“Sylabus kan siamtha anih loh chuan UPSC Exam-ah Mizo te kan lang mai mai lovang” Dr. LH. Lalrammawia, Med.Suptd. (Rtd)
Lunglei 5/5/2025: Dr. LH. Lalrammawia, Med.Suptd, CHS (Rtd) chuan Elementary Education-ah hian State dang aiin kan hniam bik hle a, MBSE Course hi a hniam bik em avangin UPSC exam-ah pawh Mizote tan lan a har a CBSE Course hi kan zawm mai a hun tawh a ti.
Dr.LH. Lalrammawia chuan Hriselna lam chungchang sawiin, tunlai khawvelah kan taksa rih zawng, BMI-te kan ngaihtuah ngun a ngai a , BP sang vangin Stroke leh Heart Attack te a thlenin Zunthlum vei lo turin leh thau lutuklo tura taksa Control a pawimawh a ni a ti.
Natna zinga buaipui ber Cancer chu zuk leh hmuam leh ruihthei thil avanga awm thin a nih bakah Chhungkuaa Cancer vei awm avanga inthlah chhawn theih a ni dan te leh TB natna chungchang leh a enkawl dan te Congress Party mi kalkhawmte hi hrilhin heng natna chi hrang hrang lak atanga fihlim thei tura taksa enkawl dan tur leh ei leh in kawnga tih tur leh tih loh tur hrang hrangte Paper Present hmangin zirtirna a pe a, zawhna leh chhanna hun hlawkthlak tak an hmang a ni.
========================L
ATL ROAD SIAMNA ATAN 104.88CRORE DAH A NI.
- T. Lalhlimpuia MLA Lunglei West.
Dated Lunglei: the 5th May 2025 (Thawhtanni) Vawiin chawhma dar 11:00am khan ZPM Southern Hqrs, Lunglei Party Office ah Party Chhung inkhawm leh Political Session hun hman niin Vanlalliana Pachuau Secretary ZPM Southern Hqrs chuan kaihruaiin Pu T. Lalhlimpuia MLA Lunglei West AC chuan Political Session hunah thusawina hun a hmang bawk.
“PWD leh Minister leh MLA hmasa te pawh pawl ang te, pressure group angte in kawng hrang hrangin he kawng a that theih nan mahni remhriatna hmangin hmalak ani tawh a, sawihona te neih niin, inchachhuahna te, hnathawh chak leh a huna zawh a nihna tur te leh nuar leh hnatlang thlengin he kawng avang hian mipui kan lo buai tawh a ni.” a ti bawk.
Plu Mahlima chuan “He kawng hi sorkar apiang-in an buaipui tawp thei lo, tihthat tum poh leh an sawpchhia emaw tih tur a ni a, chhan mawhpuh tur tam tak a awm ang. Mahse vawiin hi kan thlen chin a nih avangin engemaw a damdawi chu kan ngaihtuah chu a ngai a ni” a ti bawk.
Pu Mahlima chuan ATL road Sanction dan sawiin
ATL Road siamna 1st Phase atan 45.89 crore Sanction Mizoram sorkar chuan Dt 5th December 2024 khan ATL Security deposit 90.69 crore chu a unfreeze a, lakchhuah turin a tifel.
28th Dec 2024 khan chu pawisa tlingkhawm chu Challan-in Finance Department-ah a kal tir a ni.
15th January 2025 khan 45.89 crore chu Lunglei to Mausen Haulawng atan a dah phawt a,
18th January 2025 khan sorkar chuan Fund Allocation tur relin an thukhawm a ni. 20th January 2025 khan Adm Approved a pe a, Expenditure sanction a tifel nghal a ni.
Pu Mahlima chuan Lunglei Press Conference an neih chungchang sawi kaiin, “Session zawh veleh PWD Minister hoin Sanction chin ATL Road hi siam dan tur work programme chu Lunglei mipuite hriattir a, hun danga hmanhmawh taka siama tlo si lo kha tihbo a, mumal taka hnathawh theih nan mipui te hnena thu hlanchhawng turin Press Conference pawh neih tura ruahman anih laiin Press Conference erawh chu insawihfiah nan kan hmang tluan ta a ni” a ti bawk.
