YMA Sub Hqes Hruaitu ten Theiriat Kawng An En.
Helai kawng hi T-Way Filling Station atanga Pu C.Vanlalngaia In Theiriat inkar nikum lam atanga leimin avanga Theiriat veng bakah Mizoram Chhim lam kawng pawimawh hmangtu mipui ten harsatna an tawh na lai a ni.
Tunhnai a fur ruahtui tla in lei a tih min leh avangin Theiriat mai nilo Lunglei chhim lam Hrangchalkawn, Zobawk atanga Lunglei lama School kal zirlai, Office hna thawk, damlo leh khual zin te an buai hle a. Nimin pawh khan pisa leh School kai thei lo let an thahnem hle a ni.
Hetihlai hian Theiriat veng chung pawhna tura kawng sial chu ruahtui tla avang hian lirthei tan tlan ngam a ni ta lo a. He harsatna an tawh te hi a hmun ah hmuhpui turin YMA Sub-Hqrs Lunglei hruaitute hian vawiin khan Theiriat hi an han tlawh leh a ni.
Helai kawng avanga harsatna tawk khualzin tangkhang an awm em tih YMA Theiriat Branch hruaitu te chuan an ngaichang reng tih sawiin vawiin thlengin eitur leh riahna tur ngaihtuahsaka buaipui ngai tangkhang an awm lo niin an sawi a, beng erawh an chhi reng tih an sawi bawk. Chutihrual chuan Theiriat leh chhim lam veng te bakah Siaha, Lawngtlai, Hnahthial lam atanga Lunglei lama mamawh leh chakkhai bakah Damlohna avanga Lunglei pan ngai te chuan harsatna an tawk nasa hle bawk a ni.
YMA Theiriat Branch hian an veng chhung panna mumal ta lo chhan ah zanin hian meeting pawimawh an ko dawn niin an sawi a. Pu K. Lalfakzuala, President-YMA Sub-Hqrs Lunglei chuan he kawng pawimawh tak hi mipuite himna tur leh an mamawh hmasa kawng zawh tlak siam thuai anih theih nana hmalak chu tul hmasa a ngaihtuah ngai a tiin, YMA Theiriat Branch pawhin hmalak mai an tumna chu an hriatthiam pui hle tih sawiin Theiriat khawtlang tan leh a piah lam chhim lam veng leh khuate tan an hnuk pawimawh (life line) a nih angin he kawngchhia in a nghawng te tawrhna awm fo chu YMA Sub-Hqrs Lunglei chuan pawi a tih thu a sawi bawk.
Comments
Post a Comment