Lunglei 8.3.25: Womens Day 2 ah hmeichhe hlawhtling te zing award chawimawina / sang ber " Lifetime Achievement Award" Mizo Hmeichhia Pi Meriam L Hrangchal chu hlan a ni.
Women Entrepreneurship Summit 2025 chu vawin 8 March 2025 khan ropui takin Delhi ah lawm a ni a, palai 10000 zet Hmeichhe hlawhtling te an fuankhawm a ni. Awards dawng tu te hi kawng hrang hranga hmeichhia te chawikang a leirem rap tur a hmalatu hmeichhia Leaders tha te an ni.
He hunah hian Industry hrang hranga a mi hlawhtling tak tak Leaders leh Central Sawrkar Offcial lian tak tak te khuallian an ni. Shri Praveen Khandelwal,BJP MP, Delhi Chandni Chowk, National General Secretary CAIT leh Madam Smriti Irani, Renowned Politician leh Social Innovator ten he khawmpui hi an hmanpui.
Women Entrepreneurship Summit (Khawmpui) 2025 hi Confederation Of All India Traders(CAIT) Leh Association Of Direct Selling Entities Of India(ADSEI) te buatsaih a ni.
Pi Meriam L Hrangchal hi Vestige Marketing Pvt Ltd hnuaiah Kum 2014 atang khan bul tan in tun dinhmunah Vestige Millionair Council member ni in North East ah hetiang member ni thei hmasa ber leh awm chhun ni mek a ni.
Tunah hian a kaihhruaina hnuaiah member 180000 vel awm in mi harsa zawk ten leirem rap ve thei turin theih tawp a chhuah zarah thlatin khello in a hnuai ami ten hlawh an la mek.
Vestige Company atang hian mi 50 chuang in motor an dawng tawh a chung zingah chuan Pi Meriam L Hrangchal hian foreign Car BWM leh a team atangin Audi la tawh an awm bawk.
Politics lamah pawh apa Pu Lalhmingthanga (L),Ex Minister hnung zuiin ram rawngbawl hna a thawk mek a. Pi Meriam L Hrangchal hi kum 25 chhung Govt middle school ah thawk in post hrang hrang ah a awm tawh thin a.
Headmaster te hial niin Chhinlung academy sorkar hnuaiah pawh a lo awm tawh a kum 2020 khan superannuation in a post Govt Middle School Lawipu a a thawh laiin , zauzawk a rawng a bawl theih beisei in a hna chu bansan a ni. Thangthar tur te hmakhua ngai in 2016 khan Edify Kids International standard school dinin India rama 'Best Franchis Award' te pawh a lo dawng tawh a tunah hian Falkland ah "Alpha World School" ah Principal a ni mek bawk.
No comments:
Post a Comment