pawh he dan tharah hian dahtel a ni tih asawi.

Minister chuan dan hmasaa Pawi, Lakher autonomous District Area tiam lovin tih thin chu he dan tharah hian Autonomous District Council area leh Municipal Area tiam lovin ti-a ziah a ni tawh tih a sawi a. Village council-a member awm thei zat chu dan hmasaah chhungkaw awm zata teh anih laiin dan tharah chuan mihring cheng zata teh a ni tawh dawn a, mihring 500 chennaah member 3 an awm a, 500 aia tamnaah member 5 an awm dawn a, 1000 atanga 2000 inkarah member 7 an awm anga, 2000 chunglamah member 9 an awm ang, VC term chu kum 5 a ni dawn a, sorkarin trul bik thilah chuan thla 12 thlengin a pawtsei thei dawn tih LAD Minister chuan asawi.

####################

Mizoram Legislative Assembly-in ningani khan Official resolution,  The Water (Prevention and Control of Pollution) Amendment Act, 2024’ chu lungrual takin a pawm. 

Official resolution puluttu, Environment, Forests & Climate Change Minister Pu Lalthansanga chuan he resolution tum ber chu tui thianghlim neih theihna tura tui hnate venna anih thu sawiin Parliament-in state tin House-te hmang ve tura atih avanga pu lut anih thu asawi a.

Dan bawhchhia-te chu tun hma-in kum 6 thleng lung in tang tura hrem theih an ni a, tunah chuan cheng nuai 15 thleng chawi theih tura tih a ni tawh tih sawiin he dan hnuaiah hian hetiang lam hre lo Chairman-a ruat a nih loh nan Pollution Control Board Chairman chu sorkar laipuiin a ruat anga, member secretary chu state sorkarin a ruat thung dawn tih a tarlang a. Sorkar laipui dan, state sorkarin an lo hman ve tur anih avangin House member te’n sawiho lovin House chuan lungrual takin a pawm ta a ni.

###############################

Central YMA in ruihhlo dona hma la zel

Feb 28 ni atanga March ni 7, 2025 chhunga Central YMA in ruihhlo dona kawnga hma a laknaah No.4 Hawng 41, Tictac bur 37 an man a, Ganja gram 656; Codeine bur 8; Diazepam mum 20; Alprazolam mum 23 a man ani. Ruihhlo kaihhnawihah mi 44 an man a. Home/Center ah mi 7 dahluh an ni a, Excise & Narcotics kutah mi 7 hlan an ni. Counselling class kal mi 2 niin, Police kutah mi 1 hlan a ni bawk. In report tura tih mi 27 an awm bawk.

###################

Mizote Kut ropui ber Chapchar Kut hman zawh takah hmun hrang hrangah Chapchar Kut Miss, Chapchar Kut Lanu leh hnam inchei nalhte thlan an ni.

Lungleiah chuan an kut-a dah a nih angin, District MJA chuan Chapchar Kut hmannaa hnam thuam inbela kal, nula nalh zual pasarih thlang chhuakin, an zing atang hian Chapchar Kut Miss 2025-ah Lalramchuani (Ramthar) chu thlan a ni a. Lunglei Photographers' Association (LPA)-te'n hnam thuam inbel naupangte atrangin Kut Hraite thlang bawkin, Kut Hraite mipaah Amos Vanlaltlanhlua (Khawmawi leh hmeichhiaah Elena Lawmsangkimi (Salem Veng)-te thlan an ni.

Siaha ah chuan Miss Chapchar Kut atan Lalenkawlsangi Council veng, Mr. Chapchar Kut atan R. Lalduhsanga, Meisatla-te thlan an ni a. Siaha Chapchar Kutah hian district dang ang lo takin Siaha district Best Newspaper thlan nghal niin Moonlight Daily Newspaper chu Pakhatna atan thlan a ni. 

Khawzawlah chuan Miss Chapchar Kut 2025 atan Lalruatpuii Sailo, Kawnzar Veng thlan a ni a, Lalmalsawmi, Lungvar chu 1st runner up niin Vanlalchhuanawmi 2nd runner up a ni. Naupang Mizo inthuama inchei mawi bera thlan, Grace Lalngaihawmi leh Lalruatkima te hnenah lawmman hlan a ni bawk.

