Green Mizoram Day chu vawiin khan Lungleiah hman a ni.

Lunglei 11/6/25: Green Mizoram Day chu vawiin khan Lungleiah hman a niin thingtiak 1200 phun a ni.

 

Thing phun hma hian Lunglei DC Pi Navneet Maan kaihhruaiin K.Liantawna Hall Pukpuiah inkhawm tawi neih a ni a, Pu V. Malsawm tluanga Vice Chairman HPC chu khuallian a ni.Deptt hrang hrang, NGO,Pensioner leh MJA ten thing an phun a ni.

     Khuallian Pu V.Malsawmtluanga chuan a enkawl chhunzawm lamah tanlak a ngai hle tih sawiin Mizo kristian intite hi thing leh mau, nungcha humhalh kawngah kan chhuanawm lo hle thin a, tunah chuan kan ram nuamtaka siam turin thing leh mau,nungcha te duat taka kan enkawl a ngai a ni a ti. Lunglei hi thalah tui a harsa em em thin a, vbc 55 chuangin kum 10 phuhru tur SASCI atanga hmalak leh Mat pump na tur kalpui mek a nih thu a sawi. 

   Pu Lalduhthlana CF, Southern Circle,EC&CC Deptt Lunglei chuan report pe in  thupui Ruahtui khawl nan thing i phun ang u tih a niin Lunglei khawpui tuilakna Pialthleng kamah thing phun a ni dawn ta a ti. Vawiin a thingphun te hi kan enkawl tha em tih chu ennawn leh a ni ang a ti. Nikum a thingphun kha 66% vel chauh a dam tih sawiin July thla thleng Forest Nursery atangin a duh tan thingtiak a lak theih ang a ti. Plastics hman that loh zia sawiin nungcha mai bakah a tawpah mihring bawkin kan tuar nawn leh a ni a ti. Plastics hi khawi hmunah pawh awmse a hnawk em em a,a theih hram chuan hman loh tum ang u a ti. 

Pu H Lalthansanga,MJA President chuan lawmthu sawiin hun a khar a, digital age a Truck a Lunglei khawpui a tuisem a ngai kha a zahthlak a, inenfiah ang u a ti .

   Khuallian Pu V.Malsawmtluanga hian ramngaw humhalh tha khua Fire Prevention Award 2025 heng khua te hnenah hian a hlan.

1st: Lungsen -I VC 

2nd: Mualcheng South VC

3rd: Mualthuam North VC te niin lawmman thuziak a hlan a ni. 

   Function neih zawh hian Ceremonial Planting tree tih hnuah Pukpui atanga Pialthleng Road kawngsirah thingphun nghal a ni a.