Press Release 2 of 2025 MNYF Sub Hqrs Lunglei. ( 9.6.2025 )

  Press Release 2 of 2025 MNYF Sub Hqrs Lunglei.

"ZPM sawrkar hian bultanna tur sum leh pai neilo mirethei, khawsak hnuaihnung zawk leh nitina eizawnga inhlawhfa chawp te tan hian eng hamthatna nge a kalpui ve le?" - Sangthuama President MNYF Sub Hqrs Lunglei.

"ZPM sawrkar hian bultanna tur sum leh pai neilo mirethei, khawsak hnuaihnung zawk leh nitina eizawnga inhlawhfa chawp te tan hian eng hamthatna nge a kalpui ve le? Thlai thar leh sawhthing lei an intiam a,:an intiamna angin sawrkar lah chu a che thei leh si lo tih hretu vek kan ni a.  An thawhrim rah, kuthnathawhtu ten an tah pui vawng vawng mek hi kan lainatin, a pawi kan tihpui tak zet zet a ni," tiin Pu Sangthuama President MNYF Sub Hqrs Lunglei chuan a sawi.

Vawiin chawhma dar 11:00 khan Mizo Hnam Run Lunglei ah chhung inkhawm leh Political Session hun hman niin, Political Session hun hmangtu Pu Sangthuama President Mizo Youth  National Front Sub Hqrs Lunglei chuan, "Kan sawrkar hrawn mek hian kan ram leh hnam tan hmasawnna em em kalpui an neih ve pawh kan hriat mumal lem loh laiin ZPM minister leh MLA thenkhatte chuan, sawrkar hmasate puhchhiatna leh  sum tam tak tichingpen ni a sawiin, corruption lakah fihlim lo ang a sawi chu sawrkar mek thupui ber a ni mek a. chumi dawtah midang sawichhiat pah a, an nahni infak chu, nuam an tih ber a ni mek a nih hi. Corruption chungchangah diklo takin MNF sawrkar kha a kal ve loh zia hriat chian nan, CBI chhui an ngamzia media kaltlangin MNF hruaituten chona  an lo siam tawh a, eirukna kawngah MNF sawrkar kal ta kha fihlim lo a, an hriat phawt chuan, he sawrkar hian an kutah thuneihna a awm lai hian hmala rawh se. An ngam lo a nih chuan, lemchan nan a, MNF sawrkar kal ta puh hmingchhiat tum leh ringawt hi bansan tawh turin ZPM sawrkar hi kan ngen tak meuh a. Fel ber leh tha ber, danglam bik tur ang'a inzuarte hi Contract work chungchangah a ni emaw kawngpui chungchangah a ni emaw, NGO pawl hrang hrang ten Press Release an chhuah khum reng ngai khawpin  an awm mek a. Lunglei mipui min pawisak loh avangin Lunglei mipui kan rum mek a ni tih hi in hre mawlh turin kan ngen e."  tiin a sawi.

A sawi zelnaah Pu.Sangthuama chuan, "Pu, Zoramthanga President MNF kaihhruaina hnuaiah inthlanpui lo awm leh hmasa berah sawrkarna kan siam leh ngei MNYF Sub-hqrs chuan kan ring tlat a ni, tih hi ram mipuite pawhin min hriatpui turin kan ngen bawk a ni" a ti bawk.

Vawiin 9.6.2025 Thawhtanni Mizo Hnam Run Lunglei chhung inkhawm hi Tv.Johan PC Lalruatdika Vice President MNYF Sub Hqrs Lunglei chuan kaihhruaiin, hunserh hi Pu.Lalhriatpuia. Fanai Treasurer MNYF Sub Hqrs Lunglei chuan a hmang.

Issued by Information and  Publicity Deptt Mizo National Youth Front Sub Headquarters Lunglei