Vawiin Mizoram Assembly Budget Session-ah Mizo tharchhuah thlai hmanga Beer leh Wine siam theihna tur Bill putluh a ni dawn
Lunglei 3/3/2025: Assembly budget session vawiina chhunzawm turah LESDE minister Pu Lalnghinglova Hmar in bill thar hlak 2 a putluh leh CM Pu Lalduhoma’n dan dinglai siamthatna tur a putluh sawi ho a ni dawn a, Sorkar chuan Mizoram thei leh thlai thar chhuah hmanga wine leh beer siam phalna ruahman a tum.
Assembly inkhawm kal mek chu Fi nance Commission 16-na lo zin avanga chawlhkar khat chawlh a nih hnu-ah vawiin hian chhunzawm leh a ni dawn a. Vawiinah hian Chief Minister Pu Lalduhoma, finance changtu ni bawk, chuan “The Mizoram Goods and Services Tax (First Amendment) Bill, 2025” dan siamthatna tur chu a pulut ang a. Labour, Employment, Skill Develop ment & Entrepreneurship (LESDE) minister Pu Lalnghinglova'n “The Mizoram Youth Commission Bill, 2025 leh “The Mizoram Private Placement Agencies (Regulation) Bill, 2025” chu pulutin heng dan thar siam tura duan 2 leh dan ding lai pakhat siamthatna tur bill-te hi sawi hova vawiinah vek pawm tum a ni ang. Assembly secretariat atanga thu dawn danin dan siam tur leh dan dinglai siamthat tur lut hi a vaiin 9 a tling tawh a. Sorkar dan siam tur chhawpchhuahte hi vawin leh March ni 6 (Ningani) te khian putluh a sawiho a ni dawn niin business advisory committee (BAC)-in assembly inkhawm hun hman dan tur a duan lawk atang chuan a lang a ni.
March ni 20 thleng awh tur assembly inkhawmah hian tun thlengin House chhunga chhan chi zawhna 918 a lut tawh a, ziaka chhan chi zawhna 105 a lut tawh bawk a. House dawhkana dah tur lehkha pawimawh 8 leh official resolution 1 a a lut tawh. Sorkar chuan zu khapna dan siam danglam hret a, Mizoram thei leh thlai thar chhuah hmanga wine leh beer siam phalna ruahman a tum a. Mizorama zu khapna dan hman mek, Mizoram Liqour (Prohibition) Act, 2019 chu hemi lam hawi hian siamthat turin he dan siamthatna atan hian assembly secre tariat-ah amendment bill thehluh a ni tawh.
Hetihlai hian Chief minister Pu Lalduhoma chuan February ni 21 khan zu khapna dan hlip turin sorkarin hma a lak loh thu leh sawihona pawh a la awm loh thu as sembly house-ah a sawi a. Wine leh beer chungchangah zu khapna dan MLP Act siamthatna tur excise & narcotics minister-in a ruahman a ni a ti. Hemi chungchanga ex cise & narcotics deptt lam atanga thu dawn danin Mizorama thei, buh leh bal leh thlai thar chhuah atanga wine leh beer siamchhuah a nih theihna atan dan dinglai hi siamthat a her rem tum a ni.
Mizoram thar chhuahah hian grape chauh ni lo, balhla, lakhuihthei, sawhthing, dragon fruit, sapthei, Zobuh leh thil dang wine leh beer siam theihna ang chi atanga siam phalna atan dan hi siam that tum a ni a. Mizoram thar atang chauhva siam theih tura ruahman a ni. Hei hian Mizoram pawna wine leh beer siam lakluh phalna a huam dawn lo a ni.
Hetih laivek hian horticulture minister Prof. Lalnilawma chuan Mizoram thei, buh leh bal leh thlai thar atanga ramdanga hralh chhuah (export) tlak tur wine siam chhuak tura ruahmanna an kalpui thu Zirtawpni khan a lo sawi tawh a ni.
########################################################################
Buhfai la tur tan e-KYC tih vek tur
Supreme Court of India chuan National Food Security Act(NFSA)hnuaia ration buhfai la,ration card eng leh pawl hmangtu zawng zawngte March'2025 ral hmaa e-KYC ti fel vek tura thupek a chhuah angin Lunglei Dist-ah pawh hma lak a ni dawn a,mahni quota lakna retailer te theuhah KYC hi tih tur a ni. e-KYC hi quota kan lakna khawl(e pos machine) hmanga tih tur anih dawn avangin ration quota lak tan hmaa tihfel hman vek tur a ni a, card eng leh pawl hmang tuten felfai zawk leh kim taka kan tih theih nan vengchhung section hrang hrang tih hun tur pawh ruahmanna siam a ni a,chhungkaw member zawng zawngin KYC hi tih vek a ngaih avangin chhung tinte a rual tlang a kal turin hrilhhriat an ni.Aadhaar Card(Original or xerox copy)ken vek tur a ni.
