Hei bakah hian Inrinni tlai dar 5 : 00 velah tho khan Khawhri Br. YMA leh Thingsai Police ṭangkawp chuan an thudawn bawhzuiin Khawhri YMA Park bulah Heroin 54.6 grams chu a neitu nia rinhlelh Pu Vanlalpeka hnen aṭangin an man.
An ni hi an rinhlelh avangin Khawhri YMA te hi chan tir an ni a, an khaw daiah an lo chang a, Thingsai Police ko in an man ta a, Thingsai Police Station ah thlen an ni.
Dr. Lalhmangaiha’n hunserh a hmang anga, Sikul hrang hrangin cheraw kanin, zai leh lam leh thusawina bakah lemchan te a awm ang. MZP chuan Mizo mipui zawng zawng he hun hmang tur hian a sawm a, sorkar mi pawimawh, tlawmngai pawl hrang hrang, kohhran hrang hrang, zirna in zawng zawng leh Political Party tinte he hun hmang tur hian a sawm bawk a ni.
Remna Ni denchhen hian tukin dar 7:30 khan Mizo Hnam Run-ah Indian Constitution Article
371(G) phochhuahna function neih a ni bawk.
OFFICE OF THE MEDIA DEPARTMENT, LUNGLEI DIST CONGRESS COMMITTEE.
PRESS RELEASE NO 22 OF 28.06.2025.
Issued by Media Deptt, LDCC.
BCM Gen.Secy in rualbanlo leh mirethei zawk te tan nasa zawk a Kohhran a luanchhuah a hun tawh a ti.
He thu hi vawiin khan BCM Electric veng Biakinah Pathianni zing inkhawmah sawiin BCM General Secretary chuan tunhma ai chuan Kohhran dahsanna pawh a tlahniam ve zel a, a lang a pau a Kohhran rawn bei ngar ngar ang chi te, timna nei miah lova an hmuhdan sawi te an rawn awm ta. Mahse, hei hi min chotu, Kohhran te ngaihtuahna ril zawk min pe tu nise a tha in ka hria a, lo huat ngawt zel hi a tul hran lo a ti.
Kohhran hote hi inenfiah kan ngai takzet tawh tih sawiin khawvelah hian tangkai takin miten min hmu em, Materialism-a intlansiakna nasa lutuk te, ropui chakna te , mit sang lutuk te pawh Kohhranah hian a awm ve mek a ni. Ruihhlo te hi kan ramah a hluar em em a, chumi dolet chu a tul a ni tih hi Kohhran ten hriat a tul. Chubakah chuan NGO tih atana kan zuah tamtak hi Kohhran hian kan hnaah ngai ve tawh ang u a ti. Mirethei tana luanchhuah te, rualbanlo te tana engemaw tih te, tar chaklo chawmtu nei lo, thi mai tur inenkawlna neilo, harsa lutuk te, a nawlpuiin an harsatna kan hmuhpui phak loh kan ramah tamtak an awm. An tan hian Old age Home etc, Kohhran tihtur ni awm tak kan la tih vak si loh a tam.Social welfare deptt in rualbanlo te tana hma an lakna te hi Kohhran tih atan ka awt, mahse kan ramah Kohhran in kan ti ngai si lo. Ramdang Kohhran chuan heti zawng a hmalakna te hi an uar.
Kohhran hian heti zawng a hma kan lak loh chuan khawvel mite leh Biakin thleng pha lo te hian min ngaisang lovang. Kohhran hi kan tan a phet hle thei a ni. Kohhran hi zahpuiawm lova zahawm a kan awm theihna turin tanlak a ṭul. Sawma pakhat pek aiin Zo Inspiration a rethei te tana thawhlawm thawh a luangchhuak duh te an awm tawh. Tul lovah Kohhran hian eng ang sum nge kan senral te hi ngaihtuah a ngai a, A ram leh a felna hi zawn a ngai a ni, a ti.
SCO thutkhawmah India leh Chinese defence minister inbia
Singh-a hi Qingdao, China-a SCO (Shanghai Cooperation Organisation) Defence Ministers Meeting-a tel niin hemi rual hian inkawmna remchang an nei.
General Jun nen hian ram hnih inkara neuh neuh awmte titha zel turin ‘hlawk takin an inkawm a, hma lam thlirna thui tak’ an sawi dun a. Rajnath Singh hian Kailash Mansarovar Yatra chhunzawm tur a lawmawm a tih thu a sawi bawk.
X-ah Rajnath Singh chuan, “Chine Defence Minister Admiral Don Jun-a nen SCO Defence Ministers’ Meeting neihna, Qingdao-ah kan inkawm a. Kan pahnih inkara hlawk taka inkawmin hma lam thlirna thui tak kan sawi dun a. Kum ruk zet a awl hnua Kailash Mansarovar Yatra chhunzawm a ni leh thei tur hi ka lawm a. Tuna kan kal dan tha hi chhunzawm zel tur leh inepna awm theite pumpelh zel tura tan lak ni se kan ti,” tiin a tar lang.
Rajnath Singh hian General Jun-a hnenah hian Madhubani lemziak, Mithila, Bihar-a ziah chu a hlan bawk.
India leh China inkar hi rei tak a chhiat hnuah kum 2024 khan an inrina, Ladakh khawchhak lam, Depsang leh Demchok vela an sipai dah ve ve hnuk kirin an inpawh leh tan a.Kailash Mansarovar Yatra chhunzawm leh tur hi India atanga Tibet ram chhung thleng biakzinna a ni a. Kum 2020 khan Covid-19 leng avangin tihtawp a ni a, June 30-ah hian hemi hnua a hmasa ber tan leh tur a ni.
Kailash Mansarovar Yatra-a tel pawl hmasa ber chuan July 10-ah Lipulekh Pass kaltlangin China an lut dawn a, India panin August 22-ah an chhuak leh ang.Rajnath Singh hi Ningani khan SCO Defence Ministers’ Meeting-a tel tur hian a thleng a, Admiral Jun-a’n a lo dawngsawng nghe nghe a. Ram dang aiawha kalte nen thutkhawm tan hmain thla an la ho nghe nghe.
