ZUNZAM NEWS ( 5.5.2025 )

Hauruang khua in Cheng Nuai 84 chuang Ni 100 inhlawhna a an hlawh thin laiin an LMC a an tel hnuah an chan tawh ang a ni a, tunah hian LMC atanga tal chhuah an duh thu an sawi.

Lunglei 5.5.2025 : Lunglei Municipal Council (LMC) huam chhunga awm duh leh duh lote hriatna atan Inrinni khan Hauruang Local Council chuan an community hall-ah vantlang inkhawm an ko a. Pu Zothanmawia Sailo, Local Council Chairman chuan a kaihruai a. Kal khawmte chuan LMC atanga tal chhuah an duh tih hming ziakin an pe a, LMC a, la awm zel duh an awm lo a. Tunkar hian Chief Minister emaw Home Minister emaw hmuh an tum a ni.

Hauruang Local Council Chairman chuan Mizoram puma VC leh LC inthlan zawh hnu ah NGO Co-Ordination huaihawtin meeting neih anih tawh thu leh chutah chuan LMC atanga tal chhuah dan ngaihtuah a, hmalak ni se tih rel a nih thu a sawi.

Hauruang hi in 300 bawr vel niin kuthnathawka eizawng an tam ber a ni.

Hauruangah hian LMC awm hma khan Job card 299 a awm hriat a ni a, ni 100 inhlawh na a mipui inhlawhna atan hian Rs. 84,01,900/- (Nuai 84, sing 1 leh zakua) an dawng thei ang a, material component ah Rs. Nuai 30 bawk an hmu thei bawk ang. A vaiin cheng  Nuai 100/- bawr vel an khuaah a lut thei dawn tihna a ni a, heng hi tun dinhmunah hian an dawng ta lo a ni.

Hemi chungchangah hian tarlan tawh angin ZUNZAM NEWS  chuan LMC official te a lo zawh tawh angin LMC hi Gazzete a tihchhuah vek tawh a ni a, ti danglam tur chuan a buaithlak ve deuh mai thei tiin a lo sawi tawh a ni.

Ministry of Labour & Employment in Employees' State Insurance Corporation (ESIC) Scheme a kalpui mekah pawisa tlem te chawiin health insurance scheme kalpui mek a ni. 

Mizoramah mi 6,000 chuang ESIC hnuai a inziaklut awm tawh in Aizawl ah damdawiin panga -Synod Hospital Durtlang, State Referral Hospital Falkawn, Aizawl Adventist Hospital Zotlang, Nazareth Hospital Chaltlang, Greenwood Hospital, Bawngkawn leh diagnostic centre pathum - Trinity Diagnostic Centre Zarkawt, Genesis Laboratory Dawrpui, Cross Imaging Dawrpui te nen inthlunzawmin, ESIC hnuaia inziak lutte'n heng dawmdawiin/ diagnostic centre ah hian a thlawnin inenkawlna (OPD/Admit/Test chi hrang hrang) senso an dawng thei a. 

ESI Dispensary hian heng damdawiinahte hian a tul dan a zirin damlote an thawn thin a, senso zawng zawng tumsak vek a ni.

ESIC  ruahmanna hnuaiah hian hamthatna hrang hrang dawn theih a ni a. Sorkar hnathawk ni lo, thiamna hrang hrang  hmanga eizawnna nei te, company hnuaia inhlawhte, private school leh college-a zirtirtu te, consultancy firm-a inhlawhte, dawrkaite leh dawrkaite hnuaia inhlawhchhawngte tan leh eng sumdawnna pawh (Road Transport, Hotel leh Restaurant, Cinema, chanchinbu, dawr, leh zirna in leh damdawi lama thawk (educational/medical institution) hnathawk 10 emaw a aia tam awmna te a huam vek a. 

Hnathawktu thlakhat a Cheng 21,000/- leh a aia tlem hlawhte tan he hamthatna hi dawn theih a ni. ESI Act hnuaia hamthatna chang tur hian inziahluh hnuah hnathawktuin a hlawh atanga za zela bial point 75 leh a chhawrtu-in za zela 3 point 25 thlatin an chhun luh ve a ngai thung a ni. -AIR

India chuan Pakistan atang leh Pakistan kaltlanga bungraw lakluh akhap chu Pakistan in a buai phah hle.

India chuan Pahalgam a,terrosrist te chetna avanga ram pahnih inlaichinna chhe zel karah May ni 2 atang khan Pakistan leh pakistan kaltlanga India a bugraw lakluh akhap a, khapna hi zirtawpni khan Directorate General of Foreign Trade (DGFT) chuan a tichhuak a ni. Hei hian pakistan a sumdawng tam tak a tibuai hle a, pakistan thil siam te chu United Arab Emirates, Singapore, Indonesia leh Sri lanka atanga India a, thawnluh dan a ngaihtuah a. US dollar maktaduai 500 man hu vel Pakistan thei chi hrang hrang, dry dates, textiles, soda ash, rock salt leh savun lam chite chu a pack na phelhin heng ramdang atanga siam angin an pack tha a, label hran siamin India ah thawnluh an tum tih hriat chhuah ani a, hei vang hian Custom department te chu an fimkhur zual a ni.

Sorkar chhinchhiah danin Pakistan pawh hian India- bungrua hi Financial year 2025 April - January khan US dollar maktaduai 448 man hu ala lut a, heng zingah hian damdawi lam te, sugar, chemical, auto parts leh preolum products te atel a ni.

Israel chuan Gaza a operation zauh zel turin, a reserve sipaite a ko tan.

Israel chuan gaza a operation lian zawk nei turin a sipai reserve te ako mek a, operation a la neih lohna hmunah te operaton zauhin lei chung leh hnuaia infrastructure awm te tihchhiat vek a tum a. He Operation neih tur hi nimin khan Israel Cabinet chuan a pawm a ni.

Israel leh gaza chungchangah inkahhai nei leh tura inbiakna neih tir tum tur te, an hlawh chham a, March ni 18 a inkahhai tawp atangin Hamas ten Israel mi an man te chhuah ala awm leh lo a ni.Gaza ah hian Hamas leh an thurualpui pawl dangten Israel ram an beih thut atanga an man mi 59 an la awm a, heng zinga 24 chu an la dam nia ngaih a ni.

Israel in Gaza hmun zau tak aluah atangin palestinian sang tam takte chuan an chenna hmun an chhuahsan a, Israel chuan Hamas te hi an mi hrente chhuah turin kawng hrang hrangin pressure a pe a, Gaza a, tanpuina lut tur pawh a dang a ni.Tanpuitu pawlte chuan Gaza ah hian chaw, tui leh damdawi lam te a vang hle tih sawiin tanpuina thawn luh khap tlatna hi, war- crime anih theih tu an sawi a, Israel erawh chuan thil ni thei anih loh thu a sawi.

Hetihlai hian israel prime Minister Benjamin Netanyahu chuan sawiselna atawk nasa hle a, a bik takin Hamas mi hren chhungte atangin sawiselna nasa tak a tawk a. Chumai ni lovin reservist te pawhin Natanyahu chu inbeihna chawlhsan a, Hamas mi hrente hruaikir turin an ngen a ni. Inrinni pawh khan Israel ram hmun hrang hrangah buaina titawp tura phutna lantir a ni.

Chawlhni khan Yemen atanga Houthi hel ten missile an kah chu Ben- Gurion- airpoort, main- trerminal bul lawkah a tla a, thi leh hliam erawh an awm lo a ni,Israel leh Gaza indona ah hian Palestinian sing 5 sang 2 leh 535 an thi tawh niin Hamas enkawl health ministry chuan a sawi.