Lunglei 24.2.25. Assembly secretariat atanga thu dawn danin dan siam tur leh dan dinglai siamthat tur lutte hi - Labour, Employment, Skill Development & Entrepreneurship (LESDE), Urban development & poverty alleviation (UD&PA), Finance, Higher & Technical Education, Information & Public relations, Excise & Narcotics leh Local Administration department te a ni a. LESDE hian bill pahnih an thehlut ni a hriat a ni. Sorkar bill thehluh zinga ngaihven hlawh zual chu Excise & Narcotics minister-in a putluh tur wine leh beer chungchanga Mizoram Liquor (Prohibition) Act, 2019 siam thatna tur leh Higher & technical education minister Dr. Vanlalthlana'n Mizoram state university bill a putluh turte hi a ni awm e. Sorkar dan siam tur chhawpchhuahte hi March ni 3 (Thawhtanni) leh March ni 6 (Ningani) te khian putluh a sawiho a ni dawn niin business advisory committee (BAC)-in assembly inkhawm hun hman dan tur a duan lawkah tarlan a ni.March ni 20 thleng awh tur assembly inkhawmah hian tun thlengin House chhunga chhan chi zawhna 889 a lut tawh a, ziaka chhan chi zawhna 104 a lut tawh bawk a. House dawhkana dah tur lehkha pawimawh 8 a lut tawh a, official resolution putluh tur 1 a a lut tawh bawk. T
un tum budget session-ah hian March ni 4 khian finance changtu chief minister Pu Lalduhoma'n tangka kum thar (2025-2026) a Mizoram tana sum ruahman (budget) leh tangka kum kal lai a sum dil belhna (supplementary demands for grants for 2024-2025 chu House-ah a pharh dawn a ni. - Source: AIR
No comments:
Post a Comment