Thawhtanni khan National Security Advisor Ajit Doval-a chuan Chinese Foreign Minister Wang Yi chu Beijing-ah a lo kawm tawh a, tun hnaia India-China inkara hmasawnna awm leh kalpui mekte sawi dunin inkungkaihna tihchangtlun dan tur te, mihring inpawhna tam zawk a awm theih nana thil tih dan turte an sawi dun.
Thawhtannia an inkawmnaah hian NSA Doval-a hian firfiaka chetna chu a theih dan ang zawng zawnga do a tul thu leh remna leh muanna a awm theih nana tan lak zel tha a tih thu a sawi a. Ram pahnih inkar thil bakah an chhehvel leh khawvel huap thil hrang hrang an sawi dun bawk niin Ministry of External Affairs (MEA) chuan a sawi.
Motivational Speech of Lallianzuala Chhangte Footballer::Class X zirlai te hnenah
A dawt lehah chuan thil kan tihna reng rengah rinamwna a pawimawh. Bible-ah pawh hnathawktu rinawm chanthat zia kan hmu a ni. Tunah chuan enge kan rinawm theihna kan tih chuan Zirlai vek kan ni a, kei pawh zirlai ka ni a, kan thil nih tum emaw kan zirna emaw chauh buaipui rawh u. A chhan chu zirna emaw sporta a hma kan sawnna daltu leh kan nih tur ang nih tir thei lo tu paihbo a ngai. Games khel a zan rei tak taka men leh zing tlai tak a thawh te bansan tur. Chuan, ruihhlo hian kan ram a eichhe nasa em em, mihring nuai 14/15 vel kan awm a, Home 40 chuang Mizoramah a awm !. Thler tinah ruihhlo ngai an tam em em a, inchhungkhur min ti buai. An nun an tichhia a, chhungkua an ti buai a , chhungkua, khawtlang Kohhran lu an ti hai takzet. Mahni nun hlu lo ni a inhriatna te an nei a, damtlak lova inngaihna te an nei a, an nun an ti chhe em em a ni. Ruihhlo lakah fihlim ula, in lo ti anih chuan sim hmak rawh u. Ruihhlo leh games in a tihbuai vanga nih tur ang ni lo an tam. In thian ten ti ve tur a an sawm che u in NO ti ngam rawh u. In zirna emaw, in thil nih tum nih in tum naah rinawm takin ti ula, Zirlai in ni a, theihtawp a in kal zel chuan Pathianin lawmman a pe ang che u.
Ka Nu hi Angawandi teacher a ni a,an hna hi mite ngaihsan lemloh a ni. Thlakhatah tlemte an hlawh a, mahsela rinawm tak hian a thawk ve thin a, an hotu ten an endik in an vil reng ngai bawk lo. Naupang te te puitling taka an seilen theih nan leh sikul a an kal hun a an bo lutuk loh nan a fuih ve thin. Miten an hmuh loh lai pawha rinawm taka a thawhna chu a mak khawp mai. India rama chawimawina sang National Award tum 2 lai a dawn phah a, a ropui ka ti khawp mai. Tunah hian Sorkar tihpui a awm apiang Republic Day, Independence Day etc ah hian Ka Nu chuan sawmna a dawng ziah, Lallianzuala Chhangte hian VIP sawmna a dawng ngai lo. Nangni pawh zirlai in ni a, inthil tih a hniam emaw a sang emaw rinawm taka Pathian ropuina nen a in tih phawt chuan Pathian in sang takah a dah ang che u. In thil tihna apiangah rinawm takin ti ula, ‘Chawimawi la, anin a chawimawi ang che u’ Bible in a tih kha.
Pathum naah chuan tun hun hi ngaihlu ula , ka thianpa in a sawi thin chu (Ka senior a ni) ‘In kum ang hun kan nih hun lai hi a lo ngaihawm ber a ti. Ka ngaihtuah let hian M/S, H/S kan kal lai kha a nuam ber.Tunah hian naupang te te in ni a, tun hun hi a hlu. Upat hun, hna neih hun in chak mai thei. Nitina Sikul kal te kha kan ning ve thin. Mahse ka hrilh duh cheu chu ‘tun hun hi a hlu a, a pawimawh a, nakin hun hriltu anih avangin theihtawp a nuamin hmang rawh u. Hmathlir eng tak nei ula, mahse tun hun hi nakin hun hriltu a ni a,ngaihlu ula, nakinah in in chhir lovang, tun hun hi tha takin hmang rawh u. Thuhrilhtu chuan vanglai chen turin min ti a, hrereng tur a min tih chu siamtu Pathian a ni.Pathianin amah hrerengtu te a thlahthlam ngai lova chakna a pe thin.
4-na a ka sawi duh chu kan aia u, kan zirtirtu te kan zah hle an ngai. Kan zirtirtu, nu leh pa leh rual u zawk te zah tur. Kristian kan ni a, Isua hnungzui tu kan ni. Bible in mahni chunga roreltu te thuawih turin min ti. Malsawmna hi sum leh pai, hausakna leh hmingthanna in a leitheih ngawt lo. Chuvanghin kan zirtirtu leh aia u zawk te malsawmna hi a hlu. Ka sawi fo thin leh Pathian malsawmna ka dawn thin chhan chu aia u pa, Nu leh pa, Kohhran hruaitu leh khawtlang hruaitu te malsawmna leh tawngtaina vang a ni . Min tawngtai puitu hi an tam lutuk a, . Pathian malsawmna bakah aia u te malsawmna a ni a, tawngtai hlut zia hrechiang tu ka ni. Chuvangin in zirtirtu, aia upa, nu leh pa te malsawmna a hlu lutuk. Vai ho in malsawmna an dawn nasat dan em em ka ngaihtuah thin a , Kristian te ai hian malsawmna an dawng tam thin. A chhan chu Nu leh pa thu an awih thin vang a ni. Kristian nih leh nih loh lam vang ni lovin Pathian thutiam anih tlat avangin malsawmna an dawng. Panjabi te thuawih zia chu Love marriage an ti a, an la hriat ngai loh te nen pawh an nu leh pa ten tha an tih chu kar 2/1 in hmuin a hnuah an in neihtir a, an nu leh pa hnenah an intulut thin. Keini pawhin nu leh pa thuawih thar ila, malsawmna tamtak a keng ang tih ka hrilh duh a che u.
