“State University hi Congress Sorkar lai chu nise Lungleiah dah a ni ngei ngei ang" - F.Lalngaihzuala G/S LDCC

Lunglei 24/8/2025: Pu F. Lalngaihzuala Gen. Secy LDCC chuan Mizorama hmasawnna ruhrel tam ber hi Congress hunlai a thawh a ni a, Sorkarna lo chang tawh PC leh MNF te pawhin kan ram tan theihtawp an chhuah ve tho a,  tunhnaiah ramhruaitu hmasate thlantui pawh zah miah lova engmah thawklo ang a sawi tu te an rawn chhuak hi kan ram hian a la tuar zel dawn a, hetianga hruaitu hmasa te diriam hi Mizo zia pawh a ni lo ve  a ti.

He thu hi vawiin a Congress Bhawan-a Political Session Pu T. Hrangkhuma, Lunglei ‘N’ Block-I Congress hruaitu  kaihhruaiah sawiin Pu F.Lalngaihzuala chuan Lunglei Dist leh he khawpui chhunga hmasawnna ruhrel tam tak, LWGSS Phase-I, Nghasihzaua Power pawhluh, Phullem phah, Science Centre, Education Complex leh Deptt hrang hrang Office te hi Congress hunlaia  sak a ni a, awmlo ata hi awmah a chhuah thin a ni, a ti. Tun Sorkar-ah chuan kan neih ve theih reng tur a ngaih leh Lunglei leh chhimlam mipui zawng zawngin, Mizoram State University hi Lungleiah awm ve ngei se tih an duh ngawih ngawih laiin ZPM Sorkar leh  ZPM MLA  te hian Lungleiah dah loh dan phet an ngaihtuah thung a, hei hian Lunglei mipui rilru a ti na a ni tiin Congress Sorkar lai chu nise i he lovin Lungleiah dah a ni ngei ngei ang a ti.  

“Kan danglam dawn a ni” ti tu te hnuaiah   kawngpui a chhe em em a, tunah chuan danglamna maktak hnuaiah kan awm vel ta a nih ber hi a ti.Tuntum a kawng chhiat ang em em hi Mizoram in a la tawng lo tih sawiin a chhan berah chuan kawngpui an ngaihsak loh vang a ni a, mahni kutzal a tih tur emaw thil hawn emaw nei lo an ni a, Sorkar hmasa thil tih leh hmalak tawh na a parchhuan tum an ni a, amaherawhchu an mahni ngei hian enge an tum leh an duh ber pawh hi   an hrechiang ta lo niin a lang a ti.

HPC hnuaia hnathawhna hrang hrang te hian belhchian a dawl lova,GST awl duh vangin Rs Nuai 10 hnuai lamah hna an thensawm a, mi tlem te kutah pawisa lut in hei vang te hian Lungleiah pawisa a vang ta  niin a ngaihtheih a ti. 

An Campaign lai a ‘kan ti ve lovang’ an tih zawng zawng kha an ti leh vek tawh a, a thlang tlingtu mipui an beidawng chho mek a, ZPM worker leh a thlangtu tam tak tak harsa zawk te chuan Inthlan a Congnress Vote an chak tawh thu hi khawlai titi(talk of the Town) a ni leh tan tawh a ti. 

Political Session neih zawh hnu hian LDCC Evangilical Cell te chuan ram tan a huhova tawngtaiin hun an hmang chhunzawm a ni. 

"MZU Southern Campus kha Congress sawrkar khan min tuipui ṭha tawk lo niin a lang. - Dr K Pachhunga Ex MLA

"MZU Southern Campus kha Congress sawrkar khan min tuipui ṭha tawk lo niin a lang a, tuna State University hi ZPM sawrkar hian chhim lamah dah a tum lo hrim hrim a ni."   -Dr. K. Pachhunga Ex-MLA

Vawiin Ni 25.8.25 (Mon) hian MNF Party chhung inkhawm chu Mizo hnam run, Lungleiah hman a ni a, he huna political session huna thusawitu Dr. K. Pachhunga (Ex MLA) chuan chhim lama University chungchang a sawi. 

Dr. K. Pachhunga chuan,"Kawlchaw West-a YMA Sub-Hqrs Lunglei rorelnaah MZU Southern Campus hi agenda-ah telhin pass a ni a, khatih laia YMA President leh Secretary kha a hnuah politics a an luh zui avangin duh angin hma a lak ṭhat zui hleih theih loh a, kum 2008 khan MZP Lungleia adviser ka nih laiin, MZP Lunglei hmalakna in India  President  hnenah dilna kan thehlut a, khatih laia Governor kha a copy pawh kan va pe a, khatih hunlai a MZP Hqrs Lunglei President Pu Lalbiakchhunga Ralte leh Pu. K. Lalrinawma (Tuna LMC Vice chairman nita) te nen hian kan va hmu nghe nghe a ni. 

Chumi hnuah Lunglei YMA hmalaknain Co-ordination committee din a ni a, chairman-ah ka awm a. Khatih laia MZU committee sang khan ngun takin a ngaihtuah a, study team dinin member paruk awmna an siam a, chumite chu Lungleiah vawi hnih an lo kal a, committee in kan lo dawngsawng a, a hmun tur pawh Pukpui VC ten ram min pek an remti a ni. Kha kha thui tak hmalak a nih laiin, khatih laia congress sawrkar khan duhthusamin min tuipui lo ni berin a lang a ni," ati. 

Dr.K.Pachhunga chuan, "kum 2018 a MNF a sawrkar khan CM Pu Zoramthanga leh Higher & Technical minister Dr. Thangtea hoin kan bei nasa a, a hmun tur pawh revenue deptt. -ah land lease tihfel hman a ni a. Theihtawp chhuaha beih a nih hnuah central sawrkar lam pawhin min remtihpui hnuah covid hrilengin min tibuai zui ta ni. India sawrkarin higher education kalphung  thlakin, 'state tinin State university neih vek tur"  a ti a. 

