A pasal chempuiin a sat hlum. ..leh news dangte
A PASAL CHEMPUIIN A SAT HLUM.
Thu dawn danin Pu Bipin Kumar te hi Sumsi-lui khaw chhuak an ni a, Chawngte C-ah in lehlo neiin an In chu midang an luah tir a, mi In luahin an chhungkua in Zu (A senchi leh beer) zuarin Chawngte C-ah tho hian an cheng a ni. An fapa Mehery Chakma (25) chu phaiah lehkha zirin a awm a, tunhnaiah Silchar-ah zu la turin anmahni- pickup hmangin Pu Bipin Kumar hi a kal a, Silcharah hian tu tih hriat loh ten an kidnap a, a pawisa leh zu te pawh an lak sak vek niin Pu Bipin Kumar chuan a chhungte hnenah a sawi a. Silchar atang chuan afapa nen rawn haw chho dunin nimin khan Chawngte C an thleng a, an in luaha an luh hlim hlawt ah he tualthahna hi a thleng chawpchilh mai nia an rin thu thudawnna chuan a sawi.
Thil thlen hun hi chawhma dar 9 leh dar 10 inkar vel niin an sawi. Pu Bipin Kumar Chakma te in luah hi lei chhuat ring achung rangva niin room thumah then a ni a, room tin chu chhungkaw hran theuhin an luah a ni. Bang dan maia awm an nih avangin Pi Lokhi Mala-in, a pasal chempui nena a beih thawm hria in in luahtu pakhat hmeithai chu pawnah a tlan chhuak a, thenawm khawveng ahrilh nghal a. Thenawm tlan khawmte chuan in chhung luh an han tum a, Pu Bipin Kumar-a- nupui Lokhi Mala leh a fapa Mehery Chakma te chuan, tumah in chhungah lut lo turin midangte chu an lo vau a. Police an hrilh a, police an thleng thuai a, inchhungah chuan lutin Pi Lokhi Mala- chem ken lai chu an chhuhsak thei ta a ni. Police an thlen hian Pu Bipin Kumar hi alo thi fel tawh niin thu dawn a ni. Lunglei FSL lam pawh an thleng thla thuai a, evidence atana thil tul tur te lakhawm in enfiah ngai ang angte an enfiah nghal a ni.
Pi Lokhi Mala hi nu lian leh pian tha tak ani a, Pu Bipin Kumar erawh cher sapan ve tak niin thu dawnna chuan asawi a, engvanga apasal chu hriamhrei hmanga lo bei ta mai nge tih erawh chiang taka hriat a ni rih lo nachungin, a pawisa, misualin an lak sak nia asawi chungchanga ngaihdan inhmuh loh vang a nih, thenkhat chuan an ring.
==========================
Inrinni khan Chief Minister Pu Lalduhoma chuan Tawngtai Bethel Camping Centre, Sakawrtuichhun a Banakaih (Handholding) Scheme hmanga camping- centre sak, Jesaia- Room, camper mi 80 atanga 90 leng chu ahawng.
Thu sawiin Chief Minister chuan 2023-a Chief Minister-a, lakluh a niha atlawh hmasak ber chu TBCC hi ani a, a hnuah pawh ka tlawh leh a vawiin hi ka vawi thum tlawhna a ni. Tunah chuan in lo changtlung ta hle a, inthiarna leh kawt zawl tha tak in nei a, choka in nei hrang vek bawk a, in hmasawnnate hmuh a nuam hle mai. Sawrkar pawhin sum a neih ang angin ruihhlo ngaite chhawmdawl hna hi kan thawk a, TBCC ngei pawh hei kan hmuh angin Mosia room kan sa tawh a, tunah Jesaia room kan hawng leh ta a. Heng kan hmalaknaah hian central YMA ten min thawhpui tha thin a, kan lawm hle a ni.
He camp-ah hian mi 805 in awm mek a, thawktu tlemtein fel taka, in enkawl zo thei hi a ropui ka ti a. In inpekna thukzia a lang a ni. TBCC vawi hnih lai a function loh tum khan Aizawl khawpui tan a buaithlak hle a, tun atan chuan TBCC tel lo hian kan khawsa thei lo a ni, tiin TBCC a thawktute chungah lawmthu a sawi a ni.
Chief Minister chuan, Lungin tang zinga za zela 98 hi drugs leh a kaihhnawih avanga tang an ni a, a tam zawk hi drugs zawrh vanga tang an ni ber a. Za zela mi 41% te hi an tang nawn nghe nghe a ni. Chutiang dinhmuna kan din avang chuan ruihhlo avanga hliam tuarte chhawmdawl hi kan ngaihpawimawh a, Hulhliap Short Stay Centre-te kan din a, mi 192-te hnenah skilled training neihtirin, tunah hian mi 21 hnenah Banakaih (Handholding) Scheme kaltlangin eizawnna bultanna kan pe hial a ni.
