Nimin khan Mizo Hnam Run chhung inkhawm naah Leader of Opposition Pu Lalchhandama Ralte chuan kumin Independentday-a Chief Minister thusawi dik lo hrang hrang a sawi naah, I-Day heti zat kan hman tawhah CM-ten kalphung awmsa hmangin - Inlawmna te, hnam pasaltha zahna te, state hmasawn na te, chona hmachhawp te, future vision te, inpumkhatna leh tanrualna thute an sawi thin a.
Kan CM thusawi dan kha a dangdai hle a, keimah ngeiin ka buatsaih a tihte hi a dik em? Zawhna lian tak a awm a ni, a ti. Pu Duhoma’n leiba Rs 13,584.80 Crore neiin bul kan tan, tia a sawi kha ZPM sorkar hma kum 2023-24 BE figure a ni. RE-ah Rs 12,709.29 Crore a ni zawk (hei hi GSDP atangin 32.29% a ni). Finance Commission 15-nain leiba neih a phal chin bituk (33.1%) aiin a hniam.
Kum 2024-25-a ZPM Sorkar Budget pharh hmasa berah leiba zat chu Rs 14,034.76 Crore a ni - RE-ah 38.32% of GSDP a ni. Hei hi FC 15-nain leiba neih a phal chin (32.8%) a khum hial zawk a ni, a ti. Contract hna Departmental Works thawh leh Restricted Tender chungchangah pawh hmanni lawka blanket approval Rs 629.17 Crore an pekte kha kan ti ve lo ang titute hian sum bawm an zen nasa fe zawk tih a ti chiang hle a.
CM hian PMJVK, TaxFinance, District Council, CSR zawng zawng a hnuaiah a lakhawm vek a. Minister/MLAte tan tlawn loh theih lohin a inhung tawh a, tunah chuan Super CM a ni mek tawh a ni, a ti bawk Corruption do dan kal phung thar sawiin Chhantea chuan, an sorkar atanga ni 15 chhungin CBI consent an pe a. Mahsela, thla 6 hnu lekah CBI consent hi an sut leh nghal a. CBI consent an sut leh thu hi kan CM hian a sawi duh miah lo a ti.
I-Day-ah khan kawng chhia sawi a hnekin, Central-in an mi duh tak NHIDCL Exe. Director min rawn pe a, a lawmawm hle. Tin, NHIDCL managing Directorin Delhi-ah min rawn hmu a tihte hi a mak a, ram mipui hmaa sawi tham a ni lo, a ti.
Corruption do dan kalphung thar sawiin Chhantea chuan, an sorkar atanga ni 15 chhungin CBI consent an pe a. Mahsela, thla 6 hnu lekah CBI consent hi an sut leh nghal a. CBI consent an sut leh thu hi kan CM hian a sawi duh miah lo a ti.
NH 302 - Tlabung atanga Demagiri chu NHIDCL kutah hlan a ni ang, a tihte hi Demagiri hi Tlabung tho, Tlabung hming hlui a ni,” a ti bawk.
Comments
Post a Comment