Sawina hun ka nei tam lova sawi ka chak chu..tunlaiah Zirlai tamtak te Social media in lut thei vek a, khawvel hi awlsam takin kan fangchhuak thei tawh. Ka sawi duh chu min hual veltu te ah hian thu leh hla hriatchak, hmuhnawm, ngaihnawm a tam lutuk.Kan rinna sawi danglam hrawk hrawk thei tur zirtirna danglam tak tak a lo chhuak tawh. Heng zawng zawngah hian a pawmnuam leh awlsam ringawt pawm lo ula, Bible-ah enge in ziak zawng ula, zawm rawh u. Lehkhabu tha chhiar tam ula, thudik, thutak tan ngam Mizoram in kan mamawh. Chutiang kan neih hunah kan ramin hma a sawn zel ang. In lo kal zelna turah nang pawhin thutak i zawn a, thutak i tan ngam chuan engkawng pawh zawh la, i hlawhtling ang.
Aim in Life: Pu KL.Biakchungnunga’n a sawi thin chu My aim in Life... chu ‘Pathian rawngbawl nan a..’ in tih chuan Pathianin a hre zel ang cheu a ti thin a, a dik hle. Mahni chhungkaw chawm nan ni lovin Pathian ropui nan, ka mihring puite chunga rawngbawl nan he hna khi ka thawk dawn a ni ti a tum bulfuk tak in neih chuan Pathianin a tihhlawhtlin sak ang che u. Thil tih chak zawng in tihna kawngah hma lam pana kal peihloh chang, beidawn hun in nei ang. Chung hunah chuan Thufingte 3:5,6 I thinlung zawng zawngin Lapa ringla, nangma hriat naah innghat suh...tih kha i hriatreng chuan Pathianin a hruai ang che u.
ISL ka luh tirhin kum 18 vel ka ni a, ka nih tum ber chu Footballer, chumi zawh a ka tum chu Emerging player of the year vawi 1 tal dawn ve a ni., Chumi ni tur chuan Off season lai pawhin ni 1 pawh ka chawl mang lo. Theihtawp ka chhuah. Thiante chu Europe-ah te an kal a, kei chu Gym ah kalin ei leh in ka in sum a, chuan kan khel chho a, season 1 naah Pathian zarah ka che tha ve a, ka beiseina a sang ve em em. mahse ka dawng lo. 2nd season-ah Delhi Dynamo-ah dawng ngei ngei turah ka in ngai leh a, kei aia tha an awm ka ring lo, Mahse ka beisie loh deuhin midang in an dawng leh. A tum 3 naah Chennai FC ah ka kal a, chumi tum chuan Goal 7 ka thun a, kei aia dawng tur an awm ka ring tawh lo.Pathian khawngaihna zarah ka che tha ve em em a, mahse ka la dawng lo leh ta.
Kum 23 ka pel ve dawn tawh si, ka rilru a na ve em em a, kei aia khelchhia a ka hriat te’n an dawng zel tawh si a, ka hnual takzet tawh. Mahse ka hriatreng chu “I thinlung zawng zawngin Lalpa ring la, nangma hriat naah in nghat suh, I kawng zawng zawngah amah hrereng la, I kawngte chu a kawhhmuh zel ang che tih....a ni. Pathian chuan min hre reng a, League pumpui, Foreigner zawng zawng, India player ah 2 chiah in an la dawng a,. chu chu Pathianin ka dream aia tha zawk min pe a ni. Lalpa chu fakin awm rawh se. Hlawhtlinna kawng in zawh dawn a, Pathian a innghattute an in chhir ngai lo. Nangni pawhin tun atanga Pathian hi innghah nan a inhman phawt chuan i lo suangtuah aia sang zawkah a dah ang che u.
Pakistan hnena thuruk hrilh thintu nia puh India in man
Yadav-a hi naval headquarters-ah hian clerk niin Haryana-a cheng a ni a, Rajasthan Police-a Intelligence Wing-in an man a ni. Police officer Vishnukant Gupta chuan Rajasthan-a CID Intelligence unit-in an chet vel dan chu ngun takin an lo chhui ru tawh niin a sawi.An enthlaknaah hian Yadav-a hian hmeichhe pakhat hnenah social media hmangin a pe chhawng a, ani hian Pakistani intelligence agency hnenah a pe leh chhawng thin tih an finfiah niin a sawi. Hmeichhia hi Priya Sharma a ni a, pawisa pein thu pawimawh leh mi bikte chauhvin an hriat tur thu rukte chu Yadav-a hnen atang hian a dawng thin niin officer chuan a sawi.
Chhui tawhna chinah chuan Yadav-a hian online game a khel nasa thin a, henga a pawisa a hloh thin khuh nan sum a mamawh hle niin an hria.Cryptocurrency trading account hmangin sum hi a dawng thin a, a chang chuan a bank account-ah pawh a lut thin niin officer hian a sawi.Yadav-a hi Jaipur, Rajasthan-a Central Interrogation Center-ah intelligence agency hrang hrangin thawkhovin thu an la zawt fiah mek zel.
Venhim hna thawktu pawl hrang hrangte chuan he thilah hian inhnamhnawih dang an awm em tih an chhui mek zel a, engtiangin nge thu pawimawh a lo put theih tih pawh an dap zel.Yadav-a an man atang hian social media chu mi enthlakna atana hmanraw hman langsar tak a ni tih a lang niin chhuitute chuan an ngai a. Venhim hna thawktute chuan mipuite chu social media-a thil rinhlelhawm an hmuh chuan an hnena thlen vat zel turin an chah.
WHATSAPP GROUP A LINK POST TU HREM THEIH.
Er. Chhungpuia Renthlei. Senior Technical Officer, NIELIT Aizawl
WhatsApp group member tana link tangkaipui:- news websites /online link, YouTube video-sharing, articles /blog posts, commercial websites /online stores, Zoom/Neet meeting, files, documents, software download e.t.c link post te hi dan bawhchhiahna a nilo. Pawi khawihna tur hrim hrima siam link himlo post erawh dan bawhchhiahna a ni thung.
