๐๐ฅ๐๐ก-๐๐ก ๐จ๐ฆ ๐๐๐ฆ๐ ๐๐ก ๐๐๐๐๐๐ง ๐ฉ๐ ๐๐๐ช๐ก
๐๐ฅ๐๐ก-๐๐ก ๐จ๐ฆ ๐๐๐ฆ๐ ๐๐ก ๐๐๐๐๐๐ง ๐ฉ๐ ๐๐๐ช๐ก
(๐๐ถ๐ด๐ด๐ช๐ข ๐๐ณ๐ฆ๐ด๐ช๐ฅ๐ฆ๐ฏ๐ต ๐ฏ๐จ๐ข๐ธ๐ช ๐ณ๐ฆ๐ฏ๐จ ๐๐ณ๐ข๐ฏ ๐๐-๐ช๐ฏ ๐ข ๐ต๐ญ๐ข๐ธ๐ฉ, ๐๐ ๐ด๐ข๐ธ๐ช๐ด๐ฆ๐ญ๐ต๐ถ ๐ญ๐ฆ๐ฉ แนญ๐ข๐ฏ๐ต๐ถ ๐ต๐ฆ)
๐๐ฑ๐พ๐ช๐ฑ๐ด๐ฑ๐ช๐๐ถ๐ฝ๐พ
~ Zoa Tlau . Pannel Cabin
Tun แนญum US-in Iran nuclear hmun pathum a beihna hi kum 1979-a Islamic revolution a thlen hnua Middle East-a khawthlang an inrawlh nasat ber te zingah a tel, tiin news report a ni a. Ali Akbar Velayati, Iran supreme leader Ayatollah Ali Khamenei advisor chuan thungrulh nan Middle East-a US base leh US force ten base atana an hman te chu an beilet dawn tih a sawi, niin IRNA news agency chuan a tarlang. Iran hian Israel khawpui Tel Aviv leh hmun pawimawh dang a bomb nual bawk.
๐จ๐ฆ ๐ฐ๐ถ๐๐ถ๐๐ฒ๐ป ๐ณ๐ถ๐บ๐ธ๐ต๐๐ฟ ๐ฎ๐ป ๐ป๐ด๐ฎ๐ถ:
New York khawpui ngei pawh firfiak laka venhimna a khauh nghal hle a, US Department of States chuan khawvel ram hrang hranga US mi leh sa awm te chu firfiak laka fimkhur turin a chah mawlh mawlh a. Iran thlawptu firfiak te hian US mi leh sa an beih duh mai an ring a, khualzinna leh an awmna apiangah American te fimkhur hle tura hriattir an ni.
๐๐ฟ๐ฎ๐ป ๐๐ -๐ถ๐ป ๐ฃ๐๐๐ถ๐ป ๐ฎ ๐ฝ๐ฎ๐ป, ๐ฃ๐๐๐ถ๐ป ๐ฎ '๐ป๐ฒ๐๐๐ฟ๐ฎ๐น' ๐๐น๐ฎ๐:
Vawiin hian US-in a beih avangin Iranian Foreign Minister Abbas Araghchi chuan Moscow panin, an sangawizawnpui Russia President Vladimir Putin chu a hmu dawn a. Russia thurawn pawimawh tak a la dawn niin media report-a tarlan a ni.
Russia hian June ni 13-a Iran-in beihna a tawh hnu khan Israel leh US hi a dem thu chu chhakchhuak แนญhin mah se, ralthuam leh thildangah a pui lo thung. Putin hian Israel-ah Russia mi แนญhahnem tak an awm ve a ti a.
Putin chu engvanga kum tam tak an ram แนญhian Iran leh Israel inbeihna chu 'neutral' taka thlir thei nge a nih tiin media ten an zawt a, Russia president chuan thildanga chhang vak lovin Russia แนญawng hmang Israel-ah แนญhahnem tak an awm thu a sawi.
