Mizoram in ALA Presidential Citation for Innovative International Library Projects Award, 2025 dawng

The Beautiful Learning India (TBLI), Mizoram in ALA Presidential Citation for Innovative International Library Projects Award, 2025 dawng 

American Library Association (ALA) Annual Conference, 26th -30th June 2025, Philadelphia, Pennsylvania a neih zawk takah ALA Presidential Citation for Innovative International Library Projects Award 2025 chu The Beautiful Learning India, Mizoram hnenah hlan a ni. ALA Annual Conference ah hian America ram pawn a mi Library Project nei tha te hnenah Award hi hlan thin a ni. 

He Award hi mahnia dil theih a ni lova, ALA member te chauhin nomination hi siam theih a ni. Khawvel hriat a Library huangchhunga Award ngaihhlut ber te zing a mi a ni. The Beautiful Learning India, Mizoram TBLI, Mizoram (NGO) hi Dt 24th May 2024 ah Library Service a awm te, hetiang lama tui mi deuh intelkhawmin an din a ni. 

TBLI hian Society Registration neiin, an office pawh Tlangnuam Vengthar, Aizawl, Mizoram ah a awm. TBLI hian thawhhona tha tak mai The Beautiful Learning Korea (TBLK) nen neiin Little Library Project a kalpui a, heng School ah te hian Little Library din a ni tawh. 

1) Govt.P/S Lengpui 2) Govt.P/S Tachhip 3) Govt.P/S Maubuang 4) Govt.P/S Phulpui 5) Govt.P/S Kelsih 6) Govt.P/S Tlangnuam Vengthar. Heng Govt.P/S ah te hian naupang lehkhabu chi hrang hrang Bu 400 theuh leh Wooden Rack, thing a siam lehkhabu dahna an pe tel bawk a ni. Lehkhabu te hi Zirtirtute lo enkawl chhunzawm turin leh naupangte’n a remchan dan anga an hawh chhuah leh chhiar tura ruahmanna siam a ni. A lo dawngtu Sikul naupangte leh Zirtirtute phur zia leh an hlimzia han hmuh chuan TBLI member te ah chona nasa tak a pe a ni.

TBLI Memberte: 

President :Dr. Lallaisangzuali, Librarian, MZU 

Vice President :Mrs. R.Lalrinpuii, Librarian, Govt. Mizoram Law College 

Secretary :Dr. Rohlupuii Pachuau, Asst. Librarian, MZU 

Treasurer :Dr. Lalthanmawii Sailo, Asst Librarian, PUC 

Executive Committee Members: Dr. B. Lalhlimpuii, Asst Librarian, MZU Dr. C.Lawmzuala, Professional Assistant, MZU (Rtd) Dr. S.Lalnunpuia, Librarian, T.Romana College Mr. John Lalchhanchhuaha, Teacher, Mt. Carmel School, Aizawl American Library Association (ALA) American Library Association (ALA) hi kum 1876 a din a ni a, an Headquarter hi Chicago, Illinois a awm a ni, member pawh 62,000 chuang lai awmin, khawvel huapa Library Association upa ber leh member ngah ber a ni. ALA in a tum ber chu Library tihhmasawn leh tihchangtlun te, Library Profession chawisan te a ni. 

ALA Conference hi kum tin neih thin a ni a, khawvela Library kaihhnawih a inhmuhkhawmna lian ber pawl a ni, ram hrang hrang atangin mi thiam tak tak te, Librarian, Publisher leh eizawnna dang thawk te pawh an kalkhawm thin a ni. He Pawl hian ngaihhlut a hlawh hle a ni.