Pawi khawihna tur hrim hrima siam link te:
Harmful links: Thinrimna, buaina, inlakhranna, sorkar phalloh thil tihna, milem leh thlalak mi nawlpui hmuh chi loh leh en hreawm tak tarlanna, midang chawhbuai theihna leh deusawhna ang chi link zawng zawng te.
Spam links: Sumdawnna leh advertisements ninawm tak tak te, bumna hmanga inthlemna te, Intihderna leh website diklo a inhruai luhna te, midang tana ninawm leh thinrimna khawpa link post teuh teuh te.
Malicious links: Computer leh mobile phone ti buai thei viruses, malware, ransomware te, kan remtihna lova Auto download theihna te, personal data leh login credentials ruchhuak thei te, distributed denial-of-service (DDoS) attacks thlen tir thei link zawng zawng te.
Hremna:
Link post hrim hrim hi thilsual nilo mahse, WhatsApp leh social media a midang te tana harsatna thlen thei link post hi hrem theih an ni. Harsatna a thlen dan azirin hremna pawh a neplo hle. Inda ram dan hrang hrang hmanga hremna langsar zual te:
IT Act (2000):
Harmful links: Kum 3 thleng Jail tan leh pawisa chawi(Section 66A). Spam links: Kum 3 thleng Jail tan leh pawisa chawi (Section 66A). Malicious links: Kum 3 thleng Jail tan leh pawisa chawi (Section 65) emaw, Kum 5 thleng Jail tan leh pawisa chawi (Section 66)
Bharatiya Nyaya Sanhita (BNS):
Harmful links: Kum 2 thleng Jail tan leh pawisa chawi (Section 503).Spam links: Kum 2 thleng Jail tan leh pawisa chawi (Section 504). Malicious links: Kum 3 thleng Jail tan leh pawisa chawi(Section 505)
Bharatiya Nagarik Suraksha Sanhita (BNSS)
Harmful links: Kum 3 thleng Jail tan leh pawisa chawi (Section 155). Spam links: Kum 3 thleng Jail tan leh pawisa chawi (Section 155). Malicious links: Kum 5 thleng Jail tan leh pawisa chawi(Section 155)
Disaster Management Act (2005)
Harmful links: Kum 2 thleng Jail tan leh pawisa chawi (Section 54). Spam links: Kum 2 thleng Jail tan leh pawisa chawi Section 54). Malicious links: Kum 5 thleng Jail tan leh pawisa chawi (Section 54)
Unlawful Activities Prevention Act (UAPA) (1967)
Harmful links: Kum 5 thleng Jail tan leh pawisa chawi(Section 13).Spam links: Kum 5 thleng Jail tan leh pawisa chawi (Section 13). Malicious links: Kum 7 thleng Jail tan leh pawisa chawi(Section 13)
Jail tan chhung leh pawisa chawitur zat hi an pawi khawih nasat dan a zirin a danglam thei. Tin, WhatsApp inkaihhruaina dan kalh anih avangin account tihtawp sak theih a ni bawk.
Hriattur pawimawh:
Link thalo laka nang leh kei kan him nan link hriat chian loh leh himlo whatsapp ah post ching suh. Sumdawnna thila offer tha lutuk leh man tlawm lutuk ang chi link te, KYC leh Bank kaihhnawih link te, Lucky ticket /Lottery kaihnawih link te hi inbumna link a ni thin. Hetiang link hi click lovin, delete nghal zel ang che. WhatsApp group a Link post vanga harsatna i tawk anih chuan evidence atan link URL, contents, pictures, comments, messages, profile , link post tu mobile number leh personal detail chhinchhiah la. Police station hnai berah FIR thehlut ang che.
==============
Mizoram Polytechnic Lunglei ( MPL ) chu court thu pekin kalhsak tak tak a ni ta.
Mizoram Polytechnic Lunglei (MPL ) hi hun rei tawh tak atanga an ram neitu Pu Vanlaldawngliana chuan Court a a khin hnu thla engmaw zat hnuah Court hian sorkar hnenah thil awmzia a hriattir a, hun rei tak a ngaihchân hnuah a luah man chu an ngaihsak loh avângin Nov 7.2024 khan Pi Lalthansiami Hnamte Civil Judge Senior Division Lunglei chuan Mizoram Polytechnic Lunglei building zawng zawng khar sak turin thupêk a lo chhuah tawh a ni.
Mizoram Polytechnic Lunglei ram luah man an pek loh zawng zawng hi Rs 98,05,033 a tling a ni.Polytechnic Lunglei building zawng zawng khar sak turin thupêk a chhuah a ni.
Mizoram Public Service Commission
Advertisement No.5 of 2025-2026
Name and No.of Post Pay Level in the pay Matrix Department
Sericulture Extension Officer-6 (Six) posts Level 7 Sericulture
(i) Opening date for submission of online application : 25.06.2025
(ii) Closing date for submission of online applications : 25.07.2025 till 12:00 midnight
For detailed information, log on to-http:/mizoram.gov.in/page/advertisement-g-2025-2026
Sd/-
( Dr.H.LIANZELA)
Secretary
Mizoram Public Service Commission
Vohbik leh upa kum 60 chung lam tanpuina hmanraw mamawhte hnenah athlawnin tanpuina hmanraw chi hrang hrang sem a ni.
He hun 'Samajik Adhikarita Shivirs' (Social Empowerment Camp) hi Lunglei High Powered Committee (HPC) Vice Chairman Pu V. Malsawmtluanga chu khuallian niin a hmanpuia, Lunglei District Bawrhsap Pi Navneet Mann chu khualzahawm a ni.
Khuallian chuan Lunglei DC kaihhruaia Project LEAP kalpui mekah vohbik leh upa tranpuina mamawh, mahnia ngaihtuah dan hre si lo engemawzat zawnchhuah a, an hamthatna tur buaipuisak an ni chu lawmawm atih thu sawiin, ALIMCO atanga tanpuina hmanraw chi hrang hrang dawngtute lawmpuina hlanin, Project LEAP team-te duhsakna ahlan a. India sawrkar leh Mizoram sawrkarin vohbikte leh upate angai pawimawhin, an tan theih tawpin hma ala tih sawiin, an hmasawnna leh hamthatna tur dan tha tak tak pawh duan anih thu asawi a. Vohbikte tana sawrkar hmalakna lawmawm tak tak a tarlang bawk.