Mamit ah Chapchar Kut Miss atan Malsawmtluangi Lalremtluanga Lungsir fanu chu thlan a ni a, pahnihna HD Malsawmdawngzeli, Lalhlupuii fanu, Bazar veng pathumna Lalpekhlui Lalramena fanu Hmarveng te an ni.

Kut naupang hmeichhia-ah pakhatna Lalhruaitluangi, Mamit Field veng, pahnihna Lalruatfeli Lungsir, pathumna Christy Lalruatpuii Bazar vengte an ni. Mipa naupangah pakhatna Mason Malsawmtluanga Hmunsam, pahnihna Delan Rochansanga, Dinthar, pathumna Johan Malsawmhlua Field vengte an ni.

Saitualah chuan Chapchar Kut hmanna hmuna kalte atangin Chapchar Kut Lanu atan Lalremmawii, Saitual Venglai chu thlan niin, Kut val atan Vanlalhruaimawia, Keifang Venglai chu thlan a ni bawk. Naupang kum 12 hnuai lam atangin Kut hraite thlan an ni a, hmeichhe naupang zingah Lalrinfeli chu thlan niin, mipa naupang zingah Daniel Lalruathlua chu thlan a ni a, Saitual District kum upa lam atang Khuang<chawi Nu leh Pa thlan a ni bawk.

Lawngtlaiah pawh Chapchar Kut Miss,Mister, Little Miss leh Little Mister- thlan nghal a ni a. Lawmman dawngtute chu Miss chapchar kut - Vanlalnunsangi (Mampui), Mister Chapchar kut - Christopher Lalruatpuia Chawnhlun ( L-III), Little Miss - Martha R. Malsawmi ( Bazar veng) , Little Mister- Manase H. Lalramluahpuia ( Council veng ) te an ni.

Champhaiah Chapchar Kut pual hian hnam thuama naupang inchei nalh thlanna bakah Kut Lanu leh Val thlanna neih a ni a. Hnam thuama naupang inchei nalh 

Kum 5 hnuai lamah Pakhatna: Mipa - Vanlalvenhima, Zotlang; Pahnihna: Lallawmawma, Ruantlang; Hmeichhia Pakhatna: Lalnunkimi, Vengsang; Pahnihna: Lalvenhimi Tochhawng,  Mualkawi te an ni a.

Kum 6-10 inkar Mipa-ah Pakhatna: John Malsawmtluanga, Zotlang; Pahnihna: Romalsawma , Vengthlang; Hmeichhia-ah Pakhatna: Ruthi Lalruatsangi, Vengsang; Pahnihna: Penticost Vanlalfakzeli, Dinthar; Kut Lanu  - Zorinsangi, Zotlang

Kut Val - Isak Laltlanzova, Venglai; te an ni.

Kolasib ah chuan Kolasib chapchar kut miss atan hian Christy Malsawmkimi, Joela fanu Kolasib hmar veng chu thlan a ni.

Serchhip Chapchar Kut hmannaah chuan Serchhip Chapchar Kut Miss atan Elizabeth Lalhruaitluangi Zoramdinfeli fanu P&E veng Serchhip chu thlan a ni.

#####################

US president Donald Trump chuan Russia chu nasa taka hrekah avau.

Tunhnaiah Russia-in Ukraine nasa taka abeih zel avangin US president Donald Trump chuan Russia chu Ukraine abeih chhunzawm reng a, inkahhaina a>siam lohva, Peace agreements asiampui lo anih chuan nasa taka hrek aduh thu nimin khan asawi leh ta.

Donald Trump hian Russia President Vladimir Putin chu a fak a, Ukraine President chu remna siam duh lovah apuh a, Russia aiin Ukraine chu remna siam tura dawr a harsat thu asawi. UKraine hnena sipai lama tranpuina bakah itelligence sharing a titawp bawk a, he tihlai hian Russia chuan Ukraine abomb nasa sauh a. Nimin khan Trump-a hian Russia lakah tarrif-a nasa taka hrekah a vau leh ta a ni.