MNF sawrkar khan committee a siam hman chauh a, ZPM sawrkar a lo piang ta a ni. Tuna sawrkar hian chhim lam hawi duh miah loin, Aizawlah dah a tum nghal a, 'Lungleia dah ngei tura zirlai pawl te an ngen viau laiin, chhuanlam hrang hrang siamin Lunglei chu dahna tlak rih lohah min chhuah ta a ni ber, " a ti bawk. 

He hun party chhung inkhawm hi C. Lalremmuana Secretary MNF Sub Hqrs Lungleiin kaihruaiin, H. Lalawmpuia'n hunserh a hmang a ni.

Dampa bial By-election neih tura ZPM candidate atan Pu Vanlalsailova ruat a ni.

Dampa bial By-election neih tura ZPM candidate atan Pu  Vanlalsailova ruat a ni.

Aizawl 25th August, 2025: Dampa bial By-election neih tura ZPM Candidate tur hi vawiin khan ZPMPresident Pu Lalliansawta'n party Office-ah a puang a, by-election neih hun tur tak chu chiang taka hriat la ni lo mah se, kum 2023 MLA inthlana he biala ZPM ticket a lo ding tawh Pu Vanlalsailova chu candidate atan ruat a ni tih a sawi.

Tarlan tawh thin angin Dampa bialtu MLA, Pu Lalrintluanga Sailo chu kumin July ni 21 zan dar 9 khan Mew Delhi Max Hospital-ah a thi a, a bial ruak hnawhkhat tur hian inbuatsaih mek a ni. Source : Zpm Thalai Hqrs Zpm Facebook

Lunglei District-ah thubuai 613-ah 410 =ah Sorkar lam chak

Kumin chhung hian thubuai hrang hrangah Lunglei district-ah sorkar tan thubuai 613 khawih zingah hian thubuai 410 ah sorkar lam chakin thubuai 34-ah an chak lo.

He thu hi Lunglei Police te nen dan thar an zirhona-ah Lunglei District Public Prosecutor Pu Malsawmdawngliana’n a sawi a. Lunglei District Court-ah hian Public Prosecutor (PP)-1 leh Additional Public Prosecutor (PP) -7 awmin sorkar tana ukil hi an vaiin 8 an awm a.

An zingah hian Addl. PP Pi C. Lalmihriati chu sorkar tana thubuai khawih tam ber niin thubuai 247 a buaipuiah thubuai 198-ah hnehna changin thubuai 34-ah a chaklo a ni.

Lunglei district SP Pu J. Lalmuankima chuan police in thubuai an neih dan leh thubuai chin fel loh awm chungchang sawiin thubuai chhuitu (case IO) te nen an dinhmun bakah an tan ho dan tur leh an hriat tur tul te inhrilhfiah hun an hmang a ni.

Pi Runliani thattu ni ngei a hriat Vanlalmuanchhana kum 21 chu Central Jail ah dah luh a ni.

Vanlalmuanchhana

Kar kalta Thawhlehni chhun pachanga Aizawl Maubawk venga ama chenna ina kum 80 a upa Pi Runliani thattu ni ngei a hriat Vanlalmuanchhana kum 21 chu Central Jail ah dah luh a ni.

Aizawl South SDPO Pu Stephan Lalremthara hnen atanga thu dawn danin Maubawk, Bethel Venga cheng Vanlalmuanchhana hi a hma lama rinhlelh an hren mi 7-te zinga tel lo a ni a. Nimina Pi Runliani pawisa dahna bag hmuhchhuah atanga chhui zui a an man a ni a.

Cheng 2,000 bawr vel a bag-a awm a lak hnu-ah a hman bang chu Police-in an hmu let a. Inrinni tlai thimhlim khan manin a inpuan hnu-ah court-ah hruai-in zan dar 9 hnu lam khan Central Jail-a dahluh a ni a.

Tualthattu ni a rinhlelh Vanlalmuanchhana hi Pi Runliani te chenna in atanga hla lo te a awm a nih thu Police-te chuan an sawi a. Tualthahna hmuna pheikhawk hniak atangin a chappal bun nena hmehbelin an man a, Police hma-ah a inpuang ta niin SDPO chuan a sawi a ni.

Pi Runliani hi a hrawka zai a nih bakah a nghawngah chemte a vihna hnuhma a awm a. Thisen baw nuaih bulah a ruang hi hmuh a ni a. A thih thu hi Mizoram pumah darh nghalin mipui thinrimna a sosang hle a.

MHIP General Headquarters leh a chenna Maubawk khawtlang bakah hetianga hmeichhia-ah pawh kum upa lam laka tharum thawhna demna thawm hi a ring hle a. Police te'n ngawrh taka an chhui hnu-ah a thattu ni ngei a hriat hi an man ta a, a thah ngei thu a inpuang niin Police chuan an sawi a ni.

Maubawk veng local council leh tlawmngai pawl hrang hrangte chuan nimin khan thuchhuah intawm siamin Pi Runliani thattu ni ngei a hriat man a nih chungchangah Police te chungah lawmthu an sawi a. Dan anga na taka hrem an phut bakah an venga awmzui an remtih loh thu an puang bawk a ni.- Source- AIR

PI RUNLIANI THATTU MAN; A INPUANG

PI RUNLIANI THATTU MAN; A INPUANG

BREAKING NEWS (LPS) : 23.05.2025 INRINNI 9:30 PM: Tunkar tir August ni 19 (Thawhlehni) chhuna Maubawk veng  Pi Runliani (Pi Luti) kum 80 mi an chenna ina thattu nia puh Vanlalmuanchhana Kum 21 S/o. Zairemmawii Maubawk Bethel veng chu vawiin tlai khan Aizawl Police ten an chenna Inah an man a, zanin dar 6:00 - dar 6:30 inkar vel khan a inpuang a, zanin dar 9:00 vel khan Central Jail-ah dah luh a ni .

