Health Minister Pi Lalrinpuii chuan nimin khan Zoram Medical College & Hospital (ZMC&H), Falkawn tih changtlunna tur atana hmalakna hrang hrang a endik a, ZMC&H ah hian khum 46 hawn thar nghal a ni.
Pi Rinpuii chuan ZMC&H hnuaia thawktu hrang hrangte chu tlawh kualin an harsatna leh mamawh an sawite a ngaihthlak sak a, sawkar chuan thawktute leh mipuite tan theih tawpa hma a lak zel tur thu leh, thawktute inpekna ah lawmawm a tih thu sawiin hmalakna kal mekte pawh zawh fel thuai a beisei thu a sawi bawk a ni.
Sorkar thuchhuahin a tarlan danin, Gynaecology Ward, khum sawm (10) awmna te, cabin sawm (10) leh Medicine Ward, khum sawmhnih paruk (26) awmna te chu hawn thar a ni a. Heng bakah hian Mizoram Universal Healthcare Scheme kalpui a nih hnuah Cabin sawm (10) hawn belh a lo ni tawh a, Orthopaedic Ward khum sawmhnih paruk (26) awm thin ah khum sawm thum (30) dah belh a ni tawh a. Hmachhawp zingah Integrated Care Unit (ICU) awm tawh sa sawmpathum (13) bakah sawm pathum (13) dang hawn thar a ni dawn a, khawl remkhawm hna buaipui mek a ni. Operation Theatre panga (5) – Gynaecology (2), Cardiology (1), Neurology (1), General (1) hawn thar tura hmalak mek a ni a, tun dinhmunah OT hi panga (5) hman theihin a awm mek a. Cardiology Ward thar, khum paruk (6) awmna chu hawn theih tura chak taka hmalak mek a ni bawk.
Thawktu indaih lohna phuhru turin MUHCS Multi-task Worker mi sawmhnih (20) leh Casual Nurse sawmruk pali (64) lak thar an ni tawh bawk a, heng bakah hian Junior Resident (JR) lakna tur buaipui mek ani bawk. Dr Zothansanga Zadeng, MCH Neurosurgery (Super Specialist) chuan, a zirlai zir zo in, ZMC&H a zawm leh tawh a, mipui tan inentir a theih leh tawh bawk.
======================
Pu Lalengzauva an chenna in chhungah a thinhnun bula chemtea vihna avangin thichhawngin hmuh ani
Nimin tlai dar 4 vel khan Pu Lalengzauva (41) S/o T. Zasanga Thingfal Lunglei dist. lam chhuak Thuampui vengthar a, a u te bela hun rei tak awm tawh chu an chenna in chhungah athin-hnun bula chemtea vihna avangin thichhawngin hmuh ani a, Greenwood hospital panpui a nih hnuah ahliam tuar lovin a boral.
Pu Lalengzauva bula- lo muhil athianpa Pu Siamthanga leh Pu Lalengzauva vit tu nia rin Tv Zalawma (21), Thuampui vengthar mi ve ve te chu Police ten thu zawhfiah turin an la a ni.
Mi kut tuara boral ta Lalengzauva hi nupui nei tawh thin niin anupui nen fa 2 an nei a, an inthen hnuah an fate chu a nupuiin a enkawl a, Pu Lalengzauva hian Aizawl Thuampui Vengthara a u te belin hun rei tak a awm tawh niin thu dawnna chuan a sawi.
Pu Lalengzauva- ruang hi Thuampui YMA hall ah tlaivarpui a ni a, vawiinah a ruang postmortem anih hnuah, an khua Thingfal lam panpui a ni ang. Lalengzauva vihna chemte nia hriat chu police ten nimin khan an la a ni.
==============
Nimin tlai dar 5:00 pm khan MSU hruaitute chuan MPSC Secretary chu a Pisaah hmuin, nikum 17th December, 2024 a Combined Competitive Exam result la tihchhuah kimloh leh Assistant Professor hnalak tur Advertisement la tihchhuah loh chungchang an zawtfiah.
MSU chuan an hmalakna kal mek nena inhnaih tak Assistant Professor post 30 ruak, DP&AR in MPSC kuta apek tawh Advertisement la tihchhuah loh chungchang pawh an zawtfiah nghal a. MPSC Secretary chuan an buaipui mek thu leh, 3rd July 2025 (Nilaini) hian advertisement tihchhuah nghal an tum thu in alo chhang bawk a ni.
========================
IOCL in, revised rate atih chhuah angin Mizoram chhungah LPG 14.2 kG (Domestic leh LPG 19 Kg (Commercial rate chu bithiah thar ani a, July ni 1,2025 atanga hman tan a ni.
Aizawl Municipal Area leh District Hqrs. ah te ‘home delivery’ kalpui tawh tur anih avangin Rs.70.00 belh zel tur ani a, Mizoram chhung hmun dangah home delivery hi kalpui anih pawhin Rs.70 hi belh zel tur a ni. Godown-a hralh anih erawh chuan Rs.33.43 zel paih thung tur ani. Home Delivery a, kalpui thei nganglo veng, point- delivery kalpuina ah chuan Rs.7.53 belh zel tur a ni.
==============
District Legal Services Authority, Lunglei chuan nimin khan National Legal Services Authority (NALSA) Scheme- On- Legal Services To Disaster Victims (SLSDV) bawhzui in, Hnahthial District huam chhunga khuarel chhiatna tuarte leh In leh lo chhuahsan te hnenah an harsatna tawhte zirchhiang in tanpuina an hlan .
