State Tax office Lunglei Mizoram sorkara taxation dept-in kumin (2025-26) April - July chhunga chhiah a hmuh tawh zawng zawng zat chu Rs. 4,94,96,56,882 a tling a, heng zingah hian kawng siamna tur, ‘road maintenance cess’ a hmuh pawh Rs. 22,56,01,053 a tel.
Taxation dept tar lan danin, kumin thla li chhunga chhiah hmuh tawh Rs. 4,94,96,56,882 zinga Rs. 3,30,18,00,723 chu GST atanga hmuh a ni. Profession tax atangin Rs. 5,89,26,361 hmuh ni bawkin sales tax atangin Rs. 1,13,77,07, 692, road maintenance cess atangin Rs. 22,56,01,053 leh entertainment tax Rs. 20,000 hmuh a ni tawh.
Hetih lai hian taxation dept hian kum kalta, 2024-25 chhung khan chhiah chi hrang hrang atangin Rs. 11,49,81,88,170 an hmu. Sorkar kum kalta chhung khan April, 2024-ah chhiah hmuh tam berin hemi thla hian Rs. 1,65,01, 97,183 hmuh a ni a, sum hmuh tlem ber thla, Sept. 2024-ah Rs. 64,91,61,389 hmuh a ni.
Nikum Oct atanga sorkarin chhiah thar a lak kawng siamna tur, road maintenance cess atangin kumin April-ah Rs. 10,17,89,222 hmuh a ni.
- Source : Virthli
No comments:
Post a Comment