Lunglei 10/3/2025: BCM rorelna sang ber Assembly, Chanmari Biakin Lunglei a neih zawh taka an rorel lamngsar zualte
Mizoram People Forum(MPF) zawm rih loh nise an ti a, Council of Churches in Mizoram (CCM) a din tak avangin MKHC-ah pawh CCM Executive Comtt rawt na angin tel chhunzawm tawh lo mai ni se an ti.
Mizoram Kohhrante Inpumkhatna Joint Committee hmalaknaa Council of Churches in Mizoram (CCM) October 27, 2024-a hawn tak chu fulltime-a thawktute neiin office pawh hawn anih bawk avangin CCM hi kohhran mipuiteah nghet lehzuala a intuh theih nan member kohhran 9-te hian a inang tlangin Special Sunday (October Pathianni hnuhnung ber) hman ni se tih chu Assembly in a pawm.
Mizo tawng hman dik leh Mizo tawng hman uar kawng a BCM pumpui huapa hmalak rawtna pawm a ni a, hemi ang hian Ni 15th March hian BCM Hall Serkawnah hun hman a ni ang.
BCM Pastor pension tawh te Political Party-ah thuk taka inhnamhnawih lo tur a ngen nise tih erawh pass a ni lo. Hetihlai hian agend-ah chuan Mizorama Pol.party hrang hrang te kalphung leh inrelbawl dan en hian Ram leh hnam siamthat tum a din lehinenkawl ni a a n sawi lai hian mipui beisei leh duh dan erawh an pha lo vek niin a lang an ti.
Mizo te kan punchak loh avangin Fa nei tam tur a inzirtir nise tih a ni a, kan ram a ruihhlo leh HIV/AIDS, eirukna leh khawtlang sualna hrang hrang do turin tualchhung kohhran tinah a dotu Committee din tur a ngen nise tih te a tel.
Sap upa leh Pu Buanga te Mizorama an lo thlen ni March ni 8 chu Kohhran ten Hlung zawk a hman nise tih chu pawm a ni.
Pastor leh Medical/Dental Doctor-te superannuation pension hun kum 65 hman lai kum 63-a tih hniam rawtna chu Assembly in a ngaia kal rih ni se a ti.
Champhaia BCM Guest House sak rawtna chu a rem ti.
KNP ten Mission rilru an put theih nan leh Mission rawngbawlnaah an tel theihna tura kawng ruahman rawtna chu tihhlawhtlin turin a pawm.
Hetihlai hian nimin Pathianni inkhawmah Pro Pastor mi 5 chu Pastor puitling atan nemngheh an ni.
Budget -ah Rs 13,274.56 Lakh pawm a ni a, a hmuhna tur hi Kohhran thawhlawm atangin Rs 9127.93 lakh leh Kohhran Deptt hrang hrang thawhchhuah turRs 4,146.63 Lakh niin a punna hi Rs Nuai 707 . 93 a ni a, 5.63% a ni. December 2024 Mas dawn khan Charity-ah Rs 10,50,000/-(Nuai 10, sing 5) sem chhuah a ni.
Pi Zomawii (Ms JT Smith) Mizorama BMS Missionary chatuan ram pan ta chuan a ro Pound 10000(Rs Nuai 11 vel chu) Christian Hospital Serkawn te a khawm tir a,Pu Bualhranga te chhungkua Aizawl pawhin School of Nursing Boys Hostel sak nan Rs Nuai 20 an pek thu leh March 2025 hian hawn tum a nih thu a tarlang. Rorelah hian Motor thar chi hrang hrang 10 lei nan Rs 79,50,000/- pawmin Motor hmanlai 8 hralh tur a ni.
BCM Assembly hi ni zan khan a thlengtu Kohhran ten palai te haw tur ui tak leh hlim takin an thlah hlawm a ni.
No comments:
Post a Comment