Lunglei DLSA hian chhungkaw sawm pathum (13) hnenah tanpuina buhfai bag leh nitin mamawhte an pe a, chhungkaw 10 chu Hnahthial khawchhung-mi niin chhungkaw 3 chu Pangzawl khua an ni. DLSA hian Survey for Aadhar and Access to tracking and Holistic Inclusion (SAATHI) Campaign nei nghalin Hnahthial District huamchhung a, zirna in leh, children's home hrang hrang-ah survey neih ani a. Naupang Aadhaar neilo te chu hmaih awm lovin a zawng chhuak a, registration neih tir nghal an ni bawk.
Chawngteah sikul an khar
Thudawn danin Chawngte Joint NGO chuan nimin khan Samagra
Shiksha, Mizoram hnuaia hna lak danah thil dik lo awm nia an hriat
vangin, an huam chhunga zirna in zawng zawng an khar. Chawngte
Joint NGO chuan Samagra Shiksha hnuai Block Resource Centre,
Chawngtea thawk tur foundational stage helper, music instructor,
sports instructor leh Hindi instructor lakah dik lo taka thil tih a awma
an hriat vangin sikul hi an khar niin an sawi. An tarlan danin, hna
lakah hian hian Chakma Autonomous Dist Council (CADC) President leh a thawhpuite chuan la tura an duh list interview board-te an
hriattir a ni. Interview board-te hian fair takin lak tum mah se, a thiam
lo zual an paih hnuah hna lakah hian CADC ZPM duhte 70% vel an
la. ZPM atanga vauna awm bawhzuina niawm takin interview board
secretary chu a awm mekna atangin transfer a ni an ti.
MSU in an thil ngiat nawr nan
Kawngzawh hial tum.
Sorkarin Part Time Asst. Professor mi 29 a chhawr chhunzawm
zelna tur Notification Order a tihchhuah te chuan an qualify tawk lo
tia sawiin MSU Gen Hq hruaitute chuan H&TE Directorate Office
kawtah an duhlohna lantir nan order an hal tawh a. MSU President
B. Lalkhawngaihzuala chuan hemi chungchang hi, Press Conference hmang mai bakah Vawi tamtak Edn Minister hnenah an thlen
tawh a, CM hnenah an thlen tawh bawk nia sawiin, tun thla ni 6 ral
hmaa MSU ngenna hi ngaih pawimawh anih loh chuan zirlai ten zirtirna
tha an dawn theihnan Qualify ngei zirtirtu an duh thu Aizawl khawpuiah
kawngzawh in tlangaupui-na neih an tum tih an sawi a. Kawngzawh
hian awmzia a neihloh pawhin a tawp thlenga hmala zel turin ruahmana
an siam a ni, an ti.
Airport hmun hnihah siam tum
a ni - CM
Chief minister Lalduhoma
chuan, Airport Authority of India (AAI) hnena Lengpui Airport
hlan chungchangah AAI offer
nghah mek a nih thu a sawi a,
Khawchhak lam leh chhim lamah
airport siam tura hmalak a ni, a
ti. Chief Minister chuan, Lengpui
Airport chu CYMA leh NGO
duh ang ngeiin India Air Force
(IAF) hnena hlan loin, AAI hlan
tumin Union Home Minister nen
hma an lak thu a sawi.
CM
Lalduhoma chuan, Union Home
Minister chu duh aiin a hma a lak
chak lo nia sawiin, A buai em a,
hma a la chak thei lo a ni.
Hmalakna erawh a kal reng. AAI
hnena hlan hmain runway
siamthat an ngiat a, cheng vbc.
80 vel sen a ngai dawn. Buaipui
mek a ni a, a hautak khawp mai,
a ti.AAI hnena Lengpui Airport
hlan turin offer ziaka thehlut tura
an tih thu sawiin Lalduhoma
chuan, IAF-in min offer tha si a,
a that ve loh chuan kan ti, a ti a,
AAI offer nghah mek a nih thu a
sawi. CM chuan, Development
of North Eastern Region
(DoNER) atangin khawchhak
lam, Champhai vel leh chhim lam
Lunglei velah airport pakhat ve
ve atan investigation ti turin
hmalak mek a nih thu a sawi
bawk.
=======
Spain a ramkang leh Europe rama khawlum avangin mi 6 an thih belh leh tawh a, Europe hmun thenkhatah hian temperature hi degree celcius 40 te akai chho a ni.
Europe ram hrang hrangah khaw lum avangin an buai a,Spain leh England te chuan chhinchhiah chin ah June thla lum ber hun an tawng a. France chuan kum 1900 hnu lam a, record chinah June thla a khawlum ber dawttu a tawng mek a, kum 2023 June thla khan tun aiin alum hret a ni. Emergency service te chuan Euprope ah hian ram acres 6,500 vel ramkang hian ahuam niin an tarlang. Greece ah chuan Attica, Crete, bakah Peloponnese leh Aegean islands hmun thenkatah ramkangin aman hlauh avangin, mi tam tak hmun him lamah insawntir an ni a. UK, German, Turkey leh hmun hrang hrangah khawlum a zual hle bawk. Heng khawlum nasa tak te hi UN climate- agency chuan mihring ten kan chenna khawvel kan suasam nasat lutuk vang niin an sawi.
Comments
Post a Comment