Khualzahawm, Bawrhsap Pi Navneet Mann chuan Project LEAP chu nikum December thlaa hmalakna thlirhona atanga ruahmanna lo piang chawp,in ahrinchhuah a nih thu sawiin, health & family welfare, social welfare, election leh department dang dangte'n vohbikte leh upate tan hmalakna an neihsa reng chu thawh hona atanga awmze nei leh darhzau zawka kalpui anih theih nan ruahman anih thu asawi.
Lungleia 'Samajik Adhikarita Shivirs' buatsaihah hian Ministry of Social Justice & Empowerment hnuaia hamthatna - Assistance for Disabled Persons (ADIP) Scheme kaltlangin vohbik mi 54 hnenah leh Rashtriya Vayoshri Yojana (RVY) kaltlangin upa kum 60 chung lam mi 687, an vaiin mi 741 hnenah ri hriatna leh chetvelna atana an hmanraw mamawh chi hrang hrang - tricycle, wheelchair, bengdar, mitdel tiang, zakdawh tiang leh hmanraw dang chi hrang hrang 3,448 chu a thlawnin sem a ni.
========
Khawvel puma ruihhlo hman khawloh leh tawlh ruk do ni hmang.
Sub-Deputy Commissioner Pi Lalnunchhani Hnamte chuan hun kaihruaiin, intihsiakna hrang hrang buatsaih a nih dan a sawifiah a. Bawrhsap Pi Navneet Mann leh Additional Deputy Commissioner Pi Zoramdini te'n ruihhlo that lohzia leh ruihhlo dona kawngah sawrkarin theihtawp a chhuah thu te, ruihhlo chu khua leh tui zawng zawngin trang ruala do a tul thu te an sawi.
Intihsiakna lawmman dawngtute chu Middle school zirlaite tana lemziak intihsiakna-ah
CT Remlalnghaki, Govt MS-II Rahsiveng;
C. Malsawmzuali, Holy Faith English School leh
Carlyn Zorinpuii Holy Faith English School te an ni a, mi pahnih hnenah consolation prize pek a ni.
High School & Higher Secondary School zirlaite tana lemziak intihsiakna lawmman dawngtute chu
Daniel Biakhmingthanga Govt HSS Lunglei,
Rachel K. Lalnunpuii, Baptist HSS;
Lalnunhlua Govt Leitlangpui HSS niin mi 2 hnenah consolatipon prize pek a ni.
Inhnial fiamna (debate competition)-ah Govt Electric Veng HS; Baptist HSS leh Govt Zotlang HS ten lawmman an dawng a.
Lemchan tawi insiamsiak (reels competition) ah
PYD Chanmari (Mizoram UPC),
ṬKP Electric Veng Unit, Vanngaia Group, TKP Pukpui Unit te'n an dawng a ni.
====================
Lunglei Police ten ruihhlo thahnem tak halral.
International Day Against Drug Abuse & Illicit Trafficking pualin nimin khan Lunglei Police-te'n ruihhlo an man, heroin no. 4, gram 316.58, ₹ nuai 8,78,850/- man hu chu Lunglei District Superintendent of Police & Drugs Disposal Committee Chairman Pu J. Lalmuankima kaihhruaiin Lunglei AP Tlanga thil halralna thuk (incinerator) bun tharah halral a ni.
Ruihhlo halralnaah hian District Drugs Disposal Committee member - Sub-Divisional Officer(S) Pi TT Beikhaizi leh Excise & Narcotics Assistant Commissioner Pu B. Ngurchhuana-te bakah, DIPRO, DSWO, Sub-Headquarters YMA hruaitute, VDP Lunglei Town Co-ordination Committee hruaitute, police mi leh sate, NCC cadet leh mimal thahnem ngai engemawzat an tel a . An hal ral tak damdawi heroin no. 4-te hi ND & PS Act hnuaia case ziahluh Judicial Magistrate First Class, Lungleiin phalna apek-te an ni.
Lunglei District Police chuan nikum 2024 chhung khan heroin kg 1.930 (₹ 57,94,750/- hu) leh ganja kg 13.016 (₹ 65,000/- hu) an man a. Heroin kaihhnawihah thubuai 23 ziak lutin, mi 33 an man a; ganja kaihhnawihah thubuai 1 ziak lutin, mi 4 an man bawk. Kumin 2025 June thla thlengin heroin gram 960.24 (₹ 28,89,180/- hu) leh khuh damdawi (cough syrup) kg 13.100 (₹ 19,650/- hu) man tawhin, akaihhnawihah thubuai 8 ziak lutin, mi 12 an man tawh bawk.
Lunglei District Excise & Narcotics Department chuan nikum 2024 chhung khan heroin kg 3.165 (₹ 96,46,920/- hu), alprazolam mum 2,011 (₹ 30,085/- man hu), ganja kg 6.41 (₹ 51,280/- hu) leh khuh damdawi bur 2,426 (₹ 2,41,920/- hu) an man a. He'ng kaihhnawihah hian thubuai 87 ziak lutin, mi 87 an man a. Kumin 2025 June thla thlengin heroin gram 254.97 (₹ 7,77,149/- hu), alprazolam mum 9,072 (₹ 1,35,717/- hu), ganja kg 47.36 (₹ 3,78,880/- hu), khuh damdawi bur 372 (₹ 1,00,440/- hu) leh methamphetamine mum 36,400 (₹ 600,600/- hu) man tawhin, a kaihhnawihah thubuai 27 ziak lutin, mi 32 an man tawh bawk.
==================
Iran thuneitute chuan Israel Intelligence-te lo puitu zawnchhuah runpui an nei.
Iran official-te chuan ram pumah Iran enthlak hna thawktu mi 700 vel man an ni tih an sawi a, an ram TV chuan heng an mante inpuanna, Israel tana thil pawimawh anlo rawlruk dan nia an sawite an tichhuak thin a ni.