Maubawk venga tualthahna hi Police ten ngun tak leh ngawrh takin an chhui a, rinhlelh engemawzat pawh an la a, rinhlelh thente chu darkar 72 remand an nih hnuah vawiinah ni 10 dang court ah remand dil belh a ni a. Hetiang anih lai hian Police hotute hnen atanga LPS thudawn danin rinhlelh zinga tello Vanlalmuanchhana hi man ani ta a, Pi Runliani te in atanga hla vaklo a awm niin Pi Runliani dawr bag vawiina an hmuh chhuah chhui zuina atanga man a ni a, a thah ngei anih thu pawh police hnenah a inpuang a, a inpuanna mai bakah an hnuchhuina nen a chet dan hi a inhne rem thlap niin an sawi a, a pawisa lak cheng sanghnih chuang atanga a hman bang pawh hmuh let a ni. (LPS NEWS)

EVENING NEWS LAWRKHAWM ( 23.8.25 )

                            Chief Minister Pu Lalduhoma’n PM Ekta Mall    sawrkarin a din tur chuan thalai mi 220 vel tan      hna thar a siam dawn a ti.

Vawiina Aizawl Chawnpui venga PM Ekta Mall sak tur lungphum a phumnaah he thu hi sawiin Chief Minister chuan PM Ekta Mall chu kum 2023-24 SASCI part 6 hmanga sawrkar laipuiin a ruahman thu a sawi a. Ram chhunga thilsiam chhuah pho chhuahna hmunpui, International Market thleng phaka tualchhung kutchhuakte zawrhna tur a nih thu sawiin Mizoram Ekta Mall-ah state hrang hrangin stall an nei ang a, Mizoram pawhin state hrang hrangte Ekta Mall-ah Stall a nei ve bawk dawn tih a sawi a ni.
Chief Minister chuan One District One Products, Geographical Indication Product leh kut themthiamte kutchhuak thehlarna leh zawrh chhuahna hmunpui a nih dawn avangin Mizoram chhunga district tinin PM Ekta Mall-ah hian stall an nei dawn tih a sawi a. State leh UT te dawr tur 36 leh Mizoram district tinte stall tur 11, a vaiin stall 47 tal a awm dawn thu a sawi a. PM Ekta Mall sa tur hian Ministry of Health & Family Welfare hnuaia Public Sector Undertaking lar tak, HLL Infra Tech Services hman an nih dawn thu leh a enfiah hna IIFCL in Project Management Unit-a tangin an thawh dawn thu a sawi a. A sak hna thawktute chu hun bi tiam chhunga sa zo tura fuihin sa zo satliah lo a, tha tak leh quality sang taka sa zo turin a hrilh bawk a ni.

Tourism Minister Pu Lalnghinglova Hmar pawhin thu sawiin PM Ekta Mall tih awmzia chu inpumkhatna bazarpui tihna a nih thu a sawi a. Sumdawnna hmunpui tur, a awmna veng mai bakah Mizoram tana hmun tangkai tak tur a nih thu a sawi a. CM hian bul lo tantu Tourism Minister hlui Pi Lalrinpuii chunga a lawm thu a sawi bawk a ni.

 ============================

Social Welfare Minister Pi Lalrinpuii’n hmeichhe naupang chu an inchhungkhur mai bakah sikulah leh khawtlangah thlamuang taka an awm theih nan venpui reng a tul thu a sawi.

 

Vawiina hmeichhe naupang te venhimna tur inrawnkhawmna State Level Multi-Stakeholders Consultation on Safeguarding The Girl Child : Towards a Safer and Enabling Environment for Her in India hun a hmanpuinaah he thu hi Pi Lalrinpuii chuan a sawi a.  

Minister chuan Mizoram chu ziak leh chhiar thiam tamna lamah India ramah a sang a, mipuite an vengva bawk tih sawiin hmeichhe naupangte humhim kawngah India ram hmun dang aiin Mizoramin a titha niin a hriat tih a sawi a. Mizo khawtlangah hmeichhiate an zalenin an vannei hle tih sawiin hetihrual hian hmasawn zel an la ngaih thu a sawi a.  

Hmeichhe naupangte an inchhungkhur mai bakah sikulah leh khawtlanga an himna chu sawrkar hmalakna bik tur ni lovin kohhran, khawtlang leh tlawmngai pawl hrang hrangte bakah zirtirtute nen thawhhona tha tak neih chhunzawm zel a pawimawh tih a sawi a ni.

 

Gauhati High Court Judge, Justice Michael Zothankhuma pawhin thu sawiin India ramin dan chi hrang hrang hmanga hmeichhe naupangte chanvo leh humhimna a siam thu leh zawm that a pawimawh thu a sawi a. Mizoramah a vawikhatna atana hetiang hun buatsaih a ni chu hmasawnna pawimawh tak a nih thu leh hei hian awmze nei zawka hmeichhe naupangte humhim kawngah hmasawnna a thlen ngei a beisei thu a sawi a ni.

 

He hunah hian hmeichhia te venhimna tur zirho a ni a. Thupui hrang hrang zirhona leh sawihona hun chu a kaihhnawih Mizorama sorkar department hrang hrang aiawhte kaihhruaiin hman chhunzawm a ni.

Social Welfare Minister Pi Lalrinpuii’n hmeichhe naupang chu an inchhungkhur mai bakah sikulah leh khawtlangah thlamuang taka an awm theih nan venpui reng a tul thu a sawi.
Vawiina hmeichhe naupang te venhimna tur inrawnkhawmna State Level Multi-Stakeholders Consultation on Safeguarding The Girl Child : Towards a Safer and Enabling Environment for Her in India hun a hmanpuinaah he thu hi Pi Lalrinpuii chuan a sawi a.  

