ZPM phurrit siamte chhawk turin MNF kan inpeih reng- Lalrtuatkima

-

MIPUI PHURRIT ZPM-IN A SIAMTE CHHAWK TUR LEH NATIONALISM CHAWI NUNG LEH TURIN KAN INBUATSAIH - LALRUATKIMA


Vawiin hian Mizo Hnam Runah chhung inkhawm neih a ni a. He hunah hian Pu Lalruatkima, Treasurer chuan thusawiin, "Mipui phurrit tam tak ZPM-in a siamte chhawk zangkai tur leh Mizo nationalism chawi nung turin MNF kan inbuatsaih a ni," a ti. Kum 2028 inthlanah MNF chu mipui beisei ber party anih avangin insiamthat ngaite insiam tha zelin, mipui beiseina ti hlawhtling tura an inbuatsaih thu a sawi bawk.

Pu Ruatkima chuan MNF-in zalenna a sual chhan sawiin, "Kan hnam, kan ram, kan sakhua a him nan leh zalenna sang ber kan neih theih nan MNF chuan zalenna a sual a. Kan hnam pasalṭha leh martar-te avangin hnam zahawmah kan chhuak a ni," a ti a. "Nationalism tel lo a Mizo hnam leh Mizoram kaihhruai hi a pawi thei a ni. Tunhnai Shillong buaina pawh a ram neituten ram leh hnam humhimna kawnga an tlai vanga thleng a ni. Kum 1966 a thlarau kan chan ang, ram leh hnam hmangaihna khan ṭhalaite thinlungah thusawi leh rawh se," a ti bawk.

"Remna thuthlung in a ken tel Article 371G in a huam FCA Act, 2023 ZPM sorkarin a adopt a, halral thil hlana an hlan ta mai hi a pawi em em a, ṭhangtharte hian ZPM sorkar hi an la rawn dem ang. Remna thuthlung bawhchhiatna a ni a, remna thuthlung bawhchhe hmasa ber sorkar an ni. An inhmuh chhuah hunah meuh chuan a tlai tawh ang," Pu Ruatkima chuan a ti a. "Remna thuthlung Chief Minister-in a sawi bawrhbangte hi a pawi hle. Remna duh avanga IPS bang niin a insawi thin a, 'remna thuthlung point tinah ka tel' tituin enga tinge a sawi bawrhban leh si? Uiin a luak hnu a ei leh, tih ang chauh a ni," a ti bawk.   

RD Minister hlui Pu Ruatkima chuan,"MNF kan sorkar lai khan Covid-19 hripui karah pawh ni 100 inhlawhnaah hian mipuite ni 100-ah ni 100 an inhlawh thei a. A thawktute hlawh pawh lak theih loh a awm lo mai ni lovin, 2024 March thla thlenga an hlawh tur kan ti fel sa a ni. Ni 100 inhlawhnaa thawktuten ZPM sorkar hnuaiah hlawh an la ṭha lo hle a. Thla 3 te, thla 5 te hlawh an la lo fo a. Thawktute an buaiin an lainat awm tak zet a ni. MNF sorkar an ngai ngawih ngawih a ni," a ti bawk.  

"ZPM sorkar hnuaiah mipuite phurrit Buhfai man a let a tih to te, School upgradation tawh hnuhhniam leh te, 

Electric smart meter kalphung ennawn te a tul dawn a ni," a ti bawk.

Chhung inkhawm hi Pu K Lalthawmmawia PAC-in a kaihruai a, Nula Laltleipuii, Joint Secretary-in hunserh a hmang. Tunhnai by election-a MNF Local Council member thlan tlin thar mi 3 te hnen ah chawimawina hun hman a ni bawk a ni. 


Sd/-

(LALLENMAWIA JONGTE)

Secretary

Media & Publicity Department

Mizo National Front

Memo No. 522/2026

Dt.24.08.2026

Comments

Post a Comment

Popular posts from this blog

Mualṭhuam North ṭhalai lungawilo leh rilru nâ te nimin tlai khan an pung khawm.