Humanrights pawlte chuan Iran-ah hian an lo tih thin danah chuan tihluihna-in mi an inpuantir a, an chungthu dik lo taka ngaihtuahin an tihlum thin ani tiin chutiang chu tun tumah pawh hian a thleng dawn niin an ngai a, midang an tihhlum chhunzawm zel a rinawm a ni.
=========
𝗨𝗦, 𝗜𝗦𝗥𝗔𝗘𝗟 & :-𝗜𝗡 𝗜𝗥𝗔𝗡 '𝗡𝗨𝗖𝗟𝗘𝗔𝗥 𝗦𝗜𝗧𝗘' 𝗔 𝗖𝗛𝗛𝗘 𝗛𝗡𝗘𝗛 𝗩𝗜𝗔𝗨 𝗔𝗡 𝗧𝗜!
𝓟𝓱𝓾𝓪𝓱𝓴𝓱𝓪𝔀𝓶𝓽𝓾
~ Zoa Tlau (26.6.2025 tlai dar 5:35)
Buannel Cabin
𝗜𝗿𝗮𝗻 𝗻𝗲𝗻 𝗻𝘂𝗰𝗹𝗲𝗮𝗿 𝗱𝗲𝗮𝗹 𝗮 𝗻𝗴𝗮𝗶 𝘁𝗮𝘄𝗵 𝗹𝗼:
Donald Trump chuan Hague-a NATO intawhkhawmah Iran nen nulear deal neih a ṭul tawh lo, hmun 3 hneh takin kan chhu chhe tawh. "Nuclear an neih kan duh lo," tiin, "Nuclear hmun kan tichhe vek tawh," a ti. Sawi chhunzawmin Israel-Iran inkahhài hi a derthawng lo vang, a ti.
𝗖𝗵𝗶𝗻𝗮-𝗶𝗻 𝗜𝗿𝗮𝗻 𝗮 𝗱𝗮𝘄𝗿 𝗸𝗮𝗻 𝗿𝗲𝗺𝘁𝗶:
Trump chuan China-in Iran aṭanga oil leh gas a lei chhunzawm zel an remtih thu a sawi nghal a. Iran hian ni 12 indona hi a tuar hle a, chhia leh ei leh bar tlakhniamna a thlen nasa a ni. Hemi indinthar leh tur hian pawisa an mamawh nasat dawn avangin a dawrtu ram lian ber China-in Iran a dawr chhunzawmna kawngah buaina a awm loh tur thu US President hian a sawi.
𝗜𝗿𝗮𝗻-𝗶𝗻 𝗻𝘂𝗰𝗹𝗲𝗮𝗿 𝗯𝗼𝗺𝗯 𝗮𝗻 𝗻𝗲𝗶 𝗹𝗮𝘄𝗸 𝗹𝗼 𝗮𝗻𝗴:
Israel atomic agency chuan US nena Iran nuclear hmun pathum na taka an chhut chhiat avangin, Iran-in nuclear bomb a neih tumna chu kum tam takin a hnungtawlh an ti a. Israel millitary leh intelligence ten a nghawng hi an la chhui mêk a, US lamah pawh FBI-in a tira report lo putru kha an chhui bawk. CIA lam pawhin Iran nuclear hmun hi a chhe hneh hle tih an finfiah.
𝗜𝗿𝗮𝗻 𝗻𝘂𝗰𝗹𝗲𝗮𝗿 𝗽𝗿𝗼𝗴𝗿𝗮𝗺 𝗮 𝗰𝗵𝗵𝗲 𝗵𝗻𝗲𝗵 - 𝗨𝗡:
U.N. atomic energy agency chief Rafael Grossi chuan US leh Israel Iran nuclear hmun an bomb chuan chhiatna nasa tak a thlen tih a sawi a. Iran hian an bomb chhiat nuclear hmun te hi endik an phal lo vaih a nih chuan chhiatna nasa zawk an hmabak tih a sawi.
(𝙺𝚑𝚊𝚠𝚝𝚑𝚕𝚊𝚗𝚐 𝚖𝚎𝚍𝚒𝚊 𝚕𝚎𝚑 𝙼𝚒𝚍𝚍𝚕𝚎-𝚎𝚊𝚜𝚝 𝚜𝚘𝚞𝚛𝚌𝚎 𝚊𝚝𝚊𝚗𝚐𝚊 𝚕𝚊𝚔 𝚔𝚑𝚊𝚠𝚖 𝚊 𝚗𝚒 𝚎)
Hemi hnu hian Police ten Heroin an man tawh sa Gram 316.58, Rs 8,78,850 man hu chu Judicial Magistrate 1st Class in phalna a pek ang in Drugs disposal Committee Lunglei chuan AP Tlanga Incinerator-ah an halral.Ruihhlo halral naah hian Sorkar Official leh NGO hruaitu te pawh an tel.
E-Office hman vangin File kal a chakin a awm reina Dawhkan hmuh theih vek tawh dawn.
Mizorama eOffice kalpuina atan hian Dept of Personnel and Administrative Reforms (DP&AR) chu nodal dept a nih thu leh implementing department chu Dept of Information & Communication Technology a nih thu a sawi a. Tuna eOffice atana software hman chu NIC siam a nih thu leh deployment leh hosting chu RailTel lam tih a nih thu a sawi a ni. Minister chuan eOffice chu kumin April ni 18 khan ‘Go-Live’ niin hman tan a lo ni tawh tih a sawi a. A tirah Secretariat-a Dept thlan bik 4, DP&AR (GGT), ICT, School Edn leh PWD-ten an hman hnuah tunah chuan, Secretariat-a Dept zawng zawng, dept 41 bakah Chief Minister Office (CMO)-ah te hman a nih tawh thu a sawi.
Health care Scheme kalpui dan fuh lo - MPCC
Vawiina Aizawl Press Club-a chanchinbumite a kawmnaah he thu hi sawiin MPCC Treasurer chuan MUHCS chungchanga Private Hospital neitute thuchhuah leh TV vela an kawmna atanga sawrkar in a duh ang barhluih tuma hma a la ni awma lang chu an ngaih thutak thu a sawi a. Private hospital te nen sawihoa inrem tur a nih laia sorkarin a duh anga engkim a kalpui hnuah zawm tura a ti chu Private hospital te tan pawm theih chi niin a langlo a ti.
