ILP Guidelines siam that thar te.

( Dahthat hmak chi a ni e. - ZUNZAM )

HRIATTIRNA

(No.D.32017/4-B/2025/DC(L) dated 21st August 2026)

Mizoram Sawrkar Home Department lehkha No.M-32014/1/2025-HM(ILP) dated 10.06.2026-in a tar lan angin Inner Line Permit (ILP) Guidelines chu siam ṭhat ngai laite a siam ṭha a. A hnuaia tar lan ang hian siam that a ni.

1. Temporary ILP dam hun chhung (validity) hi Temporary ILP siam a nih ni aṭangin ni 15 thleng a ni ang.

2. Khualzinte (Tourist) puala hman tur ILP dan thar siam a ni a, ni 30 chhung a dam ang a, renew theih a ni lo vang. A la cham zel dawn a nih chuan thla 6 (6 Months) atan regular ILP a dil ang a, a ram mi ngei (indigenous person)-in a sponsor ang.

3. Local Council leh Village Council te'n ILP sponsor-tu mi mal chenna hmun finfiahna chu Form C hmangin an pe tur a ni. He hriattirnaah hian a pek chhuah ni leh hmun hming a chuang tel ngei tur a ni.

4. Local Council leh Village Council te'n ILP diltu leh sponsor-tute chhinchhiahna chipchiar chu Form F hmangin an vawng fel thlap tur a ni.

5. Local Council leh Village Council te'n an mahni area-a ILP check chungchangah thuneitute thu ngaichangin, a ṭul angin an lo pui ṭhin ang.

6. ILP dan bawhchhiate hrem theihna heti ang hi a ni:

(a) Dan bawhchhiat vawi khatna (First Violator): Temporary ILP, Regular ILP, Tourist ILP leh ILP Exemption nei lo emaw, ILP thih tawh hnua a dam hun chhung pawt sei lova la awmte chu ILP dan bawhchhia an ni ang. Heti anga dan bawhchhiate chu thuneitu (Issuing Authority)-te'n an ILP nih phung azirin, a hun hman ral ni aṭanga chhutin a hnuaia tar lan ang hian pawisa an chawitir ang:

1. ILP nei lo: ₹1,000/-

2. Temporary ILP: ₹250/-

3. Tourist ILP: ₹150/-

4. Regular: ₹200/- 

5. Kum hnih (2 years) daih ILP kawl: ₹300/-

(b) Dan bawhchhiat vawi hnihna (Second Violator): ILP dan vawi hnih bawhchhetute chungah ILP thuneitu lam chuan dan an bawhchhiat dan azirin, a hun hman ral ni aṭanga chhutin a hnuaia tar lan ang hian pawisa an chawitir ang:

1. Temporary ILP: ₹350/-

2. Tourist ILP: ₹250/-

3. Regular ILP: ₹300/-

4. Kum hnih (2 years) daih ILP: ₹400/-

(c) Dan bawhchhiat vawi thumna (Third Violator): ILP dan vawi thum bawhchhetute chu Bengal Eastern Frontier Regulation, 1873 leh he inkaihhruaina (Guidelines) tar lan ang hian thubuai siamsak an ni ang.

7. ILP Security Deposit la chhuak turte chuan Pass thih aṭanga ni 90 chhungin Security Deposit hi lak chhuah tur a ni. Hun tiam chhunga an lak let loh chuan, he pawisa hi sawrkarin a hren hlensak tawh ang.

Sd/- NAVNEET MANN, IAS

Deputy Commissioner

Lunglei District, Mizoram