BSF hotute hnen atanga thudawn danin, BSF sipai lak tur hi mipa 255 leh hmeichhia 45 a ni a, Mizoram-a cheng Schedula Tribe tan bik dil theih a ni a. Spetember ni 1 atanga ni 18 chhung dilna hi theh luh theih niin, kumin August ni 1-a kum 18 tling chin, schedule tribe nih avanga ngaihhnathiamna kum 5 telin kum 28 aia upa lo tan dil theih a ni a, diltu chu pawl 10 pass a ni tur a ni.
BSF hotute chuan, tuna sipai lak tur hi Mizoram chhunga chengte tan liau liau-a buatsaih a nih avangin Mizo thalai a tam thei ang ber dil turin a chah a. Sipai 300 lak turah hian Mizoram atanga hnawh khat thei an awm lo a nih chuan State dang atanga hnawh khat a ngaih dawn avangin tuna hun tha an neih chu bawh pelh lova, Sipai an luh theih nan thalai a tam thei ang ber dil turin an chah a ni.
Sipai lakna hi Serchhip, Champhai leh Khawzawl District tan Serchhip Stadium-ah, Lunglei, Hnahthial, Lawngtlai leh Siaha District tan Lena Stadium, Lunglei leh Aizawl, Mamit, Koalsib leh Saitual District tan Rajiv Gandhi Stadium Mualpui, Aizawlah neih a ni dawn a ni.
No comments:
Post a Comment