Eizawnna mumal neih loh chuan tlukna ngaiah an tlu nawn fo thin tih hre reng chungin sawrkar chuan heng ruihhlo ngai enkawlna dawng chhuak tawhte hi an thiam zawng thilah (skill) training pein Banakaih Scheme hnuaiah an dam khawchhuahna atan tan a la tihna a ni. Ngawl vei sim tawh, Jail tang chhuakte pawh training pek zel hi tha ka ti a, Kohhran, khawtlang leh NGO hrang hrangte thawkko zelin chhunzawm zel dan kan dap dawn a ni, Chief Minister chuan a ti.
Central YMA President Pu R. Lalngheta pawhin, thusawiin, camper-te chu TBCC atang hlawhtling taka an chhuah hnuah an veng YMA-ten an lo lawm dawn tih hrilhin, kawng hlui zawh tawh lo va, nunna thar nena chhuahsan ngei turin a chah a ni.
TBCC Founder Pu TT Zohmingthanga pawhin thu sawiin Chief Minister Pu Lalduhoma'n TBCC angaih pawimawh thin avangin lawmthu a sawi a. Tun hnaiah pindan thar pahnih sorkar tanpuinain kan han nei thar a, damlo tam zawk kan enkawl theih phah dawn a, chhungkaw tam tak tan malsawmna a ni dawn a ni, a ti.
Mosia room hi kumin March thla khan sak tan a ni a, thla 1 leh ni 22 chhung sak niin, Rs.nuai 13.82 sen a ni a. Jesaia Room hi June ni 23-ah sak tan niin kar hmasa ni 15 khan sak zawh a ni a, Rs. nuai 14.58 sen a ni. A sakna sum hi sorkarin a tum a, a sak hna hi CYMA in a buaipui a, campers ten tha an thawh thin a ni.
Inkhawm hi Central YMA Vice-President Prof. Lalnuntluangan a kaihruai a, CYMA Treasurer Er. H. Duhkima'n Room thar sak chungchangah Report a pe a. Adviser to CM Pu Lalmuanpuia Punte, Central YMA hruaitute, TBCC Advisory Member-te bakah official leh mi tlawmngai dangte an tel a ni.
===========
Thingsai Police, 14th Assam Rifles leh New Ngharchhip YMA ṭangkawp te chuan dan phalloh a kawl, Silai leh a hmanrua an man.
Inrinni zan khan Thingsai Police leh 14 Assam Rifles Outpost Thingsai te chuan YMA New Ngharchhip te nen Lungdap kai, Ṭiau lui leh New Ngharchhip inkar kawngah join operation an nei a, nimin zing dar 3:30 vel khan New Ngharchhip khaw daiah Leisen, Myanmar aṭanga lo phurh AK 47 Rifle 3 leh magazine 4 leh 7.62 mm ammunition 9 rounds chu, Darunga(43) S/o Lusei Kumar, Zawlpui, Lunglei District hnen aṭangin an man a. A phurhna 125 Kenbo bike pahnih leh Mobile phone pahnih(2) an man tel bawk. Nimin vek khan an mi man hi Hnahthial lamah phurh thlak nghal a ni.
=============
Japan ram chu lirnghing 5.8 a, na in nimin Pathianni zing khan asawi a, mi 37 in hliam an tuar a, hliam tam tak hi naupang an ni.
Japan Meteorological Agency chuan lirnghing hi Ibaraki- pre-fecture chhim lam lei hnuai metre 70 a thuk atanga rawn nghing chhuak niin US Geological Survey chuan 5.8 magnitude a, na niin a tarlang.
Pre-fecture 5 atangin hliam 37 report a awm a, Tokyo ah tam berin 15 an awm a, Saitama ah 9, kana-gawa ah 8, Chiba ah 4, Ibaraki ah 1 an awm tih tualchhung thuneitute leh Fire and Disaster Management Agency te chuan an sawi a. Hliamte hi tam tak chu furniture leh kawngkhar a, intauh te an ni.
He lirnghing hian rel service te pawh a nghawng a, Tokyo leh Narita Airoprt pan express- train te achhuah hun tih khawtlai ani a, an ram hmarchhak lama rel service te pawh a nghawng a, hetihlai hian Shinkansen bullet- train te erawhchu dan pangngaiin an tlan tih East japan Railway- company chuan an sawi.
Tokyo's- Koto ward a, underground- pipe akeh avangin kawngpuiah tui nasa takin achhuak a, Tokyo a chenna in 460 velin power supply rei vaklo an nei lo a. Nuclear Power Plant lamah erawh harsatna a >awm, report, a awm lo hlauh bawk.
Japan Meteorological Agency chuan lirnghinna biala awmte chu a hnu, kar khat chhung lirnghing dang awm leh thei lakah fimkhur turin an rawn a ni
============
Comments
Post a Comment