Ruihhlo Dap hma, Dap lai, Finfiahna lak dan, Sample lak leh vawn bakah chhuichian hnathawh turte ziahlanna tlang zarh
Tlangzarh inkhawm hi Mizoram State Legal Services Authority-in nimin khan Aijal Club-ah abuatsaih a, Justice Michael Zothankhuma chuan he SoP hi Mizorama dan lova ruihhlo tawlhrukna hmachhawn kawngah apawimawh hle a ni ati.
Justice Nelson Sailo pawhin thusawiin tunlai hian Mizoramah ruihhlo man apung nasaa, ruihhlo mantu enforcement agency-te chuan ruihhlo an man kawngah leh chhuichian kawngah dan an zawm tur a awm ati a. Mizoram State Legal Services Authority-in adin Committee chuan, State hmalam hun ngaihtuah chungin, Enforcement agency-te’n State chhunga ruihhlo tawlhruk dona kawnga kaihhruaina atana hman tur Standard Operating Procedure (SOP) abuatsaih a, he SOP hian thil tum awmze nei tak aneih ngei abeisei tih a sawi a, he SoP-ah hian ruihhlo man leh ruihhlo zuarte man hunah chauh ni lovin, hemi hnu-a zawm tur dan te thlengin a awm a ni ati.
Ruihhlo kaihhnawih man tuma inkaihhruaina dan SoP an siam chhan hi ND&PS Act hnuaia man-te hrem hleihtheih an nih thin loh vang a ni a, hei hi a chhan ni-a lang chu a dan kaihhnawih hriatfuh tawk loh vang-te, danin tihtur ngei ngei a sawite zawm kim loh vangte, chhuichian dan a fuh tawk loh vangte leh a dang te a ni a, hei vang hian pawikhawihtu ni-a rinhlelh-te man, dap leh hnu chhui chungchangah dan zawm kim thlap a ngai a, a kaihhruai nan Standard Operating Procedure mumal siam a ni ta a, ruihhlo Dap hma, Dap lai, Finfiahna lak dan, Sample lak leh vawn bakah chhuichian hnathawh turte ziahlan a ni.
================
Nimin ZPM OB Meeting Resolution pass te
1. Kum 2023 December thlaa ZPM kaihhruai Mizoram Sorkar thar siam a nih atangin, kan ram leh hnam hmasawnna atana S o r k a r hmalakna te hi chhuan awm kan ti.
2. Kut hnathawktute thawhrim na hre renga, ZPM kaihhruai Mizoram Sorkarin a intiam ang ngeia thlai thar hlawhtling taka a lei leh loneitu ten an kutkawih ngei thawhrim rah an seng thei ta te hi kan lawmpui takzet.
3. ZPM kaihhruai Mizoram sorkarin mipuite hriselna dinhmun ngaihtuah a, an hmakhua ngai taka pawisa pek lawk ngai lo (cashless) a damlo enkawlna - Mipui Health Care (Mizoram Universal Health Care Scheme - MUHCS) tha tak a duang chhuak leh hman tangkai mek a nih bakah a hlawhtlin na hmel kan hmu chho zel hi lawmawm kan ti tak zet.
4. Sorkar tha zawk siam a nih theih nana h m a l a k n a hrang hrang - aikal lak tihtawp, office hun vawn dik, mumal taka sorkar hnathawk hlawh leh bill pek chhuah a ni ta te, Sorkar hna lak hrang hrangah party induhsak bikna awm lova Dan anga lak thin a ni ta te hi lawmawm kan ti tak zet.
5. Eirukna lakah kan Minister leh MLA te vawiin thlenga hminghliau an la awm lo leh India rama eirukna tlem lamah Mizoram pahnihna hial kan ni thei hi lawmawm kan ti tak zet an ti bawk.