-
Image
H.Ramdinpuii thattute hriat chhuah anih chungchangah Mualthuam North khawtlangah thil duhawm lo thleng zui a awm lo a, Sub Hrs YMA Lunglei chuan Lunglei Police Special Investigation Team (SIT) te fakawm an tih thu an sawi. Mualthuam North tleirawl H. Lalramdinpuii thattu te inpuan hnu ah Mualṭhuam North ṭhalai lungawilo leh rilru nâ te, Ramdinpuii te In bul velah nimin tlai khan an pungkhawm a, boruak thalo thleg tur vengin police leh khawtlang hruaitute an awm a, boruak thalo, a awm zui lo nia thu dawn a ni. Puan tawh angin, Mualṭhuam North tleirawl H Lalramdinpuii D/o H Lalawmpuia thattua puh mi pahnih - Denghmingthanga (20) leh Lalneihkima (34)  Mualṭhuam North ve ve te chu nimin August ni 20, 2026 khan Special Investigation Team hma ah an inpuang a, man nghal niin, Jail-ah dahluh an ni tawh. Nizan lama puan tawh angin H. Lalramdinpuii, Mualthuam North tualthihna chungchangah hian Lunglei Police chuan Rinhlelh kai thei tur thil awmte chhui chian nan mi hrang hrang an ko a, chung...
Read more

H. Lalramdinpuii, Mualthuam North thattute man an ni ta

-
Image
H. Lalramdinpuii, Mualthuam North thah a nih chungchanga Lunglei Police Station Case No. 84/2026, u/s 103(1)/140(1) BNS hnuaia thubuai chu Lunglei Police Special Investigation Team (SIT) ten a tir ațangin uluk takin hma an lain an chhui zui zel a. Rinhlelh kai thei tur thil awmte chhui chian nan mi hrang hrangte koh an ni tawhin, mi pahnih, Denghmingthanga (20) leh Lalneihkima (34), Mualthuam North ve ve te chu vawi tam tak thu zawh fiah turin koh an ni tawh a ni. Police-te chuan an phone hman dan (digital evidence) leh Forensic evidence an kalpui atanga rinhlelhna awmte chu an chik chho zel a, chung finfiahna te leh zawhna chi hrang hrang an hmachhawn hnuah, vawiinni 20.08.2026 hian hemi te pahnih hi Lunglei Police SIT te hmaah an inpuang taa ni. Inpuanna an neih hnu hian dan ang takin vawiin chawhnu dar 1:00 PM khan man nghal an ni a, danin a phut angin vawiin chawhnu vek khan Judicial Custody-ah dah nghal an ni bawk. H. Lalramdinpuii thah a nih chungchanga thil thlen dan kimchang le...
Read more

ILP Guidelines siam that thar te.

-
Image
( Dahthat hmak chi a ni e. - ZUNZAM ) HRIATTIRNA (No.D.32017/4-B/2025/DC(L) dated 21st August 2026) Mizoram Sawrkar Home Department lehkha No.M-32014/1/2025-HM(ILP) dated 10.06.2026-in a tar lan angin Inner Line Permit (ILP) Guidelines chu siam ṭhat ngai laite a siam ṭha a. A hnuaia tar lan ang hian siam that a ni. 1. Temporary ILP dam hun chhung (validity) hi Temporary ILP siam a nih ni aṭangin ni 15 thleng a ni ang. 2. Khualzinte (Tourist) puala hman tur ILP dan thar siam a ni a, ni 30 chhung a dam ang a, renew theih a ni lo vang. A la cham zel dawn a nih chuan thla 6 (6 Months) atan regular ILP a dil ang a, a ram mi ngei (indigenous person)-in a sponsor ang. 3. Local Council leh Village Council te'n ILP sponsor-tu mi mal chenna hmun finfiahna chu Form C hmangin an pe tur a ni. He hriattirnaah hian a pek chhuah ni leh hmun hming a chuang tel ngei tur a ni. 4. Local Council leh Village Council te'n ILP diltu leh sponsor-tute chhinchhiahna chipchiar chu Form F hmangin an vawng ...
Read more