Lungleia Lirthei Kawng dan ni 3-na a la kal zel, kal tlang dil tute biak pawh atan Chief Minister Phone No. an tar.

 Lungleia Lirthei Kawng dan  ni 3-na a la kal zel, kal tlang dil tute biak pawh atan Chief Minister Phone No. an tar. 

Lunglei 30/4/2025: MZP te kawng dan mek a ni 3-na vawiin hian chhunzawm zel a la ni. Hrangchalkawn a duty na chu Zobawk daiah sawn a ni a, chanchin buatsaih lai  hian motor 190 vel a tang mek. Motor enkawltu leh a chuang te eitur chu MZP ten Restaurant ami chah sak in khualzin te hian mahni senso in an lei thung a ni. Tui in tur mineral water erawh MZP te hian a khat tawkin an sem ve reng a ni. Mi thahnemngai engemawzahin pawisa thawhin MZP hnenah an hlan ve mek bawk.

  Pukpui lamah pawh harsatna lutuk awm lovin kawng dan mek zel a ni a, motor dan(stranded) erawh a tam lutuk lo. Pukpui leh Zotlang mite  Tlawng lui chhehvel a feh tur te chhuah hun bi siamfel a ni bawk.

       Lunglei khawchhungah ei leh in harsatna a awm lova, POL lamah harsatna a awm lova, Zunzamin Filling Station te a biak pawhin  an lo inhmakhua ve a, control awm lova free sale zel a nih thu an sawi a,  Eirawngbawlna Gas (LPG) lamah harsatna a la awm  lo ni a thudawn a ni bawk a, dawrkai thil man ti to pawh an la awm rih lo. Thlai thar chawhmeh pawh khawilaiah inpho pawh an la pangngai reng a ni. Tun dinhmunah Sorkar lam atangin thu thar dang emaw inbiakna neih a ni rih leh tawh lo.

Hetih lai hian  kal tlang dil tute biak pawh atan Chief Minister Phone No. an tar a. Zobawka an duty na hmunah hian tlan tlang dil an tam em avangin tlan tlang dil tute biak pawh atan Chief Minister Pu Lalduhoma mobilephone no an tar tih MZP hruaitute chuan an sawi. 

Hetih lai hian Lunglei atanga Lawngtlai leh Siaha panna kawng erawh  dan chah a ni lo thung.