MPCC Treasurer chuan MUHCS-a tun thlenga mi 5000 vel chauh an la inziaklut chuan mipui rinhlelhna a la len zia a ti lang a ti a, Sorkar damdawiin lian ZMC leh Civil Hospital-ah khum chan a har avangin emergency tak taka inzai ngai te, nau vei ten Private Hospital an pan loh theih loh hun a awm avangin harsatna a thleng chho mek a ni a ti a, heng thil lo thlen chhan chu sawrkar ruahmanna fel loh vang leh kalphung hriat loh vang a ni a ti.
Hei hi kalphung thar anih chuan mipui in an tuar nasa dawn a, an hriselna phei chuan a tuar hle dawn a ni a ti a. Scheme mumal lo taka kalpui a tum chu ZPM sawrkar chuan ngaihtuah tha leh se, Private Hospital te nen inremna neihpui thuai se, hlawhtling takin kal se tih chu an party duhdan a ni a ti.
Aizawlah Gas Home Delivery ti tha lo veng 9 vel an la awm
Thawhleh ni khan hearing neih niin, AMC huamchhunga distributor awm zawng zawng – 12 aiawh an kal a, MCU hruaitute an tel bawk. MCU hian gas home delivery ti tura hma a lak naah kum 2015 khan SCDRC-ah hian a lo zual ko tawh a, rei tak chhung a inchiah hnu ah 2023 Oct khan Consumer Court hian judgement order tichhuakin AMC huamchhungah leh district headquarters tinah home delivery ti vek turin distributor-te hi a hriattir a ni.
“Hemi hnu, kumin March – April atang khan home delivery ti tura hma lak zui ni mah se, distributor tam zawk chuan an bawhzui tha lem lo nia hriat a ni. MCU chuan Commission-ah hma lak that a nih loh thu hi a thlen leh ta a ni. distributor zingah hma la tha awm mahse, a tam zawkin court thupek an zawm tha lo nia hria in an zualko leh a; Commission hian home delivery kalpui vek turin a ti a, distributor tin chu an perfomance thehlut tura a tih bakah MCU pawh pe ve turin a ti tih a sawi. AMC huam chhung ah chuan home delivery hi an ti deuh vek tawh a, veng 9/10 velah chauh la kalpui that lohna a awm.
MLA in hnuchham Naupang 20 Admission tihsak
Nimin khan Lalchhuanthanga, Aizawl South II bialtu MLA leh ZPM treasurer chuan a bial chhunga Salvation Army enkawl mek Mualpuia Muanna Ina naupang enkawl mekte tan, Mualpui 3rd Battalion MAP English Medium School-ah zirlai 20 tan admission a tihsak. Aizawl South II MLA, ZPM General Hqrs Treasurer ni bawk chuan thu sawiin, Muanna In naupangte chu MLA a nih tirh atanga a thlahthlam loh thu leh, an mamawh thil hrang hrang a theih ang tawk tawka a lo puih thin tawh dan te sawiin, tun dinhmuna pui thei tura Pathianin a hruai zelnaah lawmthu a sawi a, a tul ang anga puih zel a inhuam reng thu a sawi bawk
Seling daiah Silaimu thahnem tak man
Niminpiah khan 191 Bn. BSF leh CID (SB), Aizawl tangkawp chuan Seling daiah silaimu thahnem tak an man. BSF leh CID (SB) tangkawp hian an thudawn bawhzuiin joint operation an nei a, bolero pick-up MZ/04 - 1935 atangin silaimu (7.62 mm) 3008, Rs. 16,54,000 ma hua chhut an man. Motor hi Lalawithanga (48), Zuangtui, Aizawl nia insawi khalh a ni. Bawngkawn Police Station-ah Arms Act hmangin thubuai ziahluh a ni a. He thila inhnam-hnawih dangte chu an chhui zui dawn a ni.
Kum 10 tang turin hrem
Heroin gram 512 (hawng 42) kawl vanga September 23, 2023- a man, Jalal Hussain Barbhyia (26), Kaptanpur Part-3, Silchar chu Kolasib Fast Track Court chuan thiam loh a chantir a, a hremna hi nimin khan Kolasib Fast Track Court judge R Vanlalena’n a ti chhuak a, kum 10 chhung jail-a tâng tur leh Rs 1,00,000 chawi turin a hrem a ni. A pawisa chawi tur hi a pe tla thei lo a nih chuan a tan belh leh ang.
Ni 12 indo hnuah Israel leh Iran inkahhai.
Iran-in a zawm hmasa ang a, Israel-in darkar 12 hnuah a zawm zui ve ang. Iranian sorkar chanchinbu pawhin Israel-a thawh nga na a missile an kah hnuah inkahhai hi a taka hman tan a nih thu a puang a, an beihna hnu hnung berah hian Israel chhim lama mi 7 vel an thi niin a sawi bawk. Iran-a sorkar hnuai ni chiah lo, SNN news agency pawhin Tehran hian inkahhai puan hma lawkin missile eng emaw zatin a kap tih a tar lang ve bawk.
Missile-a beihna an tawh hnuhnung a tawp rualin Israel-a sipaite pawhin mipuite chu an inhumhimna leh a chhehvel an chhuahsan theih thu an puang bawk. Thil dinhmun inher mekah Home Front Command chuan ram pumah hmun him chin chhehvela awm tura tihna chu a hlip ta, tiin sipai hian thu a chhuah. Trump-a hian Tehran-in Qatar-a American sipai hmun a beih hnu lawkah Israel leh Iran inkara inkahhai hi a puang a. Kartawpa US-in Iranian nuclear hmun a kahna chhan letna chu Republican hruaitu hian chhanna nep tak a nih thu a sawi bawk.
White House thuneitu chuan news agency Reuters hnenah Trumpa’n Israeli Prime Minister Benjamin Netanyahu biain inkahhai puan hi a rawtpui niin a sawi a. Israel hian Iran-in a beih loh chhung chu beih loh a pawm niin a sawi.
