ZUNZAM NEWS ( 30.4.2025 )

MZP ten Emergency meeting an ko

Sorkar atanga thu lawmawm an la hriat loh avangin MZP chuan vawiin tlai hian Emergency Meeting ko in, an kal zel dan tur an rel dawn.

Emergency Meetingah hian MZP Hqrs Lunglei OB te bakah Extended OB leh Adviser te an tel dawn a, na zawka sorkar kar dan tur an rel dawn nia thu dawn a ni.

MZP ten vawiina kawngpui an dan chahnaah hian kal tlang dil an tam avangin heng mite biak pawh theih turin Chief Minister leh Lunglei MLA palite phone no. an ta

HSSLC result tichhuak dawn

Lunglei the 30th April, 2025 : Mizoram Board of School Education chuan May ni 6, 2025 (Thawhlehni) chhun dar 12:00-ah HSSLC Examination, 2025 result tihchhuah a tum a. Result hi MBSE Office, Chaltlang, Aizawl leh MBSE Regional Office, Lunglei leh heng website – (a) www.mbse.edu.in (b) www.mbseonline.com –ah te hian en theihin a awm ang. A mamawh tan result bu lei theihin a awm bawk ang.

Heng a hnuaia number tarlanahte hian office hun chhungin result ngaihven theih a ni ang.

Contact No : WhatsApp & Phone Call :

(1) 9863883041 (Aizawl)
(2) 9863722521 (Aizawl)
(3) 9863519718 (Lunglei)
(4) 9612226288 (Lunglei)

Hnahlan leh Champhaia siam ni lo Wine lei leh zuar lo tura Mipuite hriattirna.

Dated 30th April, 2025 : Tunlaiin Mizoram hmun hrang hrangah Sawrkar phalsak Hnahlan leh Champhai (Tlangsam)-a siam wine ni lo, mi thenkhatin thei leh ser leh thildang hmanga alcohol tel wine leh in tur chi hrang hrang an siam zuar leh in an awm thin a. Hengte hi tunah chhuan Danin a khuahkhirh mek leh chumi bawhchhia chu dan tlawhchhana hrem theih an nih avangin hetiang thil zuara, lei lo tur leh in lo turin Commissionerate of Excise & Narcotics chuan mipuite a hriattir.

Heroin hawng 40 man.

Dated 30th April, 2025 : Excise and Narcotics Department chuan 30th April, 2025 (Nilaini) zing dar 8:00 bawr khan Zokhawthar Road, Champhai District-ah Heroin gram 451.100 (Hawng 40) leh a neitu nia puh – Rohlupuia (38) s/o Sangliana, Tuirial Airfield Veng-a khawsa nia inchhal chu an man. Heroin phurhna atana hman Ignis Car Registration No. MZ01 AD-3270 pawh hrensak nghal a ni. He case-a inhnamhnawih nia sawi pawh Court phalna lain man tuma beih mek a ni bawk.

Heroin vanga man, Rohlupuia hi Section 21 (c) of The Narcotic Drugs & Psychotropic Substances Act, 1985 tlawhchhanin thubuai siamsak an ni a, 30th April, 2025 khan District & Sessions Court, Champhai-ah hruai nghal a ni. He thubuai-ah hian thiam loh a chang a nih chhuan Jail-ah kum 10 atang Kum 20 chhung tang tur leh pawisa Cheng Nuai 1 atanga Nuai 2 thleng chawi bawk tura rem theih a ni ang.