Dam lohna avanga KYC ti tura kal thei lote chu retailer ten in lamah kal chilh tur a ni a, e-KYC tifel lo te chuan quota an lak chhunzawm theih dawn loh avangin veng chhung mipui ten ngaipawimawh tlang dawn turin thuneitute ngenna an siam a ni.
Ke a kal runpui.
Tukin zing dar 7:30 hian MHSSP Mizoram H&FW deptt hmalakna in ke a kal runpui buatsaih a ni a. Lunglei Chhim lam atanga kal tur te AOC -ah innghak khawmin in hmar lam ami te nen Old Tennis Court -ah an in tawk ang. Tennis court ah hian hun hlimawm tak hman a ni a,zai thiam tak tak zai ngaihthlak a ni bawk.
#######################################
HOME HRANG HRANGTE HMALAK DAN AN THLIR HO
Zirtawpni kalta khan Lunglei District Social Justice Assembly chu Addl DC Pu James Miahlung kaihhruaiin DC Confe.Hall-ah thu khawmin Lunglei Dist.chhunga Ministry of Social Justice & Empowerment (MoSJE) scheme hnuaia hma lakna kalpui dan an thlir ho. He hunah hian Mizoram sawrkar hnuaia Social Audit Unit (SAU) team atangin India sorkar MoSJE hnuaia tanpuina dawngtu Lungleia centre/home pahnih - ruihhlo ngaite enkawlna leh chhawmdawlna hmun, WADA Centre leh TNT Theiriat te an endikna report ngaihthlak a ni a.
He'ng centre/home pahnih kalpui dana tha leh fakawm an tih lai te, duhthusam tawk lo lai leh hmasawnna tur hrang hrangte sawi ho niin, sorkar laipuiin a beisei ang tak leh tha taka kalpui zel a nih theih nana thil pawimawh leh tul hrang hrangte sawi ho a ni. IRCA WADA Centre leh Senior Citizen Home TNT Theiriat te'n harsatna an tawh hrang hrang tar lan zingah MoSJE atanga an pawisa hmuh thin kum 2021 hnu lama an hmuh zui theih tak rih loh avanga harsatna an tawh thu tar lan tel a ni.
Chairman Pu James Miahlung chuan social audit chu thil tihsual zawn chhuah tumna aiin hmasawnna leh kalphung dik leh tha zawk a awm zel theih nana ruahman zawk a nih thu tar langin, centre/home enkawltute chu SAU lamin rawtna an neihte leh District Social Justice Assembly-a sawi honate chu hlawkpui leh hmasawnpui tum ngei turin a chah a ni.
###################################################
Research Base a insawi si hmalakna a awm lo
Mizoram Pradesh Congress Committe(MPCC) Senior Vice President, Pu Lalnunmawia
Chuaungo chuan, Sawhthing chungchangah ZPM chu, kum 20 chuang sawhthing lo aupui tawh
leh research base veka hma la nghal tura an insawi laiin, engmah ruahmanna an neih lohzia a lang mek niin a sawi.
Hrangturzo West Block huam chhunga kum 2025 Village Council inthlana VC thlan thar lawmpuina hun, Lungchhuana Feb 28 a neih a hmanpuinaah Pu Lalnunmawia Chuaungo chuan, Sorkar meuh pawhin a intiamna a mangan pui sawhthing thehthangna a hriat loh chu, Chief Minister-in home-ah te an pe ang a, anni'n a tihral dan an lo ngaihtuah ang tih a sawi niin a sawi a, research base veka hma la tura inzuar khan engmah ruahmanna an neih loh zia a tichiang a ti a, Sawhthing lei leh in chin tir kawngah kuthnathawktute ngaih a tha lo takzet niin a sawi.
MPCC Sr V/P chuan Mizoram mipui leh kuthna thawktute rilru mumal pawh put tir thei lova siamtu, ram hruaitute chet dan chu nuaibo vek a tul a, Cong.chuan NLUP changtlung zawk leh ruahmanna fel zawk nen Mizoram mipui beisei sorkar tha an pe leh dawn niin a sawi bawk.
######################################
Dim dawn lo ti Dim dawn lo ti
Union Minister Amit Shah-a’n ruihhlo awm lohna India din turin ruihhlo zuar leh tawlh thinte zawn chhuah hna, ngawrh leh zualin thawh a ni ang, a ti.
He thu hi social media-ah tarlangin ruihhlo tawlh ru thinte zawn chhuah hna, uluk leh fimkhur taka thawh anih avangin ramchhung hmun hrang hrangah court-in ruihhlo tawlhru thin mi 29 thiamloh a chantir tawh, a ti a, Narendra Modi-a sorkar chuan sum tawk tarha hmanga thalaite hruai sualtu ruihhlo tawlh thinte chu a dim dawnlo tih a tarlang bawk.
Comments
Post a Comment