๐๐๐ฟ๐ฎ๐ฒ๐น-๐ถ๐ป ๐๐ฟ๐ฎ๐ป ๐ฎ๐ถ๐ฟ๐ฝ๐ผ๐ฟ๐ 6 ๐ฎ ๐ฏ๐ผ๐บ๐ฏ:
Ram pahnih boruak a sosang tial tial a, US chรชtlak hnu hian Israel millitary lam report danin Israel chuan Iran airport 6 a bomb a. An ballistic missile chhรชkkhawlna hmun a bomb chhe nual bawk.
๐๐๐ฟ๐ฎ๐ฒ๐น ๐๐ฝ๐ ๐ฎ๐ป ๐ธ๐ต๐ฎ๐ถ๐ต๐น๐๐บ:
Vawiin hian Iran judiciary thutluknain Israel intelligence tana thawk nia rinhlelh Mohammad-Amin Mahdavi Shayesteh chu an khailum tih Iran-in judiciary chuan an puang.
๐จ๐ก ๐ฆ๐ฒ๐ฐ๐๐ฟ๐ถ๐๐ ๐๐ผ๐๐ป๐ฐ๐ถ๐น ๐บ๐ฒ๐ฒ๐๐ถ๐ป๐ด ๐ฎ๐ป ๐ป๐ด๐ฒ̂๐ป:
US-in Iran nuclear hmun pawimawh pathum ngawt a tihchhiat avangin Iran ambassador to the United Nations chuan 'emergency Security Council meeting' nei vat turin a ngรชn.
๐ก๐ผ๐ฟ๐๐ต ๐๐ผ๐ฟ๐ฒ๐ฎ & ๐๐ต๐ถ๐ป๐ฎ-๐ถ๐ป ๐จ๐ฆ ๐ฎ๐ป ๐ฑ๐ฒ๐บ, ๐๐ต๐น๐ฎ๐๐ฝ๐๐ ๐ฎ๐ป ๐ฝ๐๐ป๐ด:
US-in UN Charter bawhchhiain Iran a bei a ni, tiin North Korea chuan an dem thu an puang a. Middle-East buaina thlentu tiin Israel pawh an dem hle a. US hian UN Charter nasa taka bawhchhiaa Iran a bei hi kan dem takzet, North Korea foreign ministry chuan an ti.
China foreign ministry pawhin US a dem hle tih puangin, Middle East-ah a bik takin Israel te chu inkahhai nei vat turin an ngiat.
Hetihlai hian UK, Australia, Ukraine leh Japan te chuan US hmalakna chu an thlawp thu an puang a. European Union pawhin Iran chuan nuclear ralthuam a neih a thiang lo tih an sawi nawn leh a ni.
Israel Prime Minister Benjamin Netanyahu chuan an tum an hlen แนญep tawh tih a sawi a, hlenchhuak law law turin hun erawh a la duh deuh hlek dawn a ti. Iran missile leh nuclear hmun tihchhiat nual a ni tawh a, hei aia thui, ram แนญhendarh leh chhuhsak lam chu an tum a nih loh thuba sawi.
(๐๐๐๐๐๐ ๐๐ ๐๐๐๐ ๐๐๐๐๐๐ ๐๐๐๐๐ ๐๐๐ ๐ผ๐๐๐๐๐ ๐ด๐๐๐ ๐๐๐๐๐๐ ๐แนญ๐๐๐๐ ๐๐๐ ๐๐๐๐ ๐ ๐ ๐๐ ๐)
Belhna:
Ziah hmaih tlรชm ka nei a, ka finfiah mumal theih loh vang a nia.
Israel hian Iran-in US a bumah a puh deuh a, Fordow leihnuaia Uranium an tihchak (enriched) tawh te kg 400 kha a rรปkin US bomb hma kha hmun dangah an sawn vek niin an sawi, hei hi 60% aแนญanga 90% vela enriched a nih an ring. Chuti a nih chuan nuclear warheads siamna atana hman tlak a ni dawn tihna a nia.
Comments
Post a Comment