Pi Lalrinpuii Health Minister-in Mizorama hmasaber Health ATM Lungleiah a hawng.

Lunglei 18.July.2025: Vawiin khan Function of Health ATM ( Hriselna atana natna awlsam taka hmuhchhuah theihna ) chu  Civil Hospital Lunglei Seminar Hall-ah Pi Lalrinpuii, Hon'ble Minister Health & Family Welfare Department, etc. chuan a hawnga, He hun hi Pi Zoramdini, Addl. Deputy Commissioner, Lunglei chuan kaihruaiin hunserh Rev V Lalzarliana'n hunseh a hmanga. Heb Programme hi Lungsen PHC nen Video Con ference a thlunzawm niin  Lungsen atangin Dr. Lalremmuana Ralte Medical Officer, NCD leh midang ten an rawn tawiawm bawk a ni. 

Hawnna inkhawmah hian Pu Lalzuithanga Chairman LMC, Pu Malsawmtluanga MLA HPC VC leh Pu Lalramliana MLA ten an telpui bakah Pi Navneet Mann Deputy Commissioner, Lunglei, Dr.S.R. Ngurchamliana Director, DHME leh Lunglei Civil Hospital hotute an tel bawk.

Hawnna thu sawiin Pi Lalrinpuii Health MInister chuan Civil Hospital Lunglei leh PHC Lungsena Health ATM hawng thei a ka awm hi ka lawm hle a. Mizorama Health ATM hmasa ber kan lo hawng thei dawn ta hi a lawmawmin, Lunglei District mai ni lovin, Mizoram State pumpui tan vawiin hi ni ropui leh chhinchhiah tlak tak a ni a. 

 He Health ATM hi natna zawnchhuah kawnga tun lai thiamna hmanraw ṭha ber bera thuam niin, mipuite’n minute 20 chhung lekin kan hriselna dinhmun chi hrang hrang 35 lai heng —

BP, zunthlum, kan taksa inphut dan (BMI), kan taksaa boruak thianghlim  oxygen awm zat (SPO2), ECG, Lipid Profile, Ear Test leh Eye test thleng bakah Mental health lama Depression assessment thlengin he khawl hian a test thei dawn a.. Natna hmuh chhuah hma hi inenkawlna kawngah a pawimawh em em a; kan taksaa natna leh harsatna lo awm ṭan tir chu harsatna lian zawk leh nasa zawka a chan hmain Health ATM hmang hian kan lo hmuchhuak zung zung thei dawn a. A ṭangkai dawn hle a ni.

Chu mai a ni lo va; he’ng khawlte hi IOT (Internet of Things) technology nena thuam a nih avangin, result a pek chhuah zung zung bakah, a hmangtute hriselna dinhmun chu lo chhinchhiahin, digital health record a vawng ṭha nghal zel dawn a. Chu chu doctor-te’n kan hriselna dinhmun lo hriat nan leh ṭha zawka min enkawl theih nan an hmang ṭangkai thei dawn bawk a. Inentir tura damdawi in lian zawk pan nana sum, hun leh tha tam tak sen ngai ṭhin kha hei hian eng emaw chen chu a chhawk zangkhai thei dawn a ni.

Healthy Lunglei District Campaign bakah hian, kan DC Office-in Project LEAP kal tlanga vohbikte tana an hriselna dinhmun endikna, health assessment camp an buatsaih leh mi 700 chuang hnena ṭanpuina hmanrua an sem chhuak thei te; Project BLOOM hnuaia Lungsen Aspirational Block huam chhunga nu leh naupang hriselna atana hma lakna chhuanawm tak an neite hi a hlu hle a. Ngaihsak leh ngaihven zual ngaite huap zova hriselna kawnga hma an lakna hi a fakawm hle.

Healthy Lunglei thil tum mimal an hriselna hi kan zavaia mawhphurhna a ni tih hi hre thar leh ila. He’ng Health ATM-te hi keimahni ngeiin ṭangkai taka kan hman bakah, mi dang pawh hmang ve turin zirtir ila, Lunglei District hrisel, fai leh chak zawk din turin I ṭang tlang zel ang u.

Chutiang tur chuan, Civil Hospital Lunglei leh PHC Lungsena Health ATM bun thar hi vawiin, August ni 18, 2025 (Thawhṭanni) hian lawm takin ka hawng tiin a hawng a ni.

He Health ATM in a fonfiahtheihna natna 

( GENERAL HEALTH CHECKUP (19) chu

1. SpO2

2. Muscle Mass

3. Pulse

4. Bone Mass

5. Body Temperature

6. Protein

7. Height

8. Metabolic Age

9. Body Weight

10. Fat Free Weight

11. BMI (Body Mass Index)

12. Health Score

13. BMR (Basal Metabolic Rate)

14. Body Fat

15. Subcutaneous Fat

16. Body Water

17. Visceral Fat

18. Skeletal Muscle

19. Physique

DIABETES (2)

1. Random Blood Sugar

2. HbA1c

ANEMIA

1. Hemoglobin

CARDIAC (8)

1.6 Lead ECG/12 Lead ECG

2. Lipid Profile: -

TC (Total Cholesterol) - TG

(Triglycerides) - HDL (High-

Density Lipoprotein) - LDL (Low-

Density Lipoprotein) - TC/HDL

Ratio - Non-HDL

3. Blood Pressure(3)

1. Systolic

2. Diastolic

3. pulse rate

EAR TEST (1)

1. Audiometry

EYE TEST (2)

1. Far and Near Vision

2. Color Blindness

MENTAL HEALTH MAK

1. Depression and Anxiety

Assessment

Diet Plan