Minister chuan Mizoram chu ziak leh chhiar thiam tamna lamah India ramah a sang a, mipuite an vengva bawk tih sawiin hmeichhe naupangte humhim kawngah India ram hmun dang aiin Mizoramin a titha niin a hriat tih a sawi a. Mizo khawtlangah hmeichhiate an zalenin an vannei hle tih sawiin hetihrual hian hmasawn zel an la ngaih thu a sawi a. Hmeichhe naupangte an inchhungkhur mai bakah sikulah leh khawtlanga an himna chu sawrkar hmalakna bik tur ni lovin kohhran, khawtlang leh tlawmngai pawl hrang hrangte bakah zirtirtute nen thawhhona tha tak neih chhunzawm zel a pawimawh tih a sawi a ni.


Gauhati High Court Judge, Justice Michael Zothankhuma pawhin thu sawiin India ramin dan chi hrang hrang hmanga hmeichhe naupangte chanvo leh humhimna a siam thu leh zawm that a pawimawh thu a sawi a.  

Mizoramah a vawikhatna atana hetiang hun buatsaih a ni chu hmasawnna pawimawh tak a nih thu leh hei hian awmze nei zawka hmeichhe naupangte humhim kawngah hmasawnna a thlen ngei a beisei thu a sawi a ni.
He hunah hian hmeichhia te venhimna tur zirho a ni a. Thupui hrang hrang zirhona leh sawihona hun chu a kaihhnawih Mizorama sorkar department hrang hrang aiawhte kaihhruaiin hman chhunzawm a ni.  

                                                ========


Social Welfare Minister Pi Lalrinpuii’n hmeichhe naupang chu an inchhungkhur mai bakah sikulah leh khawtlangah thlamuang taka an awm theih nan venpui reng a tul thu a sawi.

 

Vawiina hmeichhe naupang te venhimna tur inrawnkhawmna State Level Multi-Stakeholders Consultation on Safeguarding The Girl Child : Towards a Safer and Enabling Environment for Her in India hun a hmanpuinaah he thu hi Pi Lalrinpuii chuan a sawi a. Minister chuan Mizoram chu ziak leh chhiar thiam tamna lamah India ramah a sang a, mipuite an vengva bawk tih sawiin hmeichhe naupangte humhim kawngah India ram hmun dang aiin Mizoramin a titha niin a hriat tih a sawi a. Mizo khawtlangah hmeichhiate an zalenin an vannei hle tih sawiin hetihrual hian hmasawn zel an la ngaih thu a sawi a. Hmeichhe naupangte an inchhungkhur mai bakah sikulah leh khawtlanga an himna chu sawrkar hmalakna bik tur ni lovin kohhran, khawtlang leh tlawmngai pawl hrang hrangte bakah zirtirtute nen thawhhona tha tak neih chhunzawm zel a pawimawh tih a sawi a ni.
Byte of Minister Pi Lalrinpuii

Gauhati High Court Judge, Justice Michael Zothankhuma pawhin thu sawiin India ramin dan chi hrang hrang hmanga hmeichhe naupangte chanvo leh humhimna a siam thu leh zawm that a pawimawh thu a sawi a. Mizoramah a vawikhatna atana hetiang hun buatsaih a ni chu hmasawnna pawimawh tak a nih thu leh hei hian awmze nei zawka hmeichhe naupangte humhim kawngah hmasawnna a thlen ngei a beisei thu a sawi a ni.
He hunah hian hmeichhia te venhimna tur zirho a ni a. Thupui hrang hrang zirhona leh sawihona hun chu a kaihhnawih Mizorama sorkar department hrang hrang aiawhte kaihhruaiin hman chhunzawm a ni.

 ==============================================================

All Mizoram CSS Employees Coordination Committee-in CSS Employee tana duan, CSS Regularization Scheme 2024 hmanga Health Department hnuaiah Provisional Employee mi 31 dahngheh an ni chu an lungawi loh thu an sawi a, karleh Zirtawpni August ni 29 hmaa sut turin Sorkar an phut.

 

All Mizoram CSS Employees Coordination Committee hi nimin khan Vaivakawn YMA Hall-ah an thukhawm a, kumin May ni 19 khan CSS hnuaia thawkte an ngheh theihna turin Sorkar an ngenna chu vawiin thlengin chinfel a la nih loh laia August ni 21-a Health Department hnuaia Provisional Employee 31, CSS Regularization Scheme 2024 hmanga dah ngheh an ni chu an hrethiam lo tih an sawi a.

 

CSS Regularization Scheme 2024 chu CSS Employee tana duan a ni a, vawiin thlenga a scheme neitu CSS hnuaia thawkte dah ngheh an la nih loh laia, Provisional Employees-te hman tir a ni chu thil dik ni-a an hriat loh thu leh an lung a awi loh thu an sawi a, hei hi karleh Zirtawpni hma ngeia sut turin Sorkar an phut a, an beisei anga hmalakna a awm lo a nih chuan an kal zel dan tur an ngaihtuah leh dawn tih an sawi.  

 

                                            

 

23rd.AUGUST . 2025 ( Sat ) LAWRKHAWM

Mizoram ah kawlphetha- hman man bill pekna system chi khat 'UGO Electric Billing System' chu hman tan a ni tawh a, software thar puanzarna hun hi P&E minister Pu F Rodingliana- hovin nimin ah hman a ni.

Power minister Pu F. Rodingliana chuan a vawi khat nan a, Mizoram puma billing- software thuhmun hman a ni ta chu hmasawnna lawmawm tak anih thu asawi a, he system hi, a hma a, bill pekna system, an lo hman thin aiin a tha zawk a, mipuite tan awlsamna a thlen dawn tih a sawi. Power department hmalakna sawi bawkin, Transformer indaih lohna te phuhruk turin a thar leina tur budget-ah dah belh anih thute, tunah pawh a thar 60 lei belh leh tura buaipui mek anih thu te, Mizoram hmun hrang hranga kawlphetha- pekna transmission line pawimawh zualte double- source nei vek turin hmalak chhoh mek anih thute a sawi a. P&E hnuaia thawk kalkhawmte chu mipui tana thawk annih anga inpekna thuk zawk nena inhawng taka mahni- awmhmun theuh ah mipuite tana thawk turin a chah bawk.

