BCM HQRS LEADER TEN AN PARTNER HRUAITUTE TE INPAWLHONA A NEIH PUI

 BCM LEADERS TEN  AN PARTNER HRUAITUTE  INPAWLHONA AN NEIH PUI. 

Lunglei 19.2.2025 : Nimin ni 18.2.25 khan  Baptist Church of Mizoram (BCM ) Hqrs hruaitute chuan   rawngbawlna kawnga peng hrang hranga an thawhpui (an partner) Mizoram hmun hrang hranga mi te kokhawmin  Sap Upa leh Pu Buanga Hall-ah Inpawlhona  hlimawm tak an hmanpuia , he hun hi Rev R Lalbiakliana chuan kaihruaiin a rawngbawlpui peng aiawh an  sawmte te chu, The Leprosy Mission,. Mizoram Students Evangelical Union, The Bible Society of India,  Foundation for Drugs Free Mizoram, NEXGEN Organisation, Prem India Mission, Friends of Odhisha, Union Evangelical Students of India, International Evangelical of India Ministries, Gospel Trumpet te an ni a, 

An partners hrang hrang  atang te hian an hma lo lak tawh dan te sawi tir an ni a, chumi hnuah BCM te nena thawho zel dan tura an duh dan te an sawi a , hemi bakah rawngbawl leh zelna tura hmachhawp an neihte sawiin tha taka thawh hona tur an sawi ho zui a ni. BCM Hqrs hruaitute hian Assembly level anga an thawhpui  te tarlangin hetiang ni kher lova  partner anga an thawhpui te chu huntiam an neih anga thawhpui zel an duh thu an sawi a, vawina kal khawmte hi Aizawl a headquarters nei atanga lokal te leh Lungleia awm te an ni hlawm a, pawl hrang hrang atangin member 2 te an kalkhawm a ni, an hun hman chu he huna lokal te chuan hlawk thlak an ti hle a ni. Vawiina an hun hmanah hian BCM GS bakah AGS 2 leh Dept. hrang hranga Director zawng zawngte an tel bawk a ni.

HMUNPHIAH LEI TUR LEH SAWITHING  HRALHNA TUR A FEL THU CHIEF MINISTERIN  IN A SAWI

ZPM Legislature Party nimina Chief Minister Pu Lalduhoma kaihhruaia thukhawm chuan sawhthing chingtuten an thar ang ang te a bo a bang awm lovin an hralh vek ang an ti a.

Pu Lalduhoma chuan kuthnathawktuten sawhthing an hralhna tur ruahmanna fel tak siam a nih tawh thu a tar lang a, Secondary collection centre 62 atanga sawhthing hralh tur a nih thu sawiin, a ruala chawh vek a rem loh chang a awm a nih pawhin, mipuiten ruahmantute thu lo ngaichang thiam tura a duh thu a sawi bawk.

Hmunphiah hralh mek a nih thu sawi lang bawkin, Chief minister chuan, Empanelled buyer ten Hmunphiah Grade ‘A’ duh khawp lei tur an hmuh loh Chhan en zui mek a ni a, Hmunphiah hralh thei lo an awm a nih chuan sawrkarin march thla chhungin a lei sak vek ang a ti bawk.

VAWIINAH MIZORAM ASSEMBLY SESSION NEIH A NI ANG.

 9th Legislative Assembly of the State of Mizoram atana session vawi lina, budget session bik tum hnihna chu vawiin (19.2.2025) chawhma dar 10:30 hian Assembly House-ah tan a ni dawn a, March 20, 2025 thleng a awh ang.

Assembly Budget Session tan ni hian Governor Gen. VK Singh hi chuan thu a sawi ang a, a thusawia lawmthu sawina motion chu February 21, 2025 ah sawiho a ni ang. Finance enkawltu Chief Minister Lalduhoma chuan March 4, 2025-ah kum 2025-2026 atana Mizoram budget tura ruahman a pharh dawn.

Tun tum Assembly Session atan hian hriat theih chinah sorkar bill pali a lut a, House chhunga chhan chi (starred question) 817 leh ziaka chhan chi (un-starred question) 94 a lut a ni.

Bill lutte chu - The Mizoram Urban & Regional Development Bill, 2025, The Mizoram Goods & Services Tax (First Amendment Bill, 2025, The Mizoram Private Placement Agencies (Regulations) Bill, 2025 leh The Mizoram University Bill, 2025-te a ni.