ZUNZAM NEWS (5.5.2025)

Bethel Centre atangin Naupang 11 an tlan chhuak

Lunglei 5/5/2025: Lunglei a naupang enkawlna Home lar tak pakhat,  Bethel Centre Chhumliamkawn a enkawllai naupang 11 te chu tunkar Nilainni(Dt 30th April.2025)tlai dar 4:00 vel khan an Centre atangin an tlan chhuak a,tunah chuan Centre-ah hian dah leh tawh an ni. 

Naupang tlanchhuah thu hi Child Protection lam a thawk te chuan bawhzui nghalin Child Welfare Committee(CWC) Lunglei te nen hmala in rang takin Centre lamah an kal nghal a, ,Pu Muana  In Bazar vengah hruaiin zanriah te eitir an ni a,( Pu Muana  hi hun rei tak he lai enkawl hna lo thawk tu a ni a, thawktu a nih tawh loh hnu pawha naupangte lainat vanga pawnlam atanga theihtawpa lo buaipui thintu a ni) hemi hnu hian Remand Home, Pukpuiah riah tirin  a tuk Ningani(Dt 1/5/2025) ah an awmna pangngai Bethel Centre lamah dah luh leh an ni. 

Thudawnna in a sawi danin Bethel Centre-a staff pahnih te chu kar kal ta thawhtanni(Dt 28/4/2024) khan chawlhtir an ni a, hemi thu an hriat rual rual hian Naupang engemawzat te chuan an tet te atanga lo chawi seiliantu Nu ang mai a an en te ban an ni ta chu an rilru a na in an mangang a, an tap a, an tawngtai a, chaw pawh ei mumal lovin, zan pawh an mu hlei thei lo a ni.Heng bakah hian nuam tihlohna engemaw tak nei ni a sawi an ni bawk a. Naupang 11 te chuan an Nu (Home Mother) hnena kal turinin   Dt 30/ Nilai chawhnu Dar 4 vel khan an awmna Bethel Centre chu chhuahsanin  ke a kal in Dist.Jail Sazaikawn hnuai velah an awm laiin CWC lam a thawk te chuan an hmu ta niin an sawi. CWC te hian Naupang ho te hi thil awmzia zawng zawng an zawt veka, thawktu te pawh an kawm bawk a, chumi hnuah Naupang tlanchhuak   11 te hi  kumtling tawh 2 telin an vaiin 13 an ni. 

Child Protection lam te hmalakna in naupang 11 te hi Home-ah dah leh tawh an ni a,thil awmzia te hrilh an niin an boruak pawh a zangkhai leh tawh khawp mai an ti. Heng naupang lo buaipuitu te hian Bethel Center a enkawl lai leh thawktu te tan thahnemngai taka Kohhran ten lo tawngtai sak turin an ngen tih an sawi bawk .

Christian Hospital Serkawnah CT Scan an hmang tangkai  tan hle.

Lunglei  5.5.2025: Christian Hospital Serkawnah CT Scan kumin March thla khan bun a ni a, damlo ten an hmang tangkaiin vawiin thleng hian mi 100 chuang chuan he khawl hi hmang tangkai tawhin he khawl hmang hian an natna hrang hrang endik sak an ni tawh. Inentir (hman man ) hi a inang lova, en ngun deuh leh en ngun loh deuh lo tein a inthlau a, a tlangpuiin Rs 1500 chunglam a ni ber a ni. He khawl awm chinah tangkai taka hman niin hmunpui lam pan ngai tur engemaw zat CT Scan hmang hian an hmuhchhuah sak ve teuh tawh tih thawktute hian an sawi a, a la tangkai lehzual zel tura ngaih a ni.

CT Scan  khawl hian ken tel tamtak a nei a, power backup pawh a hautakin a khawl behbawm hi AC hmanga enkawl a ni a, CT Scan room phei hi chu Radiation laka him nan a kawngkhar pawh special taka siam a ni a, tun dinhmunah a thawktute tan pawh radiation hi neih palh chance a sang tih an sawi a, a velah hian hmeichhe naupai lai phei chu awmhnai lo tura notice siam a nih thu an sawi bawk a ni.

A enkawl tur hian Pu Johnny Lalremruata (HoD) hovin staff 4 an awm mek a, darkar 24 chhung in a tul ang thawk thei tur (On Call) in an duty a. Result hi hre nghal turin a en theitu (Radiologist) Hospitalah hian  an la neih loh avangin natna hrang hrang test te chu Aizawlah Internet hmanga thawn a la ngai thung. 

CT Scan khawl hi Rs nuai 140 a lei a ni a, nuai 40 hi Kohhran hote thawhlhawm (appeal) atangin hmuh a ni a, Rs nuai 100 hi bank loan lak atanga hmuh a ni bawk a, .a bik takin BKHP ten an thawhhlawk hle nia hriat a ni. CT Scan Khawl hi Centenery bldg ah dah a niin  Radioology Deptt hnuaia awm a nih angin X Ray leh Ultrasound tih na te nen floor khatah dah an ni. Khawl hman man hi a tlawm berah pawh Rs 2000 vel sen a ngai