Academic Session hi Jan- Dec in kal leh ni rawh se - MTF
Nimin khan Mizoram Teachers' Federation (MTF) Synod Confe Centre a hman naah Khuallian School Edn. Minister Dr. Vanlalthlana chuan Academic Session leh Common School Uniform hman mek thlak a tul em tih mipui ngaihdan an lakkhawm thu a tarlang a, Tin, tunlai naupang ten YouTube an en nasat tawh em avangin hei hi a tangkai zawnga hman a nih theih nan Edn Dept chuan an nun kaihruai thei tur youtube a dah turin Cartoon buatsaih mek a nih thu a sawi bawk. Class IX ah Common question hmanga exam kalpui turin ruahmanna siam mek a ni a, Second Term exam, 2025 atanga hman tan tum a nih thu a sawi.
Activity based learning uar lehzuala kalpui turin School a thawktute te a ngen bawk. President: Pu C. Lalremruata MISSTA, 2. Gen. Secretary: Pu JH Vanlalhuma MSTA,3. Treasurer: Dr. Lalengzami MMSHTA te niin, An rorel thu pass zingah -
1. Sorkar enkawl schoola thawktu ten thahnem ngai leh zualin zirtir theuh ni rawh se.
2. Sorkar enkawl School te sorkarin thuam thain ngaihlu lehzual rawh se.
3. Headmaster leh Teacher Selection Grade a kum 10 awm tling tawhte tan Upgradation/Special Grade siam ni rawh se.
4. Academic Session hi Jan- Dec in kal leh ni rawh se.
5. Sorkar School ram tun aia nasa lehzualin humhalh ni rawh se.
6. Sorkar enkawl School a common Uniform hman mek hi schoolin an duh anga kalpui leh ni rawh se.
7. Zirtirtu post ruak tam lutuk hi rang taka sorkarin a hnawhkhat zel rawh se.
8. MTF hian Mizoram pum huapin Ruihhlo dona nei turin hma la rawh se.
9. School Edn Dept. Officer entry grade atana Circle Edn Officer lak hi tihtawp ni tawh rawh se, tiin MTF ah hian Service Assn 11 an awm mek.
Balhla' tharchhuah leh sawngbawl dan zirhona nei
'District khat, thar chhuah chi khat' (One District One Product) hnuaia Lunglei District ODOP thei, 'balhla' tharchhuah leh sawngbawl dan zirhona, 'Training on Post Harvest Management & Value Addition of Banana (ODOP)' chu nimin khan Lunglei District Horticulture Office leh ATMA te tangkawp huaihawtin Lunglei DHO Conference Hall-ah buatsaih a ni.
He zirhona hi hun hnihah then niin, hun khatna chu Lunglei District Horticulture Officer (DHO) Pu Lalthakima'n akaihruai a. ATMA Lunglei Block Technology Manager Pi Zonuntluangi Pachuau chuan hmun dang atranga lakluh ngai lo va, Lunglei District atranga thil tharchhuah leh siamchhuah intodelh tura tranla turin balhla chingtu leh balhla atanga thil siamchhuaktute afuih a. ODOP hnuaia Lunglei District chhunga balhla tharchhuah leh balhla atranga thil siamchhuah tipung tura sawrkar hmalakna chu ahlawhtlin theih nan tihtak zeta bei turin achah bawk.
Krishi Vigyan Kendra (KVK) Lungleia Subject Matter Specialist (Home Science) Pi Zonunkimi Ralte chuan tui zawk leh ahmel lan dan pawh mipuite tana itawm leh lei manhla zawka balhla atranga ei tur siamchhuah dan tur alem (powerpoint presentation) nen tarlangin a zirtir a. Lunglei District Commerce & Industries Office (DCIO) atrangin sawrkar laipui ruahmanna pawimawh tak - PMEGP leh PMFME kaltlanga sumdawngte tana bul tranna leh an sumdawnna tihchangtlun zel nana sum puk (loan lak) theih dan ngaihthlak a ni bawk.
============================
Sawhthing bik atangin Mizoram loneitu tak takte kutah Vbc.120 bawr vel alut tura ngaih (estimate) a ni.- ZPM Thalai.
