R.Lalrawna'n Padma Shri Award dawng.

Thu leh hla lama a thawh hlawk avangin Pu R. Lalrawna chuan Literature and Education huangah Padma Shri Award adawng.

Ministry of Home Affairs chuan Padma Award chi thum dawng turte a i chhuak a, Padma Vibushan dawng turin mi 7, Padma Bhusan dawng turin mi 19 leh Padma Shri dawng turin mi 113 thlan an ni. Padma Shri dawng tura thlan 113 zingah Pu R. Lalrawna hi a tel a, nizan dar 6:00 khan Rahstrapati Bhawan-ah President Droupadi Murmu hnen atangin a dawng a ni.

R. Lalrawna hi thu ziakmi niin lehkhabu eng emaw zat a ziak tawh a, hetianga thu leh hla lama a thawh hlawk avang hian chawimawina chi hrang hrang a dawng tawh a,  nikum khan Bhasav Samman Award (Sahitya Akademi) adawng a, a lehkhabu ziah zinga Khawnglung Rûn chu Pawl 10 zirlai ah, hman mêk niin lehkhabu lehlin Davida chu Translation Book of the Year atan thlan ani tawh bawk.

Pu R. Lalrawna hi kum 85 mi niin Electric Veng, Aizawlah a cheng mek a ni.