Ngaitei thattu ni ngeia hriat Lunglei Police ten an man ta

 

PRESS HANDOUT

Dt.31.12.2025 Dar 09:30 PM khan Telephone hmangin Lunglei Police Station ah Bazarveng, Lunglei a ruang hmuh thu report dawn ani a, Report dawn anih velah Lunglei Police te chuan thil thlenna hmun hi an pan nghal a, a hmun ah hian tih tur pawimawh leh tul ang ang teb5ih nghal ani. Ruang hi chhuatah lo tlu in a lu lam hi thutphah sei ah alo innghat a, Ruang hi K.Vanlalngaii (78) w/o Lawmthanga (L) of Bazar Veng ani tih finfiah nghal ani bawk. Pi..Vanlalngaii hi Bazar veng, Anganwadi Centre hnuai luahin amah chauh a khawsa a ni.

Inquest hi dan ang taka neih anih hnuah Forensic team te pawh a hmunah koh an ni bawk.

K.Vanlalngaii thihna chungchangah hian mi kut tuar ni ngei a hriat a nih avangin evidence awm thei ang te dap a chhui ani. Pawikhawihtu hian hnuhma engmah hnutchhiah a nei mumal lo a, Special Investigation Team (SIT) din nghalin hnuchhui harsa tak karah kawng hrang

hrang atangin theihtawp chhuaha chhui zui anih hnuah Dt. 01.01.2026 zan dar 09:00 PM khan pawi khawihtu ni a hriat Johney Rosangliana(41) s/o J.Vanlalchhunga of Bazar Veng, Lunglei chu man a ni a; theitawpa thu zawhfiah ani hnuin ama thil tihsual ani thu Police hmaah a inpuang ta a ni. Eveidence awm thei ang ang te lak khawm mek a ni. Pawikhawihtu ni a rinhlelh hi Dt.02.01.2026 hian Court ah thawn nghal a ni.

Issued by The Superintendent of Police, Lunglei District, Lunglei.