ZPM Thalai chuan thuchhuah siamin Finance Department RTI chhanna atangin Kum 2008 atanga kum 2023 thlengin MPCC leh MNF-in NLUP leh SEDP ah vbc.4090.66 (NLUP vbc.2896.91 + SEDP vbc.1193.75) an lo hmangral tawh a, heng sum te hi, Mizoram Budget-ah chuan Kut hnathawk tute pual liau liauva dah anih laiin, MPCC leh MNF te hian party member inleichhawnsak nan leh an party worker-te dawmkan-na atan an hmang ber a ni tih hi Mizoram mipuite hmuh leh hriat dan a nih thu an tarlang.
Pu Lalduhoma kaihhruai ZPM Sawrkar chuan kum 2025-2026 Budget Estimate-ah Hand Holding Policy atan cheng vbc.350 dah niin, ZPM Sawrkar chuan a intiam ang ngeiin, party bil sawi lovin, a tharchhuak apiang hnenah Sawhthing, hmarcha, aieng, hmunphiah leh buh hralh kawngah hma a la nghal a, buaipui ngai ber Sawhthing market bikah Support Price atan vawiin thlengin vbc.96.4 a hmang tawh a, Secondary Collection Centre tin-ten Invoice an upload kim hunah chuan Sawhthing bik atangin Mizoram loneitu tak takte kutah vbc.120 bawr vel alut tura ngaih (estimate) a ni. ZPM Sawrkar Policy avanga Mizoram loneitu dik tak ten Rs.50/kg-a sawhthing an hralh thei hi ZPM Thalai chuan sawi hnawm chi-ah an ngai lo tih an sawi.
US President Donald Trump-a 'One Big Beautiful Bill' tia sawi chu US Congress-ah vote 4 in a tlang hram.
President-in a sign hunah dan a ni dawn a, July ni 4, America independence day-ah dan ni turin president hian a sign rin a ni.
He Bill hi USA-a bill ngaihven hlawh tak a ni a, eptute bakah rorellai republican zingah pawh duhlotu an awm a, vote lak hi nasa taka tihkhawtlai a ni a, Democratic minority leader Hakeem Jeffries chuan he bill vote tihkhawtlai nan he bill an duh loh thu darkar kua dawn a sawi a, US house history-a thusawi 'rei ber record a siam nghal a ni.
He billpass a ni te, kar kalta-a Supreme Court thutlukna te leh US-in Iran a,bomb a, inkahhaina awm ta te chu tunhnaia Trump-a hlawhtlinna langsar an ni a, He Bill pass tak hi thawhlehni khan senate-ah pass alo ni tawh a ni.
US funding tih tawp vangin mi mtd 14 in thih phah thei dawn.
US president Donald Trumpa'n ram danga chhawmdawlna an pek thin zinga a tam zawk a tih tawp tak avangin kum 2030-ah mi mtd 14 velin an thih belh phah thei dawn niin The Lancet medical journal-in zirchianna a neihah a tarlang. Heng zinga hmun thuma thena hmun khat chu naupang an ni tih a tarlang bawk. President Trump hian US-in ram hrang hranga chhawmdawlna a pek thin zinga 80% vel a ti tawp a ni.
Funding tih tawp hma hian U.S. Agency for International Development (USAID) chuan chhawmdawlna hna thawhna atana khawvela huapa sum hman thin atanga 40% chuang a tum thin. Ram 133-a chhawmdawlna pek a nih dan data an zirchian naah, reseacher-te chuan kum 2001-2021 inkar khan US puihna avang hian ram thang mek, developing country-ah mi mtd 91 vel nunna chhanhim a nih theih phah niin an sawi. US-in foreign funding tam zawk an tih tawp tur thu a puan hnu hian Germany, UK leh France pawhin an fund pek hi tih tlem an tum thu an puang zui ve bawk.
Comments
Post a Comment