"Vawiin school tan ni ah Sorkar School thenkhat chu naupang lo banpui mai te pawh an awm laiin Private Sikul te chuan pangngai takin zirtirna pe in hun an hmang"
- D.E.O Lunglei
DEO Pi K. Lalrintluangi chuan Sorkar Sikul thenkhat chu Admission la ti chawp chauh te an niin thenkhat chu naupang lo banpui mai te pawh an awm tih sawiin hetihlai hian Private Sikul a tlawh te chuan pangngai takin zirtirna pe in hun an hmang a ni a ti.
DEO, SDEO(N & S) ten vawiin a School an tlawh a, zirtirtu leh naupang Enrolment dinhmun hetiang hi a ni.
1. Govt Model P/S, Lunglawn: Zirlai-30, Teacher: NA
2. Govt P/S Luangmual : Student: 7, Teacher: 6
3. Govt M/S Luangmual : Student 11, Teacher: 7
4. 2nd Bn MAP School(Pvt): Student: 199, Teacher: 18
5.Govt M/S Sethlun : Student: 20, Teacher: 8
6. Govt P/ Sethlun : Student: 28, Teacher: 6
7. Govt M/S Lunglawn : Student: 41, Teacher: 12
8.Govt Liantawna H/S Lunglawn: Student: 16+, Teachehr: 6
9.FLKM(Private): Student: 300, Teacher: NA
10. Bethesda HSS: Student: 130, Teacher: 15
11. Govt M/S-I Rahsiveng : Student: 13, Teacher: 12
12. Govt M/S-II Rahsiveng : Student: 33, Teacher: 11
13. Govt P/S-II Rahsiveng : Student : 41, Teacher: 10
14. Govt Garden P/S Rahsiveng: Student: 41, Teacher: 7
15. Govt. Rahsiveng H/S: Student: 22, Teacher: 7
16. Loroto School(Pvt): Student: 581, Teacher: 33
17. Govt Zohnuai P/S: Student: 45, Teacher: 5
18. Govt Zohnuai M/S: Student: 39, Teacher: 7
19. Govt Lemonvale P/S, Serkawn: Student: 26, Teacher: 5
###############################################
TENDER
Kum 2025 April to 2026 March chhung atan Govt J.Buana College Lunglei Bazar veng Canteen nghaktu tur duh a ni.
Nghak duh chuan 14th April ,2025 hma in a hnuai a hming ziak hnen ah dilna theh luh theih a ni.
Sd/-PC Lalliansangi
Chairman
Canteen Commitee
Govt J Buana college, Lunglei
Ph: 9436147088,8730924992
#################################################
"Kum 40 chhung zet thusawi lo thiam tawh Pu Lalduhoma hi a dangnalah a tawlhthlu ta mai em ni?- MNF Sub Hqrs President
PRESS RELEASE NO 23 OF 2024-25.
Lunglei 7.4.2025 : Pu Vanlalhmuaka President MNF Sub Hqrs Lunglei chuan thusawiin "Kum 40 chhung zet thusawi lo thiam tawh Pu Lalduhoma hi a dangnalah a tawlhthlu ta mai em ni? MNF sawrkar rochung cheng vbc 150 a vbc 110 chu D-A-H, dah ti si in, thlai thar lei nan an hman kan hre reng reng lova, Health care-a an dah cheng vbc 40 pawh an hman kan hre reng reng lo. Chief Minister ni mek hian financial management thiam a intih em avangin Finance Department a chang chat a. Mahse, an sawrkar Kumkhat leh a chanve chhung hian nikum 2024,April thla chiah khan pawisa an puk loh thla a ni.
ZPM sawrkar lo lan hma khan Khawbel, Sialhawk leh a chhehvel khuaah te chuan Sawhthing kha Kg-ah ₹ 100.00 chuang te a nih hman tawh laiin vawiinah erawh kuthnathawktute sawhthing chu ramah a la mu vek a ni ber mai a. Tawngkam thiam ringawt hian sumah a chantir thei si lo hi, kuthnathawktute tan a vanduaithlak takzet a ni. SCC atanga a hming chauh, chauh thubarawha tlem tlem an lei ve lah chu, engemawzat a man an la bat sak zui leh nghal.
