" Mipui min sawrfu tu BJP Sawrkar leh ZPM sawrkar hi kan hnawl a hun ta." R.Lalnunthara, President, LDCC.

 OFFICE OF THE MEDIA DEPARTMENT, LUNGLEI DIST CONGRESS COMMITTEE.

PRESS RELEASE NO 24 OF 04.07.2025.

" Mipui min sawrfu a mi harsa zawkte tana harsatna nasa tak thlentu BJP Sawrkar leh ZPM sawrkar hi kan hnawl a hun ta." R.Lalnunthara, President, LDCC.

Lunglei.4th.July.2025: All India Congress Committee in ti tura a tih angin vawiin chhun dar 12:00 khan Lunglei Dist Congress Committee chuan India danpui humhalhna inkhawm LDCC Bhavan ah an hmang a inkhawm hi Pu Joseph.R.Lalremngheta, LDCC Vice President in a kaihruai a ni.

   He huna thusawitu Pu R.Lalnunthara, LDCC President chuan nitin mamawh thil man sang chho zel chungchang sawiin, kum 2004 a BJP Sawrkar atang khan nitin mamawh a sang chho zela Factory Sang 2 chuang khar ni tawhin BJP sawrkar chuan sumdawng lian te chauh thawhpui duhin Sumdawng tenaute an tla chhe mek zel a ni tiin oil leh Gas man a sang zel a miharsa te tan khawsak a harsa em em tawh a ni a ti. Pu Mathara chuab Congress Sawrkar laiin India ramah thil man a thununa Gas leh Oil manah pawh mipuiten chhiah kan chawi ve tur kha Congress Sawrkar khan Company te hnenah a pe vek zela mipuiten tlawm zawkin Gas leh Oil kan lei thei thin a tunah erawh chuan kan lei to em em tawh a ni a ti. Hetihlai hian kan State Sawrkar mipui sawrkar kan tih chuan Oil manah chhiah sang tak a la a, buhfai kan lei to em em a chutih lai chuan kan kawng a chhe em em a, hetiang dinhmuna kan din avanga vawiina hetiang hun hman angai ta hi a lungchhiat thlak a hetiang taka mipuite min sawrfu tu Central BJP kaihhruai leh ZPM sawrkar hi hnawl a hun ta a ni LDCC President chuan a ti.

   Thu sawitu dang Pu Eric.R.Zomuanpuia, LDCC Treasurer India danpui humhalh angai tih sawiin, ram Danpui hi behchhan nei a duan a ni ṭhin a. India Danpui pawh hi Pathian lehkhabu thianghlim behchhan a duan a ni a. Bible behchhan a duang ram 5 zinga pakhat kan ni a ti. Keini Mizo Kristiante tan hian a lawmawm takzet a chutiang ni lo se Hindu tamna leh Muslim lalna ram ṭhin ah hian kan hnam leh kan kristianna hmang hian kan dam khawchhuak zo lo mai thei a ni Pu Eric-a chuan a ti.

    Bible behchhan Danpui kan neih avangin PREAMBLE ah pawh Socialist Secular Democratic Republic tih chiang taka ziak a ni a. Heng avang hian ram leilung leh hausakna neitu mipui  (Socialist) leh sakhaw zalenna (Secular) ram a ni tih hi hi khawvelin India a hriat dan pawh a ni a ti a. 

Vanduaithlak takin  ni 26.6.2025 khan BJP thluak bur pakhat RSS senior member ni bawk Dattatreya Hosable chuan India Danpui a 'Secular - sakhua zalenna' leh 'Socialist - ram leilung leh hausakna neitu chu mipui' tih chu paih an duh thu a sawi a. Hei hi India National Congress chuan a ngai thutak talzet a. BJP hian 2024 MP election khan Danpui siamṭhat  lo aupui tawh mahse mipuiin an lo hnawlsak a ni.

BJP hian India ramah hian lungrual taka mipui chenho a, inpumkhatna neih te, intluktlang a mipui khawsakho leh sakhaw zalenna hi a duh lova, a duh ngai bawk hek lo a ni LDCC Treasurer chuan tiin, heng avang hian India Danpui siamṭhat hi a tum ngar ngar reng a ni a ti. Keini India National Congress chuan BJP duh dan hi Pathian leh mipui avangin kan pawm thei ngai dawn lova nasa takin kan do zel dawn a ni.

    Kan ram, hnam leh sakhua a ral chuan keipawh ka ral ve dawn a ni tih hriain India Danpui humhim a nih zel theih nan vawikhat tal ṭawngṭaina a thlen tur leh kan kaa vawikhat tal India Danpui hi humhim zel ni rawh se tia sawichhuak turin mitin te kan inngen a ni tiin Pu Eric. R.Zomuanpuia LDCC Treasurer chuan a sawi a ni.

Issued by Media Department, LDCC.