He silai keng hian Graz khawpui hmar thlang lama secondary school ah lutin silai a pawng kah a, Interior Minister Gerhard Karner sawi danin hmeichhia 6 leh mipa 3 te chu an thi a, mi 12 in hliam na tak an tuar a, a hnuah hliam zinga hmeichhe pakhat a thih belh leh a, mi 10 an thi a. A mah hi bathroom ah lutin a intihlum a, amah nen he thil thlengah hian mi 11 an thi a ni.
Silai keng pa hi he school a zirlai hlui a ni a, he school atanga graduate zo lo a nih thu Karner chuan a sawia, hetianga a chet chhan hi chhui a ni a, silai hi dan ang taka licence nei a ni a, he a chetnaah hian pistol leh shot gun a hmang niin an tualchhung media te chuan an sawi a, amah hi Austrian mi, wider Graz biala mi niin thurualpui a nei lo nia hrat a ni.
Comments
Post a Comment