Tawngkam thiamna ringawt hian ram ropui min thlen loh zia chu kan hmu mek a nih hi. Hmunphiah, Aieng, Sawhthing thar tam a piangte lungngaihna ruamah he sawrkar hian a hruai lut mek hi a pawi tak zet a ni. He sawrkar hian thiam tak a zu in turin min fuih leh mek a. Thiam tak a zu in reng te hi, zu avangin an thi tho tho tih hi an haider emaw ni? An zu control tum dan lah an phal zau em em a. whisky, beer leh adangte siam chhuak thei a piangte siam an phal hi a ni ta ber a. Mizo, Hnam tlemte te pawisa it a, zu in tur a min khalh leh ta mek hi mipuiten uluk leh chik takin ngaihtuah nawn ila.
Tax chitin tipung a, mipui min sawrfu tawh hnu hmanah Zu chhiah it avanga Kohhran leh NGO te phurrit siam zawng a hmalakna hi MNF chuan kan duh lo tak zet a ni tih hi ka sawi duh. ZPM MLA ten Vai pakhat, Hnam thuam hlutna tibawrhbang emaw tihtur a an buaipui luih luih kha a demawm tak zet a ni. He sawrkar hi thiam takin inthlanpui hmasa berah an tla dawn. Financial management an thiamnate, thusawi an thiamna te hi an tlakpui dawn. An party chhungah na takin inten tawnna hripuiin a man chho mek tih hi I hre thar ang u" a ti.
Vawiin chawhma dar 11:00 tho khan Mizo Hnam Run Lungleiah chhung inkhawm leh Political Session hun hman leh a ni a. Chairman Pu Peter Kaphranga Adviser MNF Sub Hqrs Lunglei kaihhruaiah Pu Vanlalhmuaka chuan thusawiin, kan zawn ZPM sawrkar hi kan zawn fuh loh zia nitinin kan hrechhuak thar zel a. Inthlanpui hmasa berah tlak bakin an awm mek a. Congress lahin, achi chhuah MLA pakhat an nei ve chauh a. An hmunpui Delhi UT inthlan ah lah a zawnin vawi engemawzat an tla tawh a.
Tunah phei chuan MLA pakhat pawh an nei lo a ni. MNF te hi ram mipui rawngbawl sak leh turin kan inbuatsaih leh mek a. Kan ram, kan Hnam himna atan rorelna a rang thei ang ber a, kan chelh leh angai tih hi I hre thar leh ang u. Ram pumah kan President Pu Rama lo ropui, thinnel, zaidam, hmathlir thui zia, mithiamte leh thalai, nu leh paten an hmu-in an hre thar chho leh mek hi kan vanneihna tur a ni tih hi I pawm hmak ila. Unit/group/block leh Sub Hqrs/ general Hqrs te mahni awm hmunah theuh thahnemngai takin I thawk ang u. Inpumkhatna tha kan neih chhoh mek hi vawnghim ila. Kan sawrkar lai a kan lo tihdik tawk lohte insiam tha in Pathian leh kan ram tan sawrkar mipui innghahna tlak kan hmaah awm hi a neitu ni turin hmalam I pan zel ang u, a ti bawk.
Vawiinah Mizo Hnam Run Lunglei a chhung inkhawm ah hian Lalbiaklawma Secretary pawhin political session ah party worker leh party mipuite hriat awm leh hmalakna tur a sawi ve bawk.
'Pathian leh kan ram tan'
Sd/- H. Lalrintluanga, General Secretary, Infomation & Publicity Department.
Memo No. MNF/SHQ(L)/Info/2024-25/6/23. Dt. 7.4.2025
ZORAM PEOPLE’S MOVEMENT
Southern Headquarters : Lunglei - 796701. Mizoram.
Motto : Kalphung thar, Mipui sorkar.
