LMC Vice Chairman Pu K Lalrinawma leh BCM Assembly 2025 Dawl Central Committee BCM Chanmari ten inkawmna an nei

Lunglei 21.2.25 : LMC Vice Chairman Pu K Lalrinawma leh BCM Assembly 2025 Dawl  Central Committee BCM Chanmari ten inkawmna an nei.

Vawiin ni 21st February, 2025 (Zirtawp ni) khan LMC Vice Chairman Pu K. Lalrinawma leh Central Committee BCM Chanmari Assembly 2025 ten inkawmna LMC Vice Chairman Office Chamber ah an nei a, hetah hian BCM Assembly 2025 5th - 9th March 2025 , BCM Chanmari in a dawl tur chungchang ah thawhhona awm thei turte sawi hona neih a ni. Inkawmhona ah hian Assembly 2025 Dawl  Central Committee atangin  Upa Lalrosangliana , Upa F. Lalsawmliana , Upa R. Ramngena  Kohhran Secretary, BCM Chanmari  te bak ah Central Committee hnuaia  Sub. Committee hruaitute an tel bawk a ni. An thusawi zingah  Assembly neih chhunga bawlhhlawh sawngbawl dan tur chungchangte sawiin, LMC lam atanga Bawlhhlawh bawm leh a paih na tur motor ngaihtuah dan tur te an sawiho a. motor parking felfai tak a awm theih nan sawihona te neih a ni bawk a, BCM Assembly 2025 pual hian vengchhung pawh fai taka enkawla hmalak mek a nih thu Pu K. Lalrinawma chuan a sawi a. BCM Assembly 2025 pual hian Pi Lalrinpuii Bialtu MLA chuan theihtawp chhuahin Chanmari main road a retaining wall te tihfai leh rawnghnawih tir in hma a la mek thu a sawi bawk a ni. Central Committee hnuaiah hian sub Committee 9 an awm a ni.