Aizawl khawchhung siamna atan 44.80 crore dah a nih dan:
“Lunglei leh Mausen Haulawng hi ATL Road ah a chhe zual lai leh sorkar hmasa atang leh siam tan tirh atangin a fail-na lai leh a tha hlei thei lo lai a ni a, chuvangin ngaih pawimawh hmasak nise tiin rel ani a, ATL Road Security deposit tlingkhawm hi 90.69 crore lai a ni a, engtinnge hna kalpui a nih ang tiin sawihona neih a ni a, Mizoram sorkarin Year of Consolidation a chhuak ta a, bul tanin hna lian thawk turin a inbuatsaih thei ta a, chumi atan chuan Lunglei Aizawl kawng hi hna engtia thawh tur nge tiin ngaihtuahna sen a ni” MLA chuan a ti a,
“Lunglei leh South Kanghmun (Lunglei District chhung chin) hi Phase-wise in thawh rih nise la, chumi atan chuan 90 crore hi Working season khat atana hman sen anih dawn loh avangin Aizawl khawchhung kawng siam atan a bang la awm hi hman ni se la, chutih lai chuan Sorkar budget leh SASCI atanga Mizoram sorkarin a hmuh tur thlirin Lunglei leh Mausen Haulawng kan siam hun chhung zawh anih chuan kawng siam chhunzawmna additional fund hi dah belh theih ani tih a chian vang a ni.” a ti bawk.
Pu Mahlima chuan, *“ATL Road hi sorkar hmasa te pawhin zir chian mek a ni tiin an zir a, vawiin hi kan thleng a, tumah hlawhtling hlei thei kan awm lo a, amaherawh chu sorkar hmasa te-a sum dah khan zir eng ang mahse kawngtha siamna hi a tlin lo ni chuan a lang. Congress sorkar term tawp chhung ah khan 30 crore velin siam a ni a, sorkar kal ta MNF sorkar chhung khan 21 crore velin siam a ni bawk.” a ti.
Additional Fund 58.99 crore allocated a nih dan
Pu Mahlima MLA chuan, “Rs 45.89 crore baka pawisa pek kan nih theih nan hian Estimate hi PWD Road Division te’n tul tak karah an siam a, Lunglei lamah thil hriatthiam tawk loh avanga mipui rilru hliam-in hmun a luah nasa hle a ni,” tiin “mipui an tawngchhuak a, mithiam leh khawtlang mi pawimawh an tawngchhuak a, pawl hote ngaihtuahna a tiharh mek tih a lang thei a, chuvangin sorkar chuan a ngaihtuah mek ATL Road hi phase-wise anga siam leh kalpui tum pawh hi kan hrethiam dawn in a lang ta lo a ni.” a ti bawk.
Lunglei kawng siam dan turah CM nen an meeting chungchang pawh sawiin, “CM chuan CRRI hi investigation lo ti sela, chumi result azirin accurate estimate a lo awm tawh ang a, PWD lam tan pawh thil a awlsam zawk ang a, chumi result azir chuan pawisa hi chu kan inpe dawn nia tiin a sawi a ni” a ti a, “chak taka file kal tira thil ti thuai turin min ngen nghe nghe a ni.
Amaherawh chu CRRI investigation turin a kal mek tho si a, chumi hma chuan PWD estimate sa 58.99 crore ringawt kha allocation lo pe ta ila, a aiin tam ta sela, a buai theih dawn avangin CRRI nghah chu thil tul tak a ni. A thu chuan hemi atang hian a mamawh zat tur kawng siamna chu CM chuan a remti daih tawh a, a zat tur a la mumal loh avang leh CRRI investigation result atanga Accurate Estimate a la awm loh avang chauh a thu a takin a la thleng lo a ni.”
Pu Mahlima MLA chuan a ti a, “chutihrualin MZP pawhin hun an pek chungchangah statement te pawh kan hmu vek tho a ni. Amaherawh chu sorkar chuan tum tha zawk a nei a, a takin Estimate dik, leh DPR nen accurate figure neih hi sorkar chuan a duh a ni.” a ti bawk.
