LPS Vision Production chuan Mizo zinga talent nei tha te pho chhuahna tur 'Mizo Talent' a buatsaih dawn a, tel tumte tan June 3 atangin form alak theih dawn.
Mizo Talent-ah hian intihsiakna tur Category panga - Zai, Lam, Instrumental Music, Magic Show leh Acrobatics te a awm dawn a, ruahmanna hmasa ah chuan Comedian telh ni mahse, Comedian Search a awm leh dawn tho avangin paih leh ani thung a. Heng Category hrang hrangah te hian mimal leh pawl (Group) ang pawhin a in lan theih dawn a ni.
Mizo Talent-a tel duhte tan June ni 3,2025 (Thawlehni) atangin LPS Office, Zarkawt-ah Form alak theih dawn a, hriat chian tur nei tan pawh LPS Office ah hian azawh chian theih a ni.
Mizo Talent-a pakhatna hian cheng nuai 2 adawng dawn a, top 3 (Mi 2 in) cheng sing nga ve ve an dawng anga, top 10-a tling top 3-a, in hlangkai pha lo, mi 7 ten cheng sing 1 theuh an dawng dawn bawk a ni.
No comments:
Post a Comment