No. ZPM-02/ZPM/SL/MEDIA/2024-26/29
PRESS RELEASE No. 29 OF 2024-2026.
* Aizawl - Thenzawl - Lunglei (ATL) ROAD HI ZPM SOUTHERN HQRS ANGA KA MAWHPHURHNA ANIH ANGIN KAN SORKAR HIAN KAN SIAM DAWNLO ANIH CHUAN MLA ATANG A CHAWLH HI KA HREHLO TIH LUNGLEI LEH CHHIM MIPUITE’N MIN HRIATPUI KA DUH A NI.*
T. Lalhlimpuia MLA, Lunglei West A/C
Dated Lunglei: the 7th April 2025 (Thawhtanni) :- Vawiin chawhma dar 11:00Am khan ZPM Southern Hqrs Lunglei chuan Chhung Inkhawm Party Office Venglai Lungleiah hun hmangin, Pu Neihchungnunga Adviser, ZPM Southern Hqrs Lungleichuan kaihruai in, Political session hunah Pu T. Lalhlimpuia MLA, Lunglei West A/C chuan Lunglei mipuite vei ATL Road chungchanga hmalakna leh Sorkarin ruahmanna a siam te a sawina hun a hmang.
Pu Mahlima MLA chuan ZPM Southern Hqrs Lungleiin ATL Road chungchang a hma la tura a ruatna angin theih tawp chhuaha hma a lak thu a sawi a, “ZPM Party ang pawhin kawng siamna tur hi min vei pui em em a, a bik takin Kan CM leh PWD Minister leh PWD a kan Officers te leh Party hruaitute hian min veipui em em a, ATL Road bik hi a bilha tho tawhlo anih avangin ruahmanna mumal tak awm ngaiin ka hria a, sorkar hmasa te pawhin an hlawhchham tawhna ani” a ti a, “chuvangin fimkhur takin plan mumal tak neia kal a tul kan ti a, Political issue ah chantir loh theih lohin thu a tam thin hle a ni” tiin Pu Mahlima chuan mithiam leh PWD lama kan hotute nen vawi tam tak an sawi ho tih sawiin, “Hmuifang Division-a pawisa tang pung awm chu, Lunglei divisionah hman a nih theih nan kan hotute hnenah ka thlen a ni,” a ti bawk.
Lunglei West Bialtu MLA chuan Rs 90.69 Crores hi Lunglei division pawisa vek anih loh thu a sawi a, Contractor Bhagheeratha Engineering Ltd. (BEL) Security leh a pung anih thu sawiin, “Aizawl khawchhung kawng siam that nan Rs 44.80 Crores dah ani thung a, ATL Road siam chhunzawm zelna tur hi Sorkarin a ngaihtuah zel dawn a, Lunglei mipui thlaphanglo tur leh estimate siam a, a bak hna zawm theih ang ang zawm zel tur a nih thu Chief Minister chuan a sawi” tiin Pu Mahlima chuan a sawi bawk.
‘Lunglei Division a hman anih theih nan Estimate Committee lam thlengin hma a lak thu a sawi a,’ “ vawi leh khata Black Top pawp a, rulngan pa ang zara dum tih kha he kawngpui damna hi anilo tih hriat anih avangin nakin lawkah a chhe leh mai dawn a, a tuartute chu keini Lunglei leh chhim mipui te kan ni” tiin Lunglei Division bik hi a chhiat chhan hi hriatthiam a har hle a, tunah hian PWD lam chuan an hna hmasa atan Central Road Research Institute (CRRI) ten kawng hnuai scientific research nei turin Central-ah ngen ani a, reiloteah kan hrechiang thei turah ngaih a ni tiin, “He kawng hi haw haw chiam a, innawr chiam chiam a, a hunlaia Lunglei mipui demand a sosan avanga siam anih thin avangin hmanhmawh taka siam ani zelin a lang a, chuvangin tun tuma kawng kan siam turah hian Lunglei mipui te tuarchhel in space min pe ula kan duh hle a, hna thawk thei turin leh rinna kan chunga nghat ngam turin Lunglei mipui leh Chhim lam mipuite ka ngen che u a ni,” Pu Mahlima MLA chuan a ti.
