Congress leh MNF ten tunlai politics boruak an sawi.

"Congress Party chuan Sawrkar hnathawkte vau velo in tha takin a thawhpui dawn a, chhungkua, mimal leh Party Polics aiin ram hnuk tak tak ngaihtuahin ram a kaihruai ang."..R.Lalnunthara, President, LDCC.

Lunglei.13th.April.2026: Vawiin chawhma dar 11:00 khan Lunglei Dist Congress Committee chuan LDCC Bhawan ah chhung inkhawm leh Political Session hun an hmang a, inkhawm hi Pu Saihmingthanga Sailo, Vice President Lunglei West Block - I in a kaihruaia Nl.H.Lalthanzauvi  Secretary, LDCC in hunserh a hmang.

  Political Session a thhsawitu LDCC President, Pu R.Lalnunthara chuan, Congress Party hi kum Sarih leh thla li Opposition Party kan ni tawh a chu lai karah chuan kan hruaitu duhawm leh fel tak tak ten min chhuah san tawh laia vawiin thlenga pawl danga beisei neilo a mi fel leh rinawm tak tak hruaitu tam tak kan la nei hi a lawmawm hle a ni a ti. 

Pawl danga beisei neia min chhuah san ta te hian an beisei ang hamthatna hmu in an chhungkua pawhin malsawmna dawng se kan duhsak pu hle a ni Pu Mathara chuan tiin, hetihlai hian kan hruaitu min chhuah san tu tam tak chuan an in chhir thu an sawi leh tawh a a hun takah Congress Party ah hian an lo haw khawm leh ang tih kan beisei tlat a ni a ti. 

LDCC President chuan Congress Party chu mahni thu sawi anga awm thin niin hmasawnna tam tak kan ram tan a lo thlen tawh a, MNF Party chu sawi anga awm ngailo, ZPM chu sawi loh anga awm leh si an ni a ti a, sawi anga awm thin Congress Party chuan ram hnuk tak tak a ngaihtuah thin a kan rama hmasawnna ruhrel zawng zawng deuh thaw hi Congress Party kutchhuak niin kan thalaite hmakhua thlirin an tan thil tam tak a lo buatsaih sak tawh a ni a ti. Political Party dangte hian ram hnuk tak tak ngaihtuah ai chuan mimal, chhungkua leh Party Politics an buaipui avangin kan ram hmasawnna hi an ti thuanawp a ni a ti. 

Lengpui ram IAF hnenah hralh chungchangah ZPM leh MNF chu inmawhpuh tawnin tunge dik zawk pawh a hriat theih loh a hemi chungchangah hian mipuite hian thu dik kan hriat hi kan chanvo a ni a, sawrkar hian thu dik hi a puang ngam tur a ni Pu Mathara chuan tiin AMC leh LMC sum lapse chungchangah pawh Party pahnih te chu an inmawhpuh tawn mek bawk a mipuiah an insawi thiam chhawk reng ringawt mai a mipui hian thu dik kan hriat ngei a tul a sawrkarin thu dik a puang ngam tur a ni a, hetiang vel mai maia inpuh tawn Party pahnih te lakah hian mipuite rinna a tlahniam hle tawh niin LDCC President chuan a sawi. 

Kan ram rolrelnaah mimal anga nasa taka in beihna te tawngkam duh tui lo tak tak hriat tur awm ta te chu a zahthlakin mipuite mak tih a ni mek a ram hruaitute hi Pathian ruat an nih laiin Pathian duh zawng nilo a rorel erawh a pawi hle a ni. Lunglei khawpui kawng kan sawrkarin a siam hi a lawmawm em em laia chhum bung taka min siam sak leh mai mai si te, ATL Road hna muang lutuk te chu Lunglei mipuite zahlohna ni hial a ngaih theih a ni Pu Mathara chuan ti bawkiin hetih laia kan Sawrkarin lei a ba nasa lutuk chu kan tu leh fate lo awm zel tan phurrit a ni a hlauhawm a chuvangin kalphung dik leh ram hnuk tak tak ngauhtuah a thangthar lo awm zel turte tan a ram nuam siam turin Congress Party a sawrkar leh angaia, NLUP tha mi Congress chuan a sem leh dawn bakah Sawrkar hnathawkte vau velo in tha takin ram hmasawn nan kan thawhpui dawn a ni Pu R.Lalnunthara chuan a ti.

   Vawiina LDCC chhung inkhawmah hian tunhnaia South Tuipui bial lama zin chhuakte atangin report ngaihthlak a ni bawk.

                   Issued by Media Deptt, LDCC.

=============

"ZPM chu a phawvuak ah an ral takna an neilo"

   

ZPM hian tlanchhe chung in min cho ani,he min cho na Brigate Field endik chungchang ah hian, ZPM thalai hian MNF thalai an cho hmasa a,a hun ruat turin MNF thalai lam an tia,MNF hian ni 13/04/2026 zing dar 7:00 an ruat a, ZPM ten tlai dar 2:00 nise tiin rawtna an siam leh a,mahse MNYF President hian a hun buaitak tlansan a,he an chona hi pawm a hun ruahman duansa nei a nih a vang in,a hun ruat hmasa  ni13/04/3026 (Thawhtanni) zing dar 7:00 nise tiin a rawt nawn leh a. Thawhtanni ni 13/04/2026 zing dar 7:00 ah MNYF thalai thahnem tak an punkhawm laiin ZPM lam hi engmah sawilo in,MNYF President hmachhawn ngamlo in an lang ta lo a,hei hian ZPM hian thu puanpawleng bak a tak ram engmah an ngamlo tih a lantir.

     AMC inthlan lo awm tur ah hian MNF boruak a kang zela,tun ah hian mi pangai ten ngaihdan an siamfel tawh a,kan sawrkar hrawn mek ZPM kalphung thar tura an lo beisei hi ZPM in kalphung hlui an tih ai pawha a chhiat zawk a vang leh a ke a bai nasat em a vang hian,MNF hian sawrkarna an lak ngei a rinawm ta hle ani.

   Lunglei lam ah pawh Leitlangpui tana tha tur ah chuan theihtawp in kan tang dawn a,hmachhawn ngai pawh huai takin dikna hailan anih theih nan,kan hmachhawn zel ang.

MNF hian State University te LMC te hi kan sawihnawng lo a,Lunglei hian a chan tur diktak chang sela,a awm dan tur dik takin awm se puitling ngei se kan ti a ni zawk ani,chumi tur chuan theihtawp chhuah chungin kan kal zel ang.

Laltlanthanga GS

(Vigilance Department)

                   Issued by:

MNF Sub Hqrs Lunglei Information&Publicity