Mizoram Polytechnic Lunglei ( MPL ) chu court thu pekin kalhsak a ni ta.

Mizoram Polytechnic Lunglei  ( MPL ) chu court thu pekin kalhsak tak tak a ni  ta.

Vawiin ni 27.6.25 khan District Court Lunglei thupekin  kalhsak a ni ta a. Nov ni 8.2024 khan he ramneitu hian ram hawh man an pek theih loh vanga court-a a khin vangin  kalh sak tum an lo  lo ni tawh a, chumi tuma kalh a nih loh chhan chu  MPL zirlai te hian exam an hmachhawn vangin leh court sang zawk Supreme Court-a  thlen tum a nih thu dawn a ni a, chumi vanga kalhsak rihloh chu an lo ni tawh a, tuna kalh a nihtak dan hi thu dawnna chuan huntiam chhung ni 90 hnuah pawh sorkarin ram hawh man a pek theih loh vang leh Court sang zawk atanga thu engmah an hmuh loh avangin kalh sak  an ni ta a ni.

Mizoram Polytechnic Lunglei (MPL ) hi  hun rei tawh tak atanga an ram neitu Pu Vanlaldawngliana chuan Court a a khin hnu thla engmaw zat hnuah Court hian sorkar hnenah thil awmzia a hriattir a, hun rei tak a ngaihchân hnuah a luah man chu an ngaihsak loh avângin Nov 7.2024 khan Pi Lalthansiami Hnamte Civil Judge Senior Division Lunglei chuan Mizoram Polytechnic Lunglei building zawng zawng khar sak turin thupêk a lo chhuah  tawh a ni.

Mizoram Polytechnic Lunglei ram luah man an pek loh zawng zawng hi Rs 98,05,033 a tling a ni.Polytechnic Lunglei building zawng zawng khar sak turin thupêk a chhuah a ni.