Pu Mahlima chuan Additional fund atana Estimate chu Ni 16th.April 2025 khan E in C PWD atangin Secretary ah a chhuk thla ta tho ani a ti a, Ni 17.4.25 khan kan Commissioner in Finance ah a kal tir tawh tih pawh an hrilh tih a sawi bawk. MZP te’n nawrlo pawh nise hei hi chu tih chu kan tum a ni tih chu a lang reng ani tiin, inbuatsaihna a kal reng thu a sawi a. ATL road reconstruction hi Phase anga kalpui kan tum a ni tih pawh a sawi tawh a ni a ti a, 45.89 CR hi kan thawh chhungin working season kumin kum tawpah chuan Aizawl pawh peng tia lang zat khan kan dah dawn hrim hrim tih hi a lang hle a ni, a ti bawk.
Ni 7 vel chhungin finance lamah a kalkual thu sawiin CM dawnkan ni 28th April 2025 khan a thlen tawh thu a sawi a, tuna hnathawh hun working season tawp mek kara sum heti zat approve hi sorkar work programme thlirin thil hmanhmawh thlak ber anilo ani a ti a, Furpui hmachhawn a, kum tawp lama hman tura an inbuatsaih vang a ni tiin. Chutih rualin mipui tahna hi CM leh PWD Minister chuan a ngai pawimawh a, a ka atang ngeia kan hriat angin ‘Lawm tha kan ba a, kan rul dawn ti a a sawi angin kan thawk ngei dawn ni a ti bawk.
Pu T. Lalhlimpuia MLA Lunglei West chuan, “Mipui in sorkar hmasa an rin lohna hri lianpui avangin ZPM sorkar pawh zirchiang, soil testing tih chhungin an term a liam a, ZPM pawh CRRI an tih chhungin an siam lo ang, an sanction hman lo ang ti te in min kap nasa viau, amaherawh chu ti hian MZP a thawhpui te ngen ngam tawk 44.69 hi dahlet nise,a bak pawh kawng hi siam nise tia min ngenna chu a aia tha-in vawiin ah hian allocation hi pek kan ni ta a, Rs 90.69 crore chauh inpe ta loin Rs 45.89+58.99=104.88 crore lai pek kan ni ta a ni.” a ti.
Chief Minister chuan hei mai hi ni loin Fund allocation hi PWD Manual estimate against in pek ani tih Pu Mahlima chuan sawiin “CRRI estimate leh investigation awmlo mahse min sanction ta tho a, CRRI ko loin hei hi a rin nghal theih ani” a ti bawk, chutihrualin kawng chhiat dan a chhung boulder chhiat dan endik vek a, accurate taka estimate DPR siam a nih theih nan CRRI investigation pawh kaltlang mai ni rawh se a la ti leh zel ani tiin, Chief Minister chu Lunglei tan 'Pa'nih a tlin hle a ni a ti bawk. Kawng siamthat duh Sorkar leh Kawng siam tha duh tho Lunglei mipui te MZP kaihhruai-in hma an la dun ve ve ani tih sawiin, an kawng zawh erawh a inang lo mai chauh a ni chuan tiin MZP leh a thawhpui te chuan nuarna hmangin ATL Road siamna a chhuah theih nan Lunglei mipui nen kan tang a, chutih laiin sorkar chuan on file (file kal pangngaiin) fund allocation pek an tum ta thung a ni, a ti.
Tunah hian SLT Company-in Lunglei-Mausen Haulawng thawk turin agreement signed a ni tih sawiin Pu Mahlima chuan “hetiang anga kawng chanchin leh nawrhna avang te nge ni tunah hian he kawng hi siam an huphurh thu leh harsatna an tawh an hlauh thu an rawn sawi veleh ta a, Lunglei hian kan tihfuh loh chuan contractor tha kan kawng siam tur hi an hnawt bo zo ang tih hi thil hlauhawm tak a ni a, chuvangin ZPM Sorkar hi min ring ula, he kawng siam tha tur hian tunah chuan Rs. 104.88 crore kan nei chiang tawh a, hemi zat hi chuan kawng hi a tha leh tlo zawk siam theih hi kan beisei em em a ni.” a ti a
“Tunah fur kan hmachhawn dawn a, kawng hi engemaw chen haikhawh a tul dawn a, fura chutiang kan tih vak chuan mipui harsatna siam a ni dawn a, fur laia thawh theih ang bak chu kan hna tur hi mumal taka kalpui a ni dawn a, Lunglei mipui te lo hrethiam a, lo tuarchhel turin ka ngen a ni.” a ti.
Comments
Post a Comment