Inkhawm a an tarlan danin, UGO Electric Billing- System Software hi Mizoram pumah August Ni 1 atang khan hman tan ani a, he system thar hi Inventive Solution kutchhuak ani a, He billing system hi cloud- base niin mobile, android leh IOS application hmangin Mizoram khawi hmun atang pawhin online hmanga bill pek theih a ni ta a ni. Tun dinhmun ah Mizoram pum ah electric connection nei, nuai 3, sang 1 leh 130 (310130) an awm a, an zinga nuai 2, sang 1 leh 843(201843) ten, August 2025 bill an pe tawh a, bill dawn tawh zawng zawng zat hi cheng vaibelchhe 17.73 (Rs. 17.73) niin, online- payment a bill dawn zat chu, cheng vaibelchhe 9.92 (Rs. 9.92 Crore) anih laiin, Counter a bill dawn zat chu, cheng vaibelchhe Rs. 7.81 (Rs. 7.81 Crore) a ni.

=============

All Mizoram CSS Employees Co-ordination Committee (AMCECC) chuan, Provisional Employee, mi 31 CSS Regularization Scheme 2024 hmanga dah nghehna chu, August ni 29- hma ngeia sut turin sorkar an phut.

All Mizoram CSS Employees Coordination Committee chuan nimin khan emergency meeting an nei a, Office order, august ni 21, 2025 hmang hian Provisional Employee, mi 31 ngawt mai chu CSS Regularization Scheme 2024 hmanga dah ngheh an ni a. CSS Regularization Scheme 2024 hi, CSS Employee tana duan ni siin, vawiin thlenga a scheme neitu CSS hnuaia thawkte dah ngheh an la nih loh laia, Provisional Employees-te hman tir a ni ta ngawt mai hi thil dik niin an hre lo a, an lung a awi lovin, he order hi ni 29.08.2025 hma ngeia sut turin Sorkar an phut a, an beisei anga hmalakna a awmlo anih chuan kal zel dan tur an rel ang tih an tarlang.

CSS hnuaia thawkte an ngheh theihna tura Sorkar hnena an thlen tawh ‘Government of Mizoram Regularization of CSS Employees Scheme, 2024’ an hman theihna tura, harsatna an tawh hrang hrang heng– Copy of advertisement; Copy of Constitution of approved DPC; Copy of DPC Meeting Minutes leh Corresponding substantive post, vawiin thlenga chinfel sak an la nilo leh hmalakna pawh, ala awmlo ni a hria in, arang thei ang bera chinfel sak turin sorkar an phut a ni.

==========

Saikuti Hall enkawlna Lunglei Municipal Council (LMC) kuta dah anih hnua a hmasa ber atan, nimin khan LMC thuneitute chuan Chairman Pu Lalzuithanga hovin Saikuti Hall an tlawh a, a dinhmun leh hmalak dan tur an enfiah.

Saikuti Hall Managing Committee leh LMC inkara inremna leh intiamkamna, 'terms & conditions' thuthlung ningani a ziah fel anih hnuah nimin khan LMC hotute chuan a dinhmun leh a enkawl zui zelna atana thil ṭul turte zir chian pahin Saikuti Hall hi an tlawh a. LMC aṭangin Chairman Pu Lalzuithanga, Vice Chairman Pu K. Lalrinawma, Executive Councillor - Pu Zorinsanga Hmar leh Pi Lalhruaitluangi Sailo, Councillor Pi Lalmuanpuii Renthlei, Secretary Pi Zoramdini leh official dangte an tel a. Saikuti Hall pindan hrang hrangte en kualin, chei ṭhatna atana ṭul leh pawimawh tur hrang hrangte an sawi ho.

LMC Chairman Pu Lalzuithanga chuan an dilna ngai pawimawha sawrkar thuneitute'n Saikuti Hall enkawl hna LMC kuta an dah fel ta chu lawmawm a tih thu sawiin, Saikuti Hall chu Lunglei hmel lanna leh Lunglei ti-Lungleitu pakhat a nih angin a ṭha thei ang bera enkawl an tum thu a sawi a. Saikuti Hall chei ṭhat ngai eng emaw zat a awm tih sawiin, sawrkar inhawnna azarah State Priority Projects (SPP) aṭangin a chei ṭhatna tur sum awm thei dawna a lan thu leh a chei ṭhat kawngah hma lak chhoh a nih tur thu a sawi bawk

=================

MNF  General Secretary Er Lalrinawma'n an party in, Mizo hnam din chhuah loh a hlau tih a sawi.

Minister hlui Er Lalrinawma chuan MNF chu pasaltha- tam takin nunna hlu tak an hlanna party anih thu leh hnam thuthlung vuan tlat tur an nih thu a sawi a, zalenna sualna kum 60-na cham kan lawm dawn mek lai hian hnam tan, kan inhlan thar tur a ni, a ti a; Hnam Pa Pu Laldenga leh hnam tana martar-te thinsen ah in baptist thar a, hmalam pan zel turin an party mite a sawm.

Vawiina party- inkhawm hi Mizo National Women Front (MNWF) puala hun hman ani a, 'Naupang leh hmeichhe chunga hleilenna' dona kawnga athawh that avanga Zakapa- Award dawngtu Pi Khawlrinpuii hnenah lawmpuina hlan ani a, MNWF President Pi K. Lalrengpuii chuan award dawngtu Pi Khawlrinpuii hnenah pawisa fai ahlan a ni.

Inkhawm hi Pi K. Lalnunheli, MNWF General Secretary-in akaihruai a ni.

