Lunglei Thalai Pawl te chuan Open letter PWD Minister Govt. of Mizoram hnenah an thawn .
Ka pu,
Tun tum Assembly Session-ah khan ATL kawngpui siamna atana i hmalakna tur nghakhlel takin kan lo thlir a, ATL Road siam hna thawktu hmasa M/s Bagheeratha Co. ten an thawh that loh avanga Performance Security pawisa chhuh sak tling khawm Cheng Vaibelchhe 90 vel awm kha a hmanna tur dik tak leh phu em em mai, ATL Road siamthatna a daih ang em, kan lo tih laiin, hmun dang atana a zahve dawn lai mai i pawt peng ta mai kha hriatthiam harsa kan ti hle a ni.
PWD Minister-in,
“A tam lutuk a, an hmang seng rih chuang lo,” i ti mai te kha mak kan ti khawp
mai! ATL Road hi State Highway kan neih chhun a ni a, a tha tluantling thei
tlat lo mai hi State ang pawhin a hmingchhiat thlâk kan ti a, ATL road-ah pawh
Lunglei Division chan chin (Kanghmun S to Lunglei) hi mumal taka thuam that
hlawh ngai lo a ni a, a chhe bikin thawm that a ngai nasa leh zual tawh hle a,
kawng chhuat hai khawh veka a bul atanga siam that ngai a tam em em tawh a ni.
Chutiang chu a
nih tawh avangin Kanghmun leh Lunglei inkar km 70 dawn lai mai siamna atan hian
pawisa awm zawng zawng hian a daih chang chang ang tih tur a nih laia pawisa
tam lutuk awm ang maia i sawi leh a zatve dawn i pawt pêng ta mai hi i
Department chan i hneh loh zia leh kan ram kawngpuite dinhmun i hriat chian loh
zia a lang chiangin, a zahthlak zâwk hialin kan hria a ni. Hetiang ang
Department pawimawh lutuk hi i enkawl zo ngang lo a nih hi.
Chuvangin, i
mualpho nasat hma hian in hnukdawk mai la, kan zavai atan a tha zawk ang. Tun
sorkar tharah hian a bikin keini Lunglei District chuan beiseina sang tak kan
nei a, kan vote hmangin kan beiseina pawh kan lantir a, mipui mamawh bulthutte
zinga a pawimawh ber kawngpui chungchanga in hmalâkna ten beisei a pha lo tan
riau mai hian ngaihtuahna min sèn tîr tan a ni tih min lo hriat sak bawk dawn
nia.
He kawngpui
chungchang bikah hian State Sorkar-in a siamna pawisa in nei thei dawn lo a nih
chuan in sorkar tirha Chief Minister hnena ngenna kan theh luh ang khan
National Highway ni turin central sorkar ah a rang lamin dilna theh lut mai
ula, tiin thuràwn kan pe nawn leh bawk a che u. Ka pu, he open letter hi thahnemngaihna
nasa zawk leh rem hriatna tha zawk nei tura fuihtu che a nih ngei kan beisei a,
ngaihtuahna zau zawk leh fing zawk nen a hmalakna nei vat turin kan phut tlat
che a ni. tiin an ziaka, an pawl President leh GS ten hming an ziak a ni.
Comments
Post a Comment