Vawiin 25.8.2025 khan 40th National Eye Donation Forthnight Programme, Health Worker Training School, Kulikawna neih chu Dr. Lily Chhakchhuak, Mission Director, National Health Mission, Health & Family Welfare Department in khuallian niin a hmanpui.
He programme hi Dr. Lalnuntluangi Khiangte, State Programme Office, NPCB&VI in kaihruaiin kalkhawm te lawmna thu a sawi a. Khuallian Dr. Lily Chhakchhuak chuan Mizoram-ah July ni 31, 2008-ah Civil hospital, Aizawlah Eye Bank hawn niin September ni 25, 2009-ah Eye Donation hmangin Civil Hospitala mit Doctor leh Sri Sankaradeva Nethralaya, Guwahati bakah Eye Care Hospital te nena tangkawpin a hmasa ber atan Corneal Transplant (Mit thlak) tih a nih thu a sawi a. Mizoram Eye Bank hi Eye Bank Association of India member niin Transplantation of Human Organ Act, 2011 hnuaiah regiater thlap a nih thu a sawi a ni.
Tun thlengin Mizoramah Mit pe (Eye Donate) tura intiam tawh mi 9231 awmin Mit thlak ngai in register Mi 391 an awm tawh a. Mit thlak sak tawh zawng zawng hi mi 593 an awm tawh thu Dr Lily Chhakchhuak hian a sawi. Hengte hi Civil Hospital, Aizawl, Sri Sankaradeva Nethralaya, Guwahati, Eye Care Hospital, Aizawl leh Synod Hospital-ah te tih a nih thu a sawi.
Kalkhawm te leh Mizo mipuite chu midangten khua an hmuh theihna tura thih hma emaw thih hnu emaw a Mit donate uar sauh sauh turin khuallian hian a chah a. Mit pek chungchanga hriattur pawimawh hrang hrang te sawiin mi tupawhin Mit a pek theih a, mi a thih atanga Darkar 6 chhunga lak tur a nih thu leh Mit pe tura in register tawh ten chhungte hnena hrilhhriat a tul thu te, Mit pe duh emaw, pek ngai in register duh te tan 24X7 a Toll Free No. 9436354701 emaw 03892324564 ah biak theih reng an nih thu a sawi bawk. India ram state zawng zawng Eye Donation lam endikna-ah a ti tha zual 15 zingah Mizoram chu kan tel ve thu sawiin thawktu zawng zawng te thawhrimna-ah lawmthu a sawi bawk.
Mimi Zodinthari, Eye Donation Counsellor, Mizoram Eye Bank, Civil Hospital Aizawl in technical report pein Eye Donation pawimawhna te, Eye Donate dan leh Donate thei te a sawifiah bawk.
Vawiin 40th National Eye Donation Forthnight programme hmanna-ah hian Health Department Official engemaw zat bakah Health Worker zirlaite leh Mit Donate tu chhungte engemaw zat an tel a. Eye Donor chhungte hnenah Chawimawina Cetificate hlan an ni a, Health Worker zirlai 42 ten an thih hnua midangten khua an hmuh theihna turin an Mit pek an intiam bawk.
National Eye Donation Forthnight hi kum tin 25th August atanga 8th September chhungin hman thin a ni
No comments:
Post a Comment