MIZORAM PRADESH YOUTH CONGRESS COMMITTEE
No.MPYCC/Mz-B/2025-2026/PR-062
Dated: Aizawl, the 16th August, 2025
PRESS RELEASE
Tunhnaiah Captain Lalrinawma Sailo s/o Saihmingliana Sailo, Chanmari, Aizawl in Peace Time-a sipai chawimawina sang ber dawttu Kirti Chakra a dawng hi Congress thalai chuan a lawmpui takzet a. A taimakna leh thawhrimna avanga sipai chawimawina dawngtu Captain Lalrinawma Sailo hi Pu Lal Thanzara, President MPCC pawhin lawmpuina a lo ti chhuak tawh a ni. He dinhmun thleng thei tura a kal kawng zawh hautak zetah hian Congress Sorkar kal tain Thalaite tana ruahmanna a neih thatzia leh hlawhtlinna a lan chhuahnaah Congress Thalai chuan a ngai a ni.
RIMC Dehradun hi RIMC hi British hunlai atang tawha zirnain sang leh tha chungchuang a ni a. He hmuna zir theih hi thil harsa tak, a tling tan pawha senso hautak tak mai a nih avangin kum 2015 khan khatih laia Education Minister Pu Rohluna leh Parliamentary Secy Pu Joseph Lalhimpuia te ruahmannain a fee zawng zawng atanga 75% tum sak an ni a. Pu Lalrinawma Sailo pawh hi kum 2018 khan NDA-ah a inziak tling zinga a tel bakah Congress kaihhruai Mizoram sorkar chuan Incentive Cash Award hmu zingah tel lehin Rs. 10,00,000 a hlan bawk a ni.
Pu Lal Thanhawla kaihhruai mipui siam Congress sorkar khan Thalaite hmakhawngaia thalaite khawvel thar a lo buatsaih a, a lo siam nasatzia a takin Mizoramin kan hmu zel hi Congress Thalai chuan lawmawm a ti takzet a. Tun hnuah Incentive Cash Award thawm a awm zui lova, sipai ni tura inzir lawkna hmun tha RMIC ah pawh Mizo zirlai an awm mang ta lo hi Congress thalai chuan pawi a ti takzet a. Ram hmangaihna hi thu chauh ni lo, thiltih hmanga hlen chhuak turin tuna ZPM sorkar pawh hi Congress thalai chuan a ngen a ni. Congress thalai chuan ZPM sorkar chu an Campaign laiin, kan ti ve lovang tia intiam an ni a, an sorkar hnuah, hma kan la mek, an ti leh a, tunah engmah kalphung thar an inzawrhna ang an lantir theih loh avanga, Anni pawhin an ti ve tho, tia thiam inchan chawp vel mai mai lova thalaite khawvel buatsaih turin Congress Thalai chuan ZPM sorkar a hriattir a ni.
Sd/-
(C.LALHMACHHUANA)
Secretary,
i/c Information & Publicity
Mizoram Pradesh Youth Congress Committee
No comments:
Post a Comment