BJP Mizoram hmalaknain Rainbow Rooster Ar note sem a ni.

Nimin khan Thuampui vengah BJP Mizoram hmalaknain Rainbow Rooster Ar note sem a ni.

BJP Mizoram State President Pu Vanlalhmuaka leh Pi Lalthangmawii, General Secretary & College Extension Advisory Committee Member (CEAC) ni bawk te hmalakna in, nimin khan Ṭhuampui YMA Committee Room ah, College of Veterinary Sciences and Animal Husbandry te chuan "Techno Economic Empowerment of Poultry Farmers in NE Region Of Mizoram" hnuaiah Rainbow Rooster Ar sem a ni.

He hunah hian Dr. Lallawmzuali Ralte chuan Ar vulhtute hriat tur pawimawh hrang hrang a sawi a.Ṭhuampui Veng Local Council Chairman Pu Lalrosiama Hauzel pawhin thu sawiin  hetiang kan dawn theih na tur atana hma laksak tute, BJP Mizoram State President leh General Secretary-te chungah lawmthu a sawi.

He hunah hian chhungkaw 25-te hnen ah Ar te hi sem niin, Arte hi ICAR Directorate of Poultry Research Rajendranagar, Hyderabad te'na an tumsak a ni.