ISRAEL LEH IRAN ECONOMY DINHMUN TLANGPUI
- 𝑩𝒆𝒏𝒈𝒌𝒉𝒖𝒂𝒊𝒂 𝑳𝒆𝒉𝒌𝒉𝒂 ✍️
ISRAEL:
Israel ram zau zâwng hi 22,145 square km chauh niin Mizoram aiin square kilometer 1000 vel awrh a zau a ni. Israel ramah hian mipui 95,17,181 (Maktaduai kua) chuang an cheng a, nikum aiin 1.39% velin an pun belh. Square kilometer khatah mihring 440 zel cheng ang an ni.
Economy - Israel ramin kum khata sum chang thei thil a dehchhuah (Gross Domestic Product) zawng zawng chu US dollar billion $583.36 vel a ni a; Israel mipui mi pakhat zelin kum khat chhunga sum a dehchhuah (GDP per capita) chu US dollar $57,760 niin, kum 2015 aiin 3.2% velin a pun belh a ni.
Israel ram economy hi a ram zau zâwng leh mipui cheng zat chhut chuan a ngelnghet viau a ni. Information & Technology, Electronics, Military Electronics, Software development & manufacturing, Defense/Weapon/Military Industry lamah an advance êm avang hian high tech equipment, mechanical machinery, laser, fiber optic, semi-conductor, telecommunication & computer equipment leh hmanraw hrang hrang an siamchhuak nasa a, an thawnchhuak nasa hle a, Military leh weapon lam phei chu khawvelah a thawnchhuak nasa ber pawl an ni pha a ni.
Israel ram khu an leilung khuan a zir loh avangin advance agricultural technology lamah ṭan la-in an sâng hle bawk a, thlai leh theirah te pawh thawnchhuah tham an thar mai bakah lei tih ṭhatna, rannung thahna hlo, etc., lam hi an thawnchhuak nasa viau bawk. Tin, Israel ram khuan Damdawi lam bakah Medical equipment leh Medical device chi hrang hrang, a lian aṭanga a te thlengin a thawnchhuak tam hle.
A tawp berah chuan Israel ram khuan metal lam chi hrang hrang - Pearl, lung man tam leh lunghlu chi hrang hrang an thawnchhuak nasa a, lung man tam chi ho cut leh cheimawi lamah an hmingthan avangin khawvelah pawh a hmunpui zinga chhiar an ni.
Israel ram hi zimin mihring tlem viau mahse an military budget chu US dollar $30 billion a ni.
___________________
IRAN:
Iran ram zau zâwng hi 16,48,196 square kilometer lai niin khawvelah ram zau zâwng a tehin sawm leh pasarih na a ni pha a ni. Square kilometer khatah mihring 57 zel cheng ang an ni.
Iran ramah hian mipui 92,417,681 (Maktaduai Sawmkua leh pahnih) chuang an cheng a, nikum aiin 0.93% velin an pun belh.
Economy - Iran ramin kum khata sum chang thei thil a dehchhuah (Gross Domestic Product) zawng zawng chu US dollar billion $341.01 vel a ni a; Iran mipui mi pakhat zelin kum khat chhunga sum a dehchhuah (GDP per capita) chu US dollar $3,897 a ni. India ramah hian mipui billion 1.8 vel kan cheng a, kutdawh an tam bakah hna hnuaihnung zawk thawktu (Blue collar worker) an tam ber chungin kan GDP per capita hi US dollar $2880 bawr vel a ni.
Iran ram sum dehchhuahna bulpui ber chu mineral fuels an tih mai; natural gas leh oil bakah petrochemicals te hi an ni. Iran hian oil hi nikhatah barrel million 1.7 aṭanga 3 million bawr vel thawnchhuak ṭhin a chhut a ni.
Iran hian oil leh natural gas tih loha mineral resources an thawnchhuah tam deuhte chu steel, Iron, etc., te an ni. Agriculture lamah chuan Wheat, Rice, Barley leh thei te an thawnchhuak ve bawk.
Iran sawrkar khuan manufacturing sector leh service sector ho khu a control deuh vek a, manufacturing sector lam aiin service sector an ngai pawimawh zawk niin a lang. Service sector hrang hrang - Hotel, Mall, Real estate etc., te khu an sum hmuhna an ni bawk. Manufacturing sector lama an hmingthanna ber chu carpet hi a ni mai awm e.
Iran ram hi khawvela oil reserve nei ngah lamah palina hial ni pha mahse khawvela ram lian hote'n an hrek (Sanctioned) tlat bakah kum 1979 a Ayatollah Ruhallah Khomeini kaihhruaina hnuaia Shah of Iran an paihthlak hnu a Islamic Republic an din aṭang khan ralthuam lei leh siam bakah nuclear weapon neih ngei tumin theihtawpin an bei reng a, an ram economy hian a tuar phah hle bawk. Iran hi kumina an military budget chu US dollar $15 billion a ni.
Iran ram hian Missile leh drone an ngah em em a, kumina an ramin a thawnchhuah nasat ber pawh missile leh drone te an ni... 😅
======
AN CHHUNGKUA IN AN MANG VEK.
Iran nuclear scientist leh a chhungte Israel beihnaah an thi vek Tukin (nilaini) a Israel-in Tehran an bomb naah Seyyed Mostafa Sadati-Armaki, a nupui, an fanu pahnih (kum 15 leh 8), fapa kum 5 mi leh a nu leh pa te chu an thi vek a ni
🇮🇷 Iran command chuan tun hnai darkar eng nge maw zat chhung khan Israel lam hawia missile engmah an kap lo tih an sawi — Fars
‘Israel leh Iran hian inkahhai thuthlung an siam tak tak a nih chuan hei hi lawmawm tih theih chauh a ni’ — Kremlin spox Peskov
Moscow chuan inkahhai hi a vawn tlat a beisei'.
Iran in June 22 US-in Iran anbeih hnuah Iran in US Al-Udeid base-an beih na chu ‘UN Charter Article 51 hnuaia mahni invenna’ a nih thu a sawi —
Foreign Ministry spox
Lunglei 24/8/2025: Pu F. Lalngaihzuala Gen. Secy LDCC chuan Mizorama hmasawnna ruhrel tam ber hi Congress hunlai a thawh a ni a, Sorkarna lo...
