Lungleiah Green Mizoram Day hman a ni.

 Lungleiah Green Mizoram Day hman a ni.

Nimin ni 11th, June 2026  dar 11:00 khan  Lunglei Dist Level Committee on Greeen Mizoram buatsaihin  Green Mzioram Day hman a nia, a hawnna Thaizawl Community Hall ah neih niin Dr, Lalmuanpuia Samte DAH&VO Lungleiin a kaihruai a, Evan. Lalsawma Thaizawlin  hunserh a hmang.

He hun hmanpuitu Pi TT Beikhazi SDO(Sadar) Lunglei chuan thusawiin,  Kumina   thupuiah ‘Thing hi rangkachak anga hlu, nunna tinreng bul a ni’ tih sawiin Thing pawimawhna hrang hrang a tarlanga,  Thing hi kan nunnna ber, Boruak Thianghlim min petu,  kan  nunna hnar a nih avangin kan humhalh tur a nia, mihring leh  nuncha  tan nunna bul a ni  a ti.  Ram ngaw kan tihchereu hian  nunnna tam tak, kan hriatloh karah kan tihlum thei thin a ni . Green Mizoram Day hi kan lo hmang tam tawh a mahse a puitling hmuh tur a vang , nikum lam kan phunte enkawl tha ila,  kan thing phunah mawh phur ngamin uluk takin i  enkawl thin ang u a ti.

Pu Lalduhthlana  DFO & Secretary DLOGM chuan report pein   Dist level Commtt chuan kan thingphunte enfiah vek nise a tih angin  enfiah a ni a;  kum 2024 a  Lawngtlai Road a kan thingphun kha  pawl 54 ten  thingtiak 1176 kan phuna,  chung zingah chuan  678 a nung tha  a,   thingphun 468 a thi a ni.  Heng ah hian  thing tiak dang phun lehin a hungna chhiate kan hung tha leh a vek dawn a ni a ti.

Pu Lalduhthlan Secy.  DLCGM&DFO chuan  nikum 2025-2026 chhunga  Lunglei Dist. a Kangmei veng tha khua thlanchhuah  te puangin  Pi TT Beikhazi SDO (Sadar) Lunglei chuan  lawmman Pawisa fai leh Certificate hlan a chungte chu 1st.  Mausen  Rs. 70000/-, 2nd. Zotuitlang Rs. 50,000/- 3rd. Lungrang ‘S’ Rs.  30,000/- hei bakah hian Consolation Prize  khaw pathum   Thaizawl,  Rs. 10000/- 2. Maulthuam ‘N’ Rs .10000/ leh Hmuntlang Rs. 10000/- te hlan an ni.

Nimina Green Mizoram Day hmannaah hian Thaizawl VCP,  Pi Lalngaihsaki pawhin thusawiin, hetianga  an khaw hmuna Green Mizoram Day hawnna Prog. hman ni chu lawmawm  tiin  Thil chhinchhiah tlak tak, kan theihnghilh tawh loh tur   a nih thu a sawi a, an Khawtlang leh  Myanmar Raltlan te nen  Thiangtiak phunin an lo hnatlang ve tawh tih a sawi a, Kan thingtiak phunte hi  zah takin i enkawl zel ang u a ti.

Pi Lalliannguri President MHIP Sub-Hqrs. Lungleiin  lawmthu sawiin, Green Mizoram Day  a thingtiak phun belhte,  kum 2024 a kan thingphun a hungna chhia  hung thata,  a thite   phunkhah leh turah hian theihtawp chhuaha   humhalh zui turin kalkhawmte a sawm a ni. He mi hnu hian  Sawrkar deptt leh NGO leh pawl hrang hrang ten kawng dunga  Thingphun te samfaiin an  hung tha a,  thingtiak an phun thar leh hlawm a  ni.