====================

Congress President Pu Lal Thanzara'n Chief Minister-in, Independence Day-a thuchah a sawi ah Prime Minister Pu Narendra Modi-a- thawhpuite kut tichak tura zoram mipuite sawmna thu asawi chhuak ta mai chu vanduaithlak atih thu a sawi.

Nimina Congress Bhavan a Political session leh mithar lawmluhna inkhawm an neih ah thu sawiin Congress President chuan Chief Minister in  Independence day lawmna ah thu tam tak a sawi tihte, khatah khan a speech a, ziah lan chiah loh I&PR in thuchhuah an siam ah Ram zalenna humhim tur leh ramin hma a sawn zel theih nan Prime Minister Pu Narendra Modi-a- thawhpuite kut tichak tura zoram mipuite min sawm thu te an tarlang tih a sawi a, a tarlang tute chu sawrkar thupuangtute annih thu leh adik tura an ngaih thu a sawi a, tunhnaiah India- ram chhung hmun hrang hrangah Kristian te chunga hleilenna a thlen mek laia Chief Minister in Modi-a- kut tichak tura Mizo mipui a sawm ta mai chu a vanduaithlak takzet tih a sawi.

Pu Lal Thanzara chuan Pathian zarah kum 2028 ah an sawrkar chuan, NLUP Policy, Pathian lamtang, ‘Heng mi te ber te zinga, pakhat chunga intih hi ka chunga ti inni.’ atih angin NLUP hmangin khawpui leh thingtlang mirethei te dinhmun chawikan an tum thu asawi bawk a ni.

Friday Political Session hi Pu F. Lalhmangaiha, Gen. Secy. MPCC chuan akaihruai a, MPCC President chuan Congress zawm thar mi 26 alawmlut bawk.

==================

Nimin khan Pu Lalramliana Papuia MLA Lunglei South chuan,  Tawipui North-I ah, Party dang atang a ZPM zawm thar mi 15 a lawmlut.

Pu Lalramliana Papuia MLA Lunglei South chuan thu sawiin "ZPM Sorkar hi sawi chhe tawk, awm mahse, khawtlang hruaitu leh mi pangngai tak tak ten min la belhchhah chhunzawm zel avangin Party dangte ai chuan ram rawngbawl turin mipui rin hlawh ber a la ni tih alang chiang a ni." ati a, Kumin kum tira VC inthlan hnu, thla reilote ah pawh Lunglei south bial chhungah a tira ZPM Sorkarna nilo, VC 6 ah Sorkarna siam belhin Party dang aṭangin VC Member 13 laiin min lo belhchhah tawh a ni a ti a. Village Council 26 awmah ZPM hian VC 17 a nei tawh a, VC member zawng zawng 62% chu ZPM VC Member anni a. Local council-ah pawh LC 6 awm atangin ZPM hian LC 2 ah ro arel a, LC member zawng zawng aṭanga 50% chu ZPM LC member anni, a ti bawk. 

=============

Nimin BJP Mizoram State Office, Mipui Rûn, Upper Republic-ah Friday Political Session hun neih niin, Pu K. Changliana'n inkhawm a kaihruai a, Pu Devesh Kumar, MLC & BJP Mizoram State Prabhari-in BJP zawm thar a lawmlut a, State President Dr. K. Beichhua, MLA-in thu a sawi bawk. 

State Prabhari, Pu Devesh Kumar chuan, "mi 23 lai maiin BJP an rawn zawm hi a lawmawm êm êm a, khawvela chhungkaw lian ber BJP Family-ah lawm takin ka lo lawmlut che u a ni," a ti. Sairang relkawng rawn hawng turin Prime Minister Narendra Modi chu September 13-ah Aizawl a rawn kal dawn a, Hmarchhak state-te hmasawnna ngai pawimawhtu a nih zia a lang chiang hle a ni, rel rawn lut tur hi hnam inchimralna tur ni lovin, hma kan sawn zelna atana khaw ṭha leh khaw chhe hnuaiah pawh englai pawha inkalpawhna ṭha kan neih theih rengna atana hmalakna kawng khat a ni," tiin a sawi bawk. 

Dr. K. Beichhua, MLA State President pawhin thusawiin, "Mi 23 BJP rawn zawm thar kan neih te hian thutlûkna dik kan siam a ni," a ti a. "Pastor Chhawna inlarnaah chhimlam aṭangin pangpar alo par tur thu a lo sawi lawk tawh, kan hmu a, tunah chuan chhim lam aṭangin pangpar a par chhuak mek a ni tih ka hmu a, MADC-ah BJP, a sawrkar a, LADC-ah BJP kaihhruai a sawrkar mek bawk a ni. CADC ah pawh BJP lian tak leh ṭha takin kan awm mek a, Lunglei khawpuiah pawh BJP rawn zawm tur, a inmung mek a, vawiinah chuan BJP nih pawimawh zia kan hriain, BJP nih kan zak tawh lova, mi ṭhenkhatte'n BJP nih avanga Kristian lo tur emaw tia ngaihna an nei ṭhin a, kan hriat tur pawimawh chu; Isua- min chhandamna hi BJP nih leh nih loh ah a innghat lo a ni tih kan hriat a ngai a ni," a ti bawk.

=========

Tlabung khawtlang hruaitute chuan nimin khan BJP Mizoram State President Dr. K Beichhua chu a pisa-ah kawmin, Lunglei atanga Tlabung panna kawng leh thil pawimawh dang an thlen.

NH 302 Ngaihven Pawl leh Tlabung Village Council aiawhten Mizoram BJP State President hi a pisaah kawmin, an khaw kawng pawhtu NH 302 sial hna thawh a nih danah thil fel lo tam tak a awma an hriat chungchang an sawipui a, National Highway 302 chu mipuiten chakkhai an lakluhna ni ringawt loin, insumdawn tawnna leh venhim hna thawhna atana hman tangkai tur a nih avangin, a nih dan tur anga siam a pawimawh thu an sawi.

Heng bakah hian, Sorkar laipuiin Scheme hrang hrang a duante chuan an khua leh achhehvel athleng pha ngai mang lo nia sawiin, a tul anga Sorkar laipui hotute hnena thlensak turin an ngen a, Dr. K Beichhua chuan Tlabung khawtlang hruaitute thu thlen chu pawimawh a tih thu leh, theih ang anga lo en zui a tum thu, a lo hrilh a ni.

===============

Nursing School Lunglei (NSL) chuan nimin khan 31st batch zirlai tharte lawmna (freshers' social) leh 28th batch zirlai chhuak turte thlahna (farewell) hun an buatsaih.

NSL Auditorium-a hun buatsaihah hian NSL Choir te'n hawnna hla sa in, Tutor Miss Lalthankimi'n hunserh a hmang a. Principal Pi C. Rothangpuii chuan zirlai tharte lawmna thu leh zirlai chhuak turte thlahna thu sawiin, an zirlai leh hna thawhnaah ṭhahnem ngai tak leh rawngbawlna rilru pu-a theih tawp chhuah turin a fuih a. Zai leh lam leh chanvo hrang hrang ngaihthlak leh thlir ho niin, tlai lamah chawhlui kil ho a ni bawk.

Nursing School Lunglei hi kum 1995-a din niin, Indian Nursing Council (INC)-in phalna a pek angin kum tin General Nursing & Midwifery (GNM) zirlai 20 lak ṭhin an ni a. GNM hi kum thum zir niin, tun dinhmunah NSL-ah hian 29th, 30th & 31st batch zirlaite an awm mek a ni.

LMC area-ah Damdawi Wholesale dawr 26 leh Restricted Licence nei 420 a awm:

                                

 

Lunglei Dist. chhungah  General Drugs Store 60 a awm a, Lunglei khawpui(LMC) huam chhungah dawr 59 awm mekin Hnahthial-ah 1 a awm.  General Drug store atang hian a hlawm leh a mal pawh a damdawi hralh theihna nei an awma.  Lunglei khawchhungah Drugs Wholesale dawr hi 26 a awm a, Restricted Licence nei erawh 420 zet a awm.  

Asst. Drugs Inspector  Pu Mala hnen atanga ZUNZAM News thudawn dan in damdawi  ruih theih chi Drugs store na zawngin an zawrh phalloh Codain ang chi hi dawrte zawk apiangah man tur a tam zawk  tih a sawi a, tunhnaiah pawh damdawi dawr  atang pawhin Codain  engemawzah Police ten an man kha thuneitu lian lamah thlen a ni a, engtianginnge hma an rawn lak dawn hriat a ni lo a ti.

 Lunglei Municipal Council(LMC) huam chhungah  Whole Sale Drugs store leh Restricted  Licence hi pek chhuah vak an tum tawh lo tih thudawn a ni a, hetihrual hian Pharmacist te erawhin Drugs Licence hi an dil anih chuan an entitlement anih miau avangin pek loh theih a  ni lo tih thudawn a ni. Drugs Licence hi in hawh tir phal anih loh thu leh Pharmacist in a nghak anih loh pawhin Damdawi dawr nghak tur hian Cl-X pass chin, Pharmacist in a vil tur a ni tih chu dan awmsa a ni tih sawiin hming in hawh tir hi hriat chhuah anih chuan cancell theih a ni a ti. 

Asst. Drugs Inspector hian Lunglei Dist chhunga Medical Represent = MR ( Company damdawi zuar ) ten damdawi an rawn chawkluh hi thla tin an lo endik ve thin thu leh Regional Drugs Testing Laboratory(RDTL) Guwahati-ah thawn thin anih thu leh tunah hian result nghah mek an nei tih a sawi. Import Licence anih loh chuan bungraw dang ang bawkin rampawn lam atanga damdawi lakluh, Nghapui thau chenin man theih a ni. 

                                

 

Civil Hospital Lungleia damlo awm man MUHCS atangin Rs 1,64,27,453.83 tumsak tawh an ni.

Lunglei 23/8/2025: Mizoram Universal Healthcare Scheme(MUHCS) hnuaiah kumin April thla atanga 17th Aug.2025 thleng khan Civil Hospital Lungleia damlo 2129 hnenah an damdawiin awm man chawisak tawh zat chu Rs 1,64,27,453.83/-a ni. 

Civil Hospital Lungleiah hian Main Gate bulah MUHCS Counter a awm a, thawktu 7 awm mekin  a pangngai a Registration tih hun chhung khan mi 1471 an in ziah luh thu leh Grace Period an tih mai August thla tun a kallai mekah mi 114 an in ziah luh belh leh a, heti hian tun dinhmunah mi 1585 an in ziak lut an ti. Golden Card hmanga Health Care scheme zawm te an awm nual a, damlo admit 2637 atangin damlo 2037 awm man chu MUHCS atang hian pek sak an ni tih an sawi.

MUCHS atang hian damlo awm man Bill Rs 1,75,67,563 Sorkar-ah an dilsak (Claim)  atangin Rs 1,64,27,453.83 an dawng(received) tawh a, MUCHS hmangtangkai tawhtu hi Registration ti tu 77% vel a ni  tih kan palai an hrilh. Damlo zingah MUHCS a bill peksak hi Rs Nuai 3 chuang te pawh an awm tih an sawi a, Cabin awm man zankhatah Rs 800 a ni a, heng te pawh hi MUHCS-ah hian a khung vek a ni an ti.

Kumin April atanga 17th Aug thlenga Bill an pek chhuah zat leh damlo zat :

April-ah damlo: 298 tan Rs 19,38,469.23/-

May-ah damlo 344 tan Rs 23,06,351/-

June-ah damlo 458 tan Rs 42,78,764/- 

July-ah damlo 816 tan Rs 64,83,082.60/-

Aug. 17th thlengin damlo 213 tan Rs               14,19,787/- a ni.

                                

 

MNF MLA 3 ten Dampa bial an tlawh.

                             

 

 

MNF MLA pathum Pu R Rohmingliana, Pu Rasik Mohan Chakma leh Pi Prova Chakma te chuan an MLA pui Pu Lalrintluanga Sailo (L) bial ṭhin Dampa South Block khaw hrang hrang hrang an tlawh a.

MNF MLA pathumte hian tun dinhmunah Dampa bialin bialtu MLA nei rih loh mahse, an theih ang angin Dampa bial mipuite chu buaipui a, ṭanpui zel an tum thu an sawi a. An bialtu MLA ṭhin Pu Lalrintluanga Sailo ang maia bialtu MLA ṭha an neih leh ngei an beisei thu an sawi bawk a, Dampa South bial mipuite harsatna a bikin hmuhphia h hralhna chu a theih ang anga House-ah te lo aupui an tum thu mipuite hi an hrilh a ni.

 

Bialtu MLA Pu Lalrintluanga Sailo in a thihsan Dampa bial hian MLA thlan tur By Election a hmabak a, Election Commission chuan inthlan hun hi a la puang lo a, political party te pawhin he bial-a ding tur an candidate te hming an la puang lo a ni.

Hetihlai hian, By Election neih tur atana sorkar inbuatsaihna erawh ngawrh taka kalpui a ni a, EVM/VVPAT First Level Checking neih chu zawh fel a ni a, EVM/VVPAT te hi vehimna tha tak hnuaia awm turin Strong room-ah dah fel an ni.

Dampa bialah hian Polling Station 41 awmin Voter Mipa 10397, Hmeichhia 9961 an vaiin mi 20358 an awm mek a ni.

I.N.D.I.A. Bloc atanga Vice President Candidate, Supreme Court Judge hlui B Sudershan Reddy chuan nomination a file ve leh ta.

                           

 

I.N.D.I.A. Bloc Vice President Candidate, Supreme Court Judge hlui B Sudershan Reddy chuan nimn khan Parliament House-ah nomination a thehlut a,

He hunah hian Congress President Mallikarjun Kharge, Congress Hruaitu Sonia Gandhi, NCP hruaitu Sharad Pawar leh hruaitu dang te an tel a ni.

Vice President thlanna hi thlaleh September ni 9 ah neih a ni dawn a, NDA aiawh in Vice President chuh tur hian CP Radharishnan chuan nimin piah khan nomination a thehlut bawk a, chuh tumte hming leh an lehkha pawimawh thehluhte naktukah endik a ni anga, tun thla ni 25 thleng inhnukdawk duh tan hun hawn a ni.

Vice President Jagdeep Dhankar a’n a hriselna chhuanlama banna a thehluh tak vang in inthlanna hi neih tur a ni a, Vice President inthlan vawi 17-na a ni dawn a ni a, Lok Sabha leh Rajya Sabha member ten an thlang ang.

                           

 

 

Congress Thalai ten Pu Lalduhawma CM chu thudiklo sawi bansan turin an chah

                                        

 

Congress thalai chuan Chief Minister Pu Lalduhoma chu Mizo mipuite hnenah thudiklo sawi a chin bansan turin an phut thu an sawi.

Vawiina Aizawl Press Club a thuthar thehdarhtute an kawmnaah, MPYCC Sr. vice President Pu Ngurdingliana Pachuau chuan tunhnaia CM Pu Lalduhoma’n a facebook ah Mizo ṭhalai 300 Border Security Force (BSF) a lakna tur chu Union Home Minister Pu Amit Shah hnena a dil chhuah anga a sawi chu thudiklo hulhual a ni tih sawiin, Chief Minister chu dawt sawi sim turin a duh thu a sawi a.  

Social Media kaltlanga a thu post dangah India Sipai Agniveer lakna kalpui mek chu MLA Lt. Col Clement Lalhmingthanga’n a vil reng bakah, Sports Minister Pu Lalnghinglova Hmar thahnemngaihna zarah Sport Quota atangin mi 12 an tlin thu a tarlan pawh Politics tenawm tak a ni tih sawiin, hna lak chungchang tihbawrhbanna leh mipui rilru hruai sual tumnaah an ngai tih an sawi a.  

India Sipai, BSF leh a dang te laknaah state sawrkar Minister ten tih theih an neilo tih sawiin, thudiklo leh atthlak tak hmanga Mizo mipui bum tawh lo turin Chief Minister an chah tih an sawi a ni.

Online Gaming Bill chu sawrkarin infiamna pakhat zingah a chhiar tel tawh dawn.

                                            

 

Lok Sabha thutkhawma pass tak Online Gaming Bill chu sawrkarin infiamna pakhat zingah a chhiar tel tawh dawn.

The Promotion and Regulation of Online Gaming Bill 2025 hi nimin khan Information and Broadcasting Minister Ashwini Vaishnaw chuan Lok Sabha ah a pu lut a, Online Gaming chu thalaite tana hmasawnna tur zawk leh changkang zawka siam ani tih sawiin sum inthapna leh diklo taka lak an khap thung a, hremna na tak a awm tawh dawn a ni.

Mizorama Social Activist Pu Lalhriatrenga Chhangte chuan Sawrkar laipuiin Online Gaming Bill a rawn chhawpchhuak chu thalaite tana hmasawnna thar thlen tu ani a ti a, Online Gaming kaltlangin thalaiten hlawkna tha zawk leh dik taka sum an lakluh theih nan sawrkarin dan mumal tak a siam a, pawisa khelhna anga diklo taka sum lakluh an tum nasat thin avangin chhungkaw tam tak leh thalai nun tam tak a chhiat phah a, hei hi sawrkar chuan ti tawpin mumal zawkin a kalpui tawh dawn tih a sawi.