ATL Road repair work hi Firm leh Company engemaw zatin an thawk tawh a, he kawng hnathawktu hrang hrang te a kawm tih Pu Mahlima chuan sawiin, ATL Road contract hnathawh hi hrehawm an lo ti tlang hle ani a ti a, chuvangin contractor pawh hi tlawmngaia lo in ngen te pawh an nei nawk tawh thin ani awm e tiin Tuna Sekhum daia Sorkar hmasa-in contract a pek LMC inthlan dawn a kan Chief Minister kalta khan kal paha order a rawn pek phei kha tuna thawk mek Pu Zoremtluanga pawh hian vawi tam tak terminate turin ka hnenah min ngen a, mahse tlawmngai turin kan inthlem ngat ngat a ni, Pu Mahlima chuan a ti.
Pu Mahlima MLA chuan tun tumah hian First phase atan Pukpui-Mausen-Haulawng siam turin kan inbuatsaih mek a, tha taka siam kan duh avangin a estimate amount pawh a te lo hle a, MLA pui te Lunglei mi nilo tan pawh thik tham a ni tawh a, hemi rual hian he kawng tha siam tura kan beisei leh mitthla hi tum khatah reilote chhung emaw traffic dang lo-a siam thei bik tur chuan ZPM sorkar hi min ngai lo sela ka duh hleani tiin, hna mumal tak a kan tan chuan he kawng hi khar a ngai fo dawn a, Dawn kawng Zobawk lamah pawh kan kal a ngai dawn a, kawng tha kan duh chuan tuar kan huam ve a tul dawn avangin Lunglei mipui leh he kawng hmang tute ka ngen nghal ani tiin, ATL Road kawng hi sorkar zai ngai tak maia kalpui hi a hun tawhin ka hria a ti bawk.
Lunglei ah hian Lunglei tana mi thahnem ngai, Lunglei tana au ngam kan la nei tih ka hria, FB leh WhatsApp Group hrang hrangah, kawngtha duh, mi thahnem ngai, mi huaisen chhim Pa, Leitlangpui Pa kan la awm hian thla a ti muang hle a, Politics taka thil lak thin anih avangin hetiang hi kan thleng ta a, ATL road hi ZPM Southern Hqrs anga ka mawhphurhna anih angin kan sorkar hian kan siam dawn lo anih chuan MLA atanga chawlh hi ka hrehlo tih Lunglei leh chhim mipui ten min hriatpui ka duh a ni. Lunglei Pa ka ni a, Lunglei tan chuan ka theihna zawng zawng hi ka hmang dawn a ni Pu Mahlima MLA chuan tiin, Vawinah hian Pathian rinchhan in he thu hi ka sawi a, ka tawngtaina ani bawk tiin a sawi a ni.
He hunah hian Lunglei South bialtu MLA Pu Lalramliana Papuia pawhin thusawi in Party mipui chhung inkhawm an kal tha hle a ni.
Sd/- (C. LALRAMROPUIA)
Secretary, Media, Information & Publicity, ZPM Southern Hqrs, Lunglei
Dated Lunglei: the 7th April 2025 (Thawhtanni).
PWD Hnahthial Division chuan Minister hnenah hian an mamawh te thlenin EE Office hawn a ni a, office building an la neih loh thu te, staff quarter an mamawh thu te leh thawktute indaih lohna phuhruk sak turin an ngen a. Hnathawhna tur office equipment hrang hrang bakah kawng siamna atana pawimawh JCB, truck, spot mix khawl an neih loh thu te thlenin tihhlawhtlinsak ngei turin an ngen a ni.
PWD Minister hi PWD Engineer-in-Chief leh a thawhpui ten an zui a. Zaninah Siaha ah an riak ang a, naktuk-ah Lawngtlai, Tlabung, Chawngte bakah Lunglei an tlawh chhunzawm